Уӕрӕсейы минӕварад Хуссар Иры

Кӕд ӕмӕ куыд ис гӕнӕн схъӕлӕс кӕнын Хуссар Иры УФ Конституцимӕ ивындзинӕдтӕ бахӕссыныл

6
(ранӕуӕггонд 13:08 16.06.2020)
Уӕрӕсейы Федерацийы минӕварады радзырдтой, куыд ацӕудзӕн хъӕлӕсӕппӕрст республикӕйы фадгуыты

ЦХИНВАЛ, 16 июн - Sputnik. Хуссар Ирыстоны территорийыл бакӕндзысты ӕртӕ фадыджы УФ Конституцимӕ ивындзинӕдтӕ бахӕссыны фӕдыл хъӕлӕсдӕттыны тыххӕй, хъусын кӕны Уӕрӕсейы минӕварады пресс-службӕ.

Уӕрӕсейӕгтӕн Хуссар Ирыстоны хъӕлӕс раттыны фадат уыдзӕн УФ минӕварады бӕстыхайы Цоциты Василийы уынгыл, 2 хӕдзары, уӕрӕсейаг базӕйы ӕфсӕддонтӕн та бакӕндзысты дыууӕ ӕвзарӕн фадыджы Цхинвалы ӕмӕ Дзауы поселочы.

Афтӕ ма, ӕмбӕстӕгтӕн, кӕцытӕн сӕ бон нӕу ӕрбацӕуын бӕстыхаймӕ хъӕлӕсдӕттынмӕ се ‘нӕниздзинады тыххӕй, дӕттынц фадат схъӕлӕс кӕнын хӕдзӕрттӕй. Ахӕм хъӕлӕсдӕттыны фӕдыл куырдиат хъӕуы бадӕттын 16 июнӕй 1 июльмӕ 17.00 сахаты онг.

"Куырдиӕттӕ 25-ӕй 30-ӕм июньмӕ ист цӕуынц 10.00 сахатӕй 16.00 сахатмӕ ацы номыртӕм: + 7 (929) 803-92-80; + 7 (929) 809-52-47. Хъӕлӕсдӕттыны бон, 1 июлы, куырдиӕттӕ ист цӕудзысты 8.00 сахатӕй 16.00 сахатмӕ ацы номермӕ: + 7 (929) 811-97-27", - фехъусын кодтой минӕварады.

Хъӕлӕсдӕттын ӕвзарӕн фадгуыты райдайдзӕн ӕмгъуыдӕй раздӕр 25 июны ӕмӕ адарддӕр уыдзӕн 1 июльмӕ, хъӕлӕсдӕттыны боны онг.

Поправки к Конституции РФ
© Photo : Пресс-служба посольства РФ в РЮО
Ивындзинӕдтӕ УФ Конституцимӕ
6
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау