Рауагъдон бал Цхинвалы: куыд ацӕудзӕн скъоладзауты сӕйраг бӕрӕгбон

© Sputnik / Кирилл Каллиников /  Ахизын медиабанкмæРауагъдон бал Цхинвалы
Рауагъдон бал Цхинвалы  - Sputnik Хуссар Ирыстон
Рафыссын
Хуссар Иры ахуырады министрад снысан кодта рауагъдон бал ӕмӕ фӕстаг дзӕнгӕрӕджы датӕтӕ 17 ӕмӕ 18 июньмӕ. Рауагъдон балы организаци бакодтой Сывӕллӕтты сфӕлдыстадон галуаны бӕрны

ЦХИНВАЛ, 9 июн – Sputnik, Плиты Фатимӕ. Хуссар Ирыстоны столицӕйы 11-къласонты рауагъдон бал ӕрфысым кӕндзӕн Театралон фӕзуат, цытджын мадзӕлттӕ ацӕудзысты ӕнӕ районты скъолаты рауагъдонтӕй.

Хуссар Иры ахуырады министрад снысан кодта рауагъдон бал ӕмӕ фӕстаг дзӕнгӕрӕджы датӕтӕ 17 ӕмӕ 18 июньмӕ. Рауагъдон балы организаци бакодтой Сывӕллӕтты сфӕлдыстадон галуаны бӕрны.

"Хуссар Ирыстоны коронавирусы апарахаты тас хынцгӕйӕ рауагъдон бал ацӕудзӕн чысыл ӕндӕр уавӕрты. Цытджын мадзӕлттӕн бынат равзӕрстой Театралон фӕзуат. Уыдзӕн сырх гауыз, рӕсугъд сырх-зӕрин ахорӕнты фӕндаг, фейерверк ӕмӕ бынӕттон стъалыты концерт", - загъта ССГ режиссер Дзигойты Марина.

Йӕ ныхӕстӕм гӕсгӕ, ацы аз уавӕр хынцгӕйӕ рауагъдонтӕн бар нӕй саразын бӕрӕгбон ресторанты, "уымӕ гӕсгӕ бацархайдзыстӕм цы гӕнӕн ис уымӕй сӕ бӕрӕгбон саразын ӕмбӕлон уагыл".

Рауагъдон бал Цхинвалы - Sputnik Хуссар Ирыстон
Пандемийы фыдӕнӕн: Цхинвалы ауадздзысты рауагъдон бал

"Раздӕрау уыдзӕн видеопрезентацитӕ, бынӕттон стъалыты концерт, амонӕгӕй уыдзӕн Хуссар Ирыстоны паддзахадон театры ӕвзонг курдиатджын актрисӕ Бекъойты Зӕринӕ", - бафтыдта уый.

Хуссар Ирыстоны сӕйраг санитарон дохтыр Коцты Маринайы ныхӕстӕм гӕсгӕ, республикӕйы ис ӕмбӕлон эпидемиологион уавӕр.

"Махмӕ уавӕр у сабыр ӕмӕ хъӕуы раттын фадат рауагъдонтӕн банкъарын ацы бӕрӕгбон. Лыстӕгдзинӕдтыл нырма дзырд цӕуы, фӕлӕ цы структурӕтӕй аразгӕ у хъуыддаг, уыдон ӕппӕт дӕр сараздзысты, цӕмӕй мадзӕлттӕ ацӕуой бӕрзонд ӕмвӕзадыл ӕмӕ ӕдасӕй", - загъта Коцты Марина.

Ног хабӕртты лентӕ
0