Цхинвалы сӕмбӕлдысты дыууӕ рог хӕдтулгӕйы

Цхинвалы сӕмбӕлдысты дыууӕ рог хӕдтулгӕйы: шофыр бахъыгдард ис

13
Авари ӕрцыд къуырисӕры изӕры столицӕйы уынгтӕй иуы алвӕндагыл. Дыууӕ хӕдтулгӕйы сӕмбӕлды фӕстиуӕгӕн шофыртӕй иуы аластой рынчындонмӕ буары цӕфтимӕ

ЦХИНВАЛ, 16 июн - Sputnik. Дыууӕ рог хӕдтулгӕйы сӕмбӕлдысты Хуссар Ирыстоны столицӕйы Джиоты Аланы проспект ӕмӕ Советон уынджы алвӕндагыл, хъусын кӕны республикӕйы Мидхъуыддӕгты министрады (МХМ) пресс-службӕ.

"Фӕндагон-транспортон цау ӕрцыд знон 19.45 сахатыл. Джиоты Аланы проспект ӕмӕ Советон уынджы алвӕндагыл сӕмбӕлдысты "Лада Приора" ӕмӕ "Лада Калина" хӕдтулгӕтӕ. Цауы фӕстиуӕгӕн республикон бирӕпрофилон медицинон центрмӕ аластой "Лада Калина"-йы 68-аздзыд шофыры ӕмӕ йӕ дыууӕ пассажиры – сылгоймаджы 12-аздзыд сывӕллонимӕ", - радзырдта МХМ пресс-службӕйы хистӕр Бестауты Вида.

Уагдоны бӕрӕггӕнӕнтӕм гӕсгӕ, шофыр райста буары цӕфтӕ, сылгоймаг сывӕллонимӕ нӕ бахъыгдард сты.

  • Цхинвалы сӕмбӕлдысты дыууӕ рог хӕдтулгӕйы
    Цхинвалы сӕмбӕлдысты дыууӕ рог хӕдтулгӕйы
    Пресс-служба МВД РЮО
  • Цхинвалы сӕмбӕлдысты дыууӕ рог хӕдтулгӕйы
    Цхинвалы сӕмбӕлдысты дыууӕ рог хӕдтулгӕйы
    Пресс-служба МВД РЮО
1 / 2
Пресс-служба МВД РЮО
Цхинвалы сӕмбӕлдысты дыууӕ рог хӕдтулгӕйы
13
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3
Столицæйы быронкалæн полигоны фарсмæ райдыдта хъæбæр коммуналон хауæддзæгты фæзуаты арæзтад

Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

4
(ранӕуӕггонд 14:07 28.09.2020)
Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры.

ЦХИНВАЛ, 28 сен — Sputnik, Дриаты Лейла. Цхинвалы районы Ирыхъæуы быронкалæн полигоны фарсмæ райдыдта, хъæбæр коммуналон хауæддзæгтæ кæм æвзардзысты æмæ хицæн кæндзысты, ахæм фæзуаты арӕзтад.

Строительство полигона твердых бытовых отходов
© Sputnik / Лейла Дриаева
Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

Генералон подрядон организаци у Цхинвалы хæдзарадон хайад, уымæн æмæ горæты администрацийы ацы структурон дæлхай йæхæдæг эксплуатаци кæндзæн объекттæ. Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры. Æвæрд дзы уыдзысты сæрмагонд ифтонггæрзтæ.

"Бырæтты пресс кæндзысты æмæ сæ араздзысты сæ уæз тоннæйы бæрц кæмæн уыдзæн, ахæм тюктæ. Афтæмæй сæ ныгæндзыстæм цы стыр уæрм скъахтам, уым", - зæгъы арæзтады прораб Æрсойты Инал.

Æппæт куыстытæ дæр ам хъуамæ фæуой фидæн азмæ. Уымæн æмæ йæ арæзтадæн проектмæ гæсгæ лæвæрд цæуы афæдзы бæрц.

Ивгъуыд аз, ацы хъæуы ног полигонæн рахицæн æрцыд æмæ уæрм скъахтæуыд 3,5 гектары фæзуатыл. Арæзт ма дзы æрцыдис модулон конструкцитæй лæггадгæнæг персоналæн административон цардуагон комплекс, афтæ ма объектмæ арæзт æрцыд фæндæгтæ дæр. Сæмбонд ын кодтой йæ алыварс иууылдæр, сæвæрдтой дзы трансформатор. Полигон кусын райдайдзæн йæ фарсмæ бырæттæ пресс кæнын æмæ æвзарынæн фæзуат арæзт куы æрцæуа, уæд, цæмæй экологийæн зиан ма хæсса.

Бырондонæн йæ эксплуатацийы æмгъуыд у 25 азы. Фæлæ бырæтты кæй æвзардзысты æмæ пресс кæндзысты, уымæ гæсгæ уыцы æмгъуыд зынгæ фæфылдæр уыдзæн.

Ныр арæзтцæуæг объект аскъуыддзаг кæндзæнис республикæйы кондадон æмæ цардуагон бырæттæ утилизаци кæныны хъæуæг домæнтæн дзуапп чи дæтдзæнис, ахæм бронкалæны, проблемæ.

Арæзтадон куыстытæ æххæст кодта арæнгонд бæрндзинады æхсæнад "Цхинвалы арæзтадон компани". Объект арæзт цыдис 2018-2019 азтæн РХИ-

4