Инвестицион нывæзты фæлгæтты Хуссар Иры столицæйы сараздзысты 450 фатеры

Инвестицион нывæзты фæлгæтты Хуссар Иры сараздзысты 522 ног фатеры

61
(ранӕуӕггонд 11:51 10.06.2020)
Æввахс æртæ азы Хуссар Иры столицæйы самайдзысты æхсæз корпусы, фæйнæ дыууæ та Дзау æмæ Знауыры поселокты

ЦХИНВАЛ, 10 июн – Sputnik, Плиты Фатимӕ. Хуссар Ирыстоны 2020-2022 æзты Инвестицион нывæзты фæлгæтты арæзт ӕрцæудзæн 522 ног фатеры Цхинвал æмæ районты. Ног арæзтæдтæ фæзындзысты столицæ, Дзау æмæ Знауыры районон центрты, фехъусын кодтой Sputnik арæзтады министрады пресс-службæйы.

Хуссар Ирыстоны столицæйы цæрæнуатмæ рады лæууынц 2 минмæ æввахс бинонтæ, цæрæнуатон къамистæ кусынц районты дæр.

"Хуссар Ирыстоны 2020-2022 æзты Инвестицион нывæзты фæлгæтты арæзт цæудзысты бирæфатерон цæрæн хæдзæрттæ столицæ æмæ районты. Сæ нымæцы ног арæзтæдтæ æмæ аварион хæдзæртты бынаты бæстыхæйттæ. Ацы æртæ азы арæзтадон фæзуаттæ æрбынат кæндзысты Дзау æмæ Знауыры районон центрты, столицæйы Ирæтты, Харебаты Исахъы, Хъайтарты æмæ Гуыбаты æфсымæрты уынгтыл", - загътой пресс-службæйы.

Уым ма радзырдтой, банысангонд æзты æрмæст столицæйы цæрæнуатон фонд кӕй баххæст уыдзæн 450 фатерæй, фæйнæ дыууæ корпусы фæзындзæн районты, уыдон та сты 18 фатеронтæ.

2020-2022 æзты Инвестицион нывæзты фæлгæтты Хуссар Иры цæрæнуатон фарстæй дарддæр цалцæг æмæ арæзтадон куыстытæ æххæст цæудзысты социалон фадыджы дæр. Ацы æмгъуыд Цхинвалы сцалцæг кæндзысты зæронд Гуырæн хæдзар æмæ Психо-нервологон диспансер РБМК территорийыл.

Æрбалæугæ æртæ азы Цхинвал баххæст уыдзæн ноджы иу сабидон æмæ скъолайæ. Дзауы районы та фæзындзæн сæрдыгон улæфæн лагерь сывæллæттæн.

61
Цхинвалы гуырӕн хӕдзар

Сывӕллӕтты омбудсмен радзырдта Цхинвалы хӕдзары раз ссаргӕ ноггуырды уавӕры тыххӕй

3
(ранӕуӕггонд 15:41 04.12.2020)
Сывӕллӕтты барты фӕдыл ӕххӕстбарджын Козаты Гульнара радзырдта Sputnik, куыд хаты йӕхи ноггуырд саби, кӕцыйы райсом ссардтой Цхинвалы хӕдзӕрттӕй иуы къӕсӕрыл

ЦХИНВАЛ, 4 дек - Sputnik, Хъуылымбегты Зӕлинӕ. Хуссар Ирыстоны столицӕйы хӕдзӕрттӕй иуы раз цы ноггуырд сабийы ссардтой, уый ӕнӕниздзинадӕн ницы тас у, фехъусын кодта Sputnik президенты цур сывӕллӕтты барты фӕдыл ӕххӕстбарджын Козаты Гульнара.

Сывӕллоны ныууагътой майрӕмбоны ӕхсӕвы Октябры уынджы иу хӕдзары къӕсӕрыл. Ныртӕккӕ республикӕйы мидхъуыддӕгты министрады кусджытӕ агурынц сылгоймаджы, кӕцы ныууагъта йӕ сабийы.

"Сывӕллоны баппӕрстой Цхинвалы цӕрӕг бинонтӕн. Райсом уыдон фӕдзырдтой милицимӕ, уый фӕстӕ сабийы уайтагъд акодтой гуырӕн хӕдзармӕ", - радзырдта омбудсмен.

Йӕ ныхӕстӕм гӕсгӕ, саби райгуырд ӕмгъуыдӕй раздӕр, фӕлӕ иумӕйагӕй йӕ цардӕн тас нӕу.

Цхинвалы гуырӕн хӕдзары куыд фехъусын кодтой, афтӕмӕй сывӕллоныл иу суткӕйӕ фылдӕр нӕ цӕуы – ӕвӕццӕгӕн уый баппӕрстой, куыддӕр райгуырд, афтӕ.

Козаты Гульнара ма радзырдта ноггуырды фидӕны хъысмӕты тыххӕй дӕр.

"Кӕд сабийы ныййарджытӕ нӕ рабӕрӕг уой, уӕд ӕй тӕрхондоны уылты ратдзысты искӕцы бинонтӕн", - банысан кодта уый.

Уый тыххӕй та, адарддӕр кодта Козаты Гульнара, хъӕуы ӕрӕмбырд кӕнын ӕнӕмӕнгхъӕуӕг документтӕ, уый фӕстӕ тӕрхондон аскъуыддзаг кӕндзӕн, кӕцы бинонты хсӕн хуыздӕр уыдзӕн ноггуырдӕн.

"Хуссар Ирыстоны тынг бирӕ бинонтӕ ис, кӕцыты фӕнды сывӕллон схъомыл кӕнын ӕмӕ, мӕ хъуыдымӕ гӕсгӕ, саби тагъд бахаудзӕн уарзӕгой бинонтӕм", - бахахх кодта сывӕллӕтты омбудсмен.

Цалынмӕ цауы лыстӕг хӕйттӕ бӕрӕг цӕуой, уӕдмӕ уал саби уыдзӕн РБМЦ гуырӕн хайады.

3

Хуссар Иры санитарон уагдоны радзырдтой коронавирусӕй ног рынчынты тыххӕй

2
(ранӕуӕггонд 15:00 04.12.2020)
Коронавирусы пандемийы райдианӕй нырмӕ Югосетпотребнадзоры лабораторийы сарӕзтӕуыд 11 419 тесты инфекции рафӕлгъауыны тыххӕй

ЦХИНВАЛ, 4 дек - Sputnik, Гӕбӕраты Элина. Хуссар Ирыстоны рабӕрӕг кодтой 24 ног фӕрынчынуӕвӕджы коронавирусон инфекцийӕ, фехъусын кодта  Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы цы 109 раиртӕсты сарӕзтам, уыдонӕй 24-ӕн разынд ӕвӕрццаг фӕстиуджытӕ. Медикты хъусдарды бын нырма ис998 адӕймаджы", - загъта Гаглойты Анна.

Йӕ ныхӕстӕм гӕсгӕ, ивгъуыд суткӕйы республикӕйы медуагдӕтты хыгъдӕй систой 28 адӕймаджы. Ӕдӕппӕт сентябры райдианӕй сӕнӕниз сты 872 рынчыны коронавирусӕй.

2
Сабанты Александр

Ирыстойнаг хъӕбысӕйхӕцӕг рамбылдта сыгъзӕрин майдан Уӕрӕсейы фыццагады

2
(ранӕуӕггонд 15:42 04.12.2020)
Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй

ЦХИНВАЛ, 4 дек — Sputnik. Ирон богал Сабанты Александр ссис Уӕрӕсейы фыццагады уӕлахиздзау уӕгъдибар хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.

Уӕрӕсейы фыццагад уӕгъдибар хъӕбысхӕстӕй 23 азы кары онг спортсменты хсӕн уагъд цӕуы Смоленскы.

Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй.

"Финалмӕ фӕндагыл Сабанты Александр нӕ фембылд иу балл дӕр. Квалификацийы рамбылдта Яков Павловы 11:0 хыгъдӕй, финалы 1/8 – Гаглойты Зауыры 10:0 хыгъдӕй, финалы цыппӕрӕм хайы 5:0 хыгъды тушейыл рамбылдта Рахим Гурдалиевы, ӕрдӕгфинадлы та Бикъойты Вадимы 10:0 хыгъдӕй", - дзырдӕуы хъусинаджы.

Пресс-службӕйы бафтыдой, зӕгъгӕ, ирон хъӕбысӕйхӕцджытӕ рамбылдтой ноджы дыууӕ ӕвзист ӕмӕ ӕртӕ бронзӕйон майданы. Ӕвзист майдантӕ рамбылдтой Толпарты Аслан (92 кг) ӕмӕ Хынцӕгты Сослан (125 кг), бронзӕйон майданты хицӕуттӕ та баисты Дзукъаты Роберт (74 кг), Цкъаты Сослан ӕмӕ Цхуырбаты Артем (92 кг).

Афтӕ ма, майрӕмбоны сыгъзӕрин майданыл 97 килограммы уӕзы категорийы тох кӕндзӕн Хуыгаты Хох.

2