ХИПУ

Уӕрӕх фӕндӕгтӕ ӕмӕ фадӕттӕ: ХИПУ ректор факультеттӕ ӕмӕ ахуыры уавӕрты тыххӕй

65
(ранӕуӕггонд 12:17 10.06.2020)
Иннæ азтæм абаргæйæ, ацы аз дӕр бацæуæн фæлварæнтæ ницæмæй хицæн кæндзысты. Рауагъдонтæн фадат ис равзарын боны æмæ фæсаууонмæ хайадтæм 20 дæсныйадæй фылдæрӕй

ЦХИНВАЛ, 10 июн – Sputnik, Дриаты Лейла. Хуссар Ирыстоны Паддзахадон университет фыццæгæм июлæй райдаудзысты куырдиæттæ исын абитуриенттæй, фехъусын кодта ахуырадон уагдоны ректор Тедеты Вадим.

Ректоры ныхӕстӕм гӕсгӕ, иннæ азтæм абаргæйæ, ацы аз дӕр бацæуæн фæлварæнтæ ницæмæй хицæн кæндзысты. Рауагъдонтæн фадат ис равзарын боны æмæ фæсаууонмæ хайадтæм 20 дæсныйадæй фылдæрӕй.

"Университеты боны хайадмæ ахуырмæ чи цæуы, уыдонæн ис фадат равзарын ахæм факультеттæй: биологи æмæ хими, дунеон журналистикæ, фæсарæйнаг æвзæгтæ, истори, математикæ æмæ информатикæ, ирон æвзаг æмæ литературæ, уырыссаг æвзаг æмæ литературæ, педагогикæ æмæ райдиан ахуырады методикæ, психологи, сæудæджерадон æмæ æмбæстагон арæзтад, экономикæ æмæ юриспруденци", - ранымадта ректор.

Фæсаууонмæ хайады та ис равзарæн ахæм дæсныйæдтæ: биологи, скъолайы агъоммæ педагогикæ æмæ психологи, ирон æвзаг æмæ литературæ, физикон культурæ, педагогикæ æмæ райдиан ахуырады методикæ.

Коммерцион бындурыл ахуыр кæндзысты паддзахадон муниципалон управленийы фæсаууонмæ хайадтæ, финанстæ æмæ кредиттæ, истори, æхсæнадæмон ахастытæ, автомобилтæ æмæ автомобилон хæдзарад, сæудæджерадон æмæ æмбæстагон арæзтад, формаци, юриспруденци æмæ психологи.

Равзаргæ дæсныйадмæ нæ кæсгæйæ, абитуриенттæ иууылдæр хъуамæ радтой бахыгъд ирон æвзагæй.

"ХИПУ-йы ахуыр кæнгæйæ, не студенттæ райсынц хъæуæг зонындзинæдтæ æмæ ахсджиаг дæсныйæдтæ, уыдон та сын тынг бабæззынц сæ фидæны царды. Университеты куыст афтæ арæзт у, æмæ дзы фæсивæдæн æрмæст зонындзинæдтæ нæ амонынц, фæлæ архайынц, цæмæй æрыгæттæн раргом уой сæ курдиæттæ", - бахахх кодта Тедеты Вадим.

Университеты ректор ма ранымадта абитуриентты хсӕн иууыл популярондӕр факультеттӕ дӕр - математикæ æмæ информатикæйы факультеттæ, психологи, сæудæджерадон æмæ æмбæстагон арæзтад, юриспруденци, экономикæ æмæ физикон хъомылад. Йӕ ныхӕстӕм гӕсгӕ, ӕндæр факультеттæй хъауджыдæр историон-юридикон факультетмæ балæвæрдæуыд фылдæр куырдиæттæ.

ХИПУ-йы тудентты ‘хсæн ис цæгатирыстойнаг, абхазаг æмæ ма сирийаг скъолаты рауагъдонтæ дæр.

Паддзахад æмæ университеты къухдариуæгад дæтты хорз фадæттæ, цæмæй абитуриенттæ райсой куыд теоретикон, афтæ практикон зонындзинæдтæ дæр æмæ сæ рауайа дæсны специалисттæ, балхынцъ кодта уый.

65
Ногазон Цхинвал

Куыд банысан кӕндзӕн Хуссар Ир Ног аз пандемийы уавӕрты

5
(ранӕуӕггонд 10:26 27.11.2020)
Коронавирусы пандемийы фӕдыл арӕнӕвӕрдтӕ республикӕйы адарддӕр кодтой 15 декабры онг. Фӕлӕ ӕрӕввахс кӕнынц ногазон бӕрӕгбонтӕ, кӕцытыл алыхатт дӕр ӕмбӕлдысты хъӕлдзӕгӕй ӕмӕ уӕрӕхӕй. Куыд сӕмбӕлдзысты ахӕм уавӕрты 2021 азыл Хуссар Ирыстоны?

ЦХИНВАЛ, 27 ноя - Sputnik, Техты Дзерассӕ. Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна радзырдта Sputnik, цавӕр ногазон мадзӕлттӕ ауадздзысты республикӕйы, коронавирусы пандемийы фӕдыл арӕнӕвӕрдтӕ хынцгӕйӕ.

"Республикӕйы 15 декабры онг тобӕгонд сты культурон-хиирхӕфсӕн мадзӕлттӕ. Фӕлӕ оперштаб куы аскъуыддзаг кӕна каратнин мауал адарддӕр кӕнын, уӕд мах цӕттӕ стӕм. Куыд фӕндыйӕ дӕр бакӕндзыстӕм горӕты наз бӕлас ӕмӕ ауадздзыстӕм чысыл хиирхӕфсӕн мадзӕлттӕ, фӕлӕ уыдонӕн нӕ уыдзӕн массон характер", - загъта министрады сӕргълӕууӕг.

Фӕсивӕдон политикӕ ӕмӕ спорты комитеты сӕргълӕууӕджы хӕдивӕг Гатыгкоты Валентина куыд фехъусын кодта, афтӕмӕй та ацы аз дӕр нывӕзты ис "Афӕдзы ӕвзонг адӕймаг"-ы схорзӕх кӕныны церемони ауадзын, фӕлӕ пандемийы тыххӕй дырыс датӕ нырма бӕрӕг нӕу.

Куыд банысан кӕндзысты районтӕ?

Цхинвалы районы сӕргълӕууӕг Мамытаты Вахтангы ныхӕстӕм гӕсгӕ, бӕрӕгбонон мадзӕлттӕ ацы аз ацӕудзысты минималон программӕмӕ гӕсгӕ – сабидӕтты ӕмӕ скъолаты байуардзысты ногазон лӕвӕрттӕ.

Ленингоры районы хистӕр Мамытаты Виталий дӕр фехъусын кодта  Sputnik, зӕгъгӕ, кӕд арӕнӕвӕрдтӕ ист ӕрцӕуой, уӕд ногазон бӕрӕгбӕттӕ ацӕудзысты иннӕ ӕзты хуызӕн. Ацы аз балхӕдтой ног аппаратурӕ ӕмӕ ифтонгад, гирляндӕтӕ.

 Дзауы районы пандемийы уавӕрты ӕрмӕстдӕр бӕрӕгбонон фӕлынд скӕндзысты поселочы.

"Кӕд ӕмӕ карантин аивай, уӕд та мадзӕлттӕ ацӕудзысты куыд ӕмбӕлы, афтӕ", - загъта районы сӕргълӕууӕг Джиоты Андрей.

Хуссар Ирыстоны 15 декабры онг ис арӕнӕвӕрдтӕ, ӕхгӕд сты ахуырадон уагдӕттӕ райдиан скъолайӕ дарддӕр, тобӕгонд сты массон мадзӕлттӕ.

5
Хореографион ансамбль Зилахар

Хуссарирыстойнаг кафты ансамбль рамбылдта онлайн-конкурсы Турчы

7
(ранӕуӕггонд 16:29 26.11.2020)
Ансамблы архайджытӕ сӕххӕст кодтой ӕмӕ видеойыл ныффыстой "Хӕххон кафт", кӕцыйӕн аккаг аргъ скодта конкурсы жюри

ЦХИНВАЛ, 26 ноя - Sputnik, Хъуылымбегты Зӕлинӕ. Цхинвалы 1-аг скъолайы ансамбль "Зилахар" рамбылдта Курдиӕтты ӕхсӕнадӕмон конкурс "Времена года"-йы гран-при, кӕцы цыд онлайн-форматы Турчы. Ансамблы аивадон къухдариуӕггӕнджытӕй иу Тедеты Ацӕмӕз куыд радзырдта Sputnik, афтӕмӕй коллективы банысан кодтой номинаци "Кавказаг кафт"-ы.

"Махӕн фехъусын кодтой, Стамбулы кӕй ацӕудзӕн фестиваль ӕмӕ организаторты кӕй фӕнды, цӕмӕй дзы мах хайад райсӕм. Мах стыхстыстӕм, уымӕн ӕмӕ нӕ бон нӕ уыд сисын гъӕдджын видео, фӕлӕ нӕ ӕрсабыр кодтой, зӕгъгӕ, видеойы гъӕдӕн нӕ аргъ кӕндзысты, фӕлӕ коллектив кафт куыд арӕхстджынӕй сӕххӕст кӕндзысты, уымӕн", - загъта Ацӕмӕз.

Цыбыр ӕмгъуыдмӕ уыдон видео систой ӕмӕ йӕ арвыстой.

"Ӕнӕрхъӕцӕй ӕнхъӕлмӕ кастыстӕм нӕ ралӕуды фӕстиуӕгмӕ ӕмӕ дзы нӕ зӕрдӕ барухс", - банысан кодта къорды аивадон къухдариуӕггӕнӕг.

Конкурсы, Ацӕмӕзы ныхӕстӕм гӕсгӕ, хайад райстой 300 коллективы.

Ансамбль"Зилахар"-ы сконды ис 45 адӕймаджы, уыдон сты 9-14 азы кары. Хӕххон кафт сӕвӕрыны ма хайад райста Коцты Сергей, кӕцы у къорды аннӕ аивадон къухдариуӕггӕнӕг ӕмӕ сӕйраг балетмейстер.

7