Цуанон

Зиан экосистемӕйӕн: Хуссар Иры фӕтыхджындӕр кӕндзысты тох браконьертимӕ

5
(ранӕуӕггонд 14:17 10.06.2020)
Барадхъахъхъӕнӕг органты кусджытӕ сӕ цӕст дардзысты ӕрдзон хъахъхъӕнынады законад ӕххӕст кӕнынмӕ республикӕйы

ЦХИНВАЛ, 10 июн - Sputnik. Хуссар Ирыстоны мидхъуыддӕгты министр, милицийы инӕлар-майор Наниты Игорь бахӕс кодта горӕт ӕмӕ районты мидхъуыддӕгты дӕлхайӕдты къухдариуӕгадӕн фӕтыхджындӕр кӕнын тох браконьертимӕ. Уый тыххӕй министр фехъусын кодта оперативон рабадтыл дыццӕджы, хъусын кӕны Мидхъуыддӕгты министрады (МХМ) пресс-службӕ.

"Гоймӕгты, кӕцытӕ ӕнӕзакононӕй цуан кӕнынц ӕмӕ кӕсаг ахсынц, хъуамӕ ӕрбаздахой бӕрнмӕ ӕрдзон хъахъхъӕнынады законад фехалыны тыххӕй", - бахахх кодта министр.

Уагдоны сӕргълӕууӕг куыд банысан кодта, афтӕмӕй ӕнӕзаконон цуан стыр зиан хӕссы Хуссар Ирыстоны экосистемӕйӕн.

Наниты Игорь бахӕс кодта мидхъуыддӕгты органтӕн, цӕмӕй прокуратурӕимӕ иумӕ ӕххуыс кӕной хъӕдгӕстӕн.

Афтӕ ма рабадты рӕстӕджы ӕрдзырдтой цӕрджыты коронавирусӕй бахъахъхъӕныны фарстытыл. МХМ сӕргълӕууӕг банысан кодта, Уӕрӕсе ӕмӕ Цӕгат Ирыстоны эпидемиологон уавӕр цалынмӕ стабилон суа, уӕдмӕ республикӕйы уыдзысты арӕнӕвӕрдтӕ, ӕмӕ уагдон дарддӕр ӕххӕст кӕндзӕн мадзӕлттӕ инфекцийы апарахаты рагфӕдзӕхсты фӕдыл.

5
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2