Коронавирус

Югосетпотребнадзор ногӕй басгӕрста зӕрдӕхсайгӕ тесттӕ: ног рынчынтӕ нӕй

10
(ранӕуӕггонд 11:12 10.06.2020)
Хуссар Ирыстоны коронавирусӕй фӕрынчынуӕвджыты фылдӕр хай ныридӕгӕн сӕнӕниз сты. Инфекцион хайады ма ис 32 пациенты

ЦХИНВАЛ, 10 июн – Sputnik, Козаты Диана. Хуссар Ирыстоны не сбӕрӕг кодтой коронавирусӕй ног рынчынты. Ивгъуыд суткӕйы Югосетпотребнадзоры лабораторийы нӕ ауагътой ног тесттӕ, уымӕн ӕмӕ медиктӕ ногӕй басгӕрстой раздӕры тестты фӕстиуджытӕ, кӕцытӕ сӕм фӕкастысты зӕрдӕхсайгӕ, фехъусын кодта уагдоны сӕрдары хӕдивӕг Гаглойты Анна.

Республикӕйы ног рынчынты нӕ бӕрӕг кӕнынц ӕртыккаг бон фӕд-фӕдыл. Амӕйразмӕ сӕйраг санитарон дохтыр банымадта коронавирусы фӕдыл уавӕр стабилоныл.

"Знон специалисттӕ ногӕй басгӕрстой анализтӕ, кӕцытӕм зӕрдӕ ӕхсайдта. Уыдонӕй иу дӕр нӕ равдыста вирусы уӕвынад", - загъта Гаглойты Анна.

Дохтырты хъусдарды бын сты 264 адӕймаджы, фондз сты хиизоляцийы.

Хуссар Ирыстоны майы райдайӕнӕй ауагътой 1765 анализы, уыдонӕй коронавирусы уӕвынад сбӕрӕг кодтой 66 адӕймагӕн. Сӕ фылдӕр хайӕн схос кодтой. Инфекцион хайады хоскӕнынад цӕуынц 32 пациенты.

10
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2