Цхинвалы фæзындзæн ног арт-объект

Бузныг медиктӕн: Цхинвалы фæзындзæн ног арт-объект

203
(ранӕуӕггонд 12:28 16.06.2020)
Куыстытӕ ӕххӕст фӕуыдзысты 18 июны, хӕдзары къулыл уыдзӕн дохтыр ирон тырысаимӕ, йӕ уӕлӕ та уӕлфыст "Спасибо за ваш труд"

ЦХИНВАЛ, 16 июн - Sputnik, Плиты Фатимӕ. Хуссар Ирыстоны столицӕйы бирӕуӕладзыгон хӕдзӕрттӕй иуы къул бынӕттон нывгӕнджытӕ фӕлындынц маскӕйы ӕмӕ сӕрмагонд уӕлӕдарӕсы медикы хуызистӕй. Арт-объект арӕзт цӕуы, коронавирусы пандемиийы рӕстӕджы цы медиктӕ кусынц, уыдонӕн бузныджы нысанӕн, фехъусын кодта Sputnik бирӕпрофилон колледж ӕмӕ нывгӕнӕн ахуыргӕнӕндоны ахуыргӕнӕг Алан Ефименко.

Куыстытӕ ӕххӕст фӕуыдзысты 18 июны, хӕдзары къулыл уыдзӕн дохтыр ирон тырысаимӕ, йӕ уӕлӕ та уӕлфыст "Спасибо за ваш труд".

"Ныв кӕнӕм фӕсивӕдон организаци "Иугонд Алани"-йы хӕслӕвӕрдмӕ гӕсгӕ ӕмӕ горӕты разамынады разыдзинадӕй. Ӕххуыс мын кӕны Бибылты Ирина. Дыууæ бонмæ уыдзæн цæттæ", - загъта нывгӕнӕг.

Граффити арӕзт цӕуы Вокзалгӕрон уынгыл уӕвӕг хӕдзары сисыл, Хъайтарты уынджы алвæндагмæ хæстæг. Медикы нывы бынаты 2017 азы уыд дохтыр, хирург Зӕгъойты Николайы хуызист, уый фӕстӕ йӕ айстой.

Граффити в Цхинвале
© Sputnik / Natalia Airiyan
Цхинвалы фæзындзæн ног арт-объект
203
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау