Тыбылты Алик

Профессионал Хуссар Ирӕй фыццаг хатт рахиздзӕн рингмӕ карантины фӕстӕ

8
(ранӕуӕггонд 12:24 15.06.2020)
Хуссарирыстойнаг боксер Тыбылты Алик сног кодта ӕххӕст тренировкӕтӕ ӕмӕ цӕттӕ кӕны рингмӕ рахизынмӕ карантины фӕстӕ

ЦХИНВАЛ, 15 июн – Sputnik, Хъуылымбегты Азӕмӕт. Хуссарирыстойнаг спортсмен Тыбылты Алик ногӕй рахиздзӕн профессионалон рингмӕ пандемийы тыххӕй фӕурӕды фӕстӕ, фехъусын кодта Sputnik спортсмен йӕхӕдӕг. Боксер тох кӕндзӕн 27 июны Уӕрӕсейы столицӕйы турнир "Shamo Boxing"-ы.

"Мӕ ныхмӕлӕууӕг уыдзӕн боксер Азербайджанӕй, фӕлтӕрд спортсмен у, фӕлӕ, мӕ хъуыдымӕ гӕсгӕ, уый хъуамӕ уа ӕнцон тох", - загъта Тыбылты Алик.

Алик райдыдта ӕххӕст тренировкӕтӕ ӕмӕ, йӕхи ныхӕстӕм гӕсгӕ, карантины рӕстӕджы дӕр уыд хорз формӕйы, уымӕн ӕмӕ клуб "Ариана"-йы боксертӕ уӕд дӕр тренировкӕ кодтой иугӕйттӕй. Тренировкӕтӕ уагътой хицӕнӕй – райсомӕй улӕфӕн зонӕ "Дендрарий"-ы Дзӕуджыхъӕуы, бонӕй та боксерон клуб "Ариана"-йы.

"Ныр тренировкӕтӕ сног кодтой, ӕмӕ мах иууылдӕр цӕттӕ кӕнӕм иумӕ. Карантины рӕстӕджы нын сӕрмагонд тренировкӕтӕ кӕй уагътой, уый руаджы мӕ цӕттӕкӕнынад ныр цӕуы ӕнцонӕй", - бафтыдта уый.

Турнир, кӕцыйы хайад райсдзӕн Тыбылты Алик, хъуамӕ ацыдаид 25 марты, фӕлӕ йӕ пандемийы тыххӕй аргъӕвтой 27 июньмӕ.

Тыбылты Алик архайы 63 килограммы уӕзы категорийы, тренировкӕ кӕны Уӕрӕсейы Федерацийы сгуыхт тренер Сланты Виталийы къухдариуӕгады бын. Боксер ауагъта профессионалон рингыл фондз тохы ӕмӕ иу хатт дӕр нӕ фембылд.

8
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4