Цхинвалы бирӕпрофилон колледж

Цхинвалы бирӕпрофилон колледж хоны абитуриентты равзарын 12 дӕсныйадӕй

79
(ранӕуӕггонд 13:07 16.06.2020)
Колледжы арæзт æрцыдысты æппæт уавæртæ дæр ахуыр кæнынæн. Ис дзы æмдзæрæндон, цыран, сæ бон у цæрын дæрддзæф районтæй сæм цы студенттæ цæуы, уыдонæн. Ахуыры æмгъуыд хицæн æмæ хицæн хайадты у алыгъуызон

ЦХИНВАЛ, 16 июн – Sputnik, Дриаты Лейла. Хуссар Ирыстоны бирæпрофилон колледж цӕттӕ кӕны исӕн кампанийы байгоммӕ – къамис абитуриентты гæххæттытæ исдзæн 1-æм июлӕй 25-æм августмæ. Фæлварæнтæ лæвæрд цæудзысты абитуриенттимæ ныхас кæныны бындурыл, фехъусын кодта Sputnik колледжы директор Козаты Лира.

2010 азы Цхинвалы цы хъæууонхæдзарадон техникум уыд, уый базæйыл байгом бирæпрофилон колледж. Уый уыд дуджы домæн, уымæн æмæ дæсгай азты хæсты фæстиуæгæн пырх æмæ сыгъд æрцыд сæдæгай хъæутæ. Ныппырхгонд инфраструктурæ, хæдзæрттæ сæндидзын кæнын, ногæй хъæууон хæдзарадмæ хъус æрдарынæн хъуыд квалификациджын специалисттæ. Бынаты квалификациджын кадртæ цæттæ кæнынæн хорз ахъаз уыд колледж.

Студент и педагог Цхинвальского колледжа готовятся к чемпионату World Skills Russia
© Sputnik / Аза Плиева
Цхинвалы бирӕпрофилон колледж

Зæгъын хъæуы уый æмæ колледжы хорз уавæртæ арæзт æрцыд, æрæмбырд кодтой, йæ дæсныйад хорз чи зоны, ахæм ахуыргæнджытæ æмæ ацы ахуырадон уагдон, æцæгæйдæр, ссис æвзонг фæлтæры ‘хсæн популярон. Колледжы раууагъдонтæй абон бирæтæ кусынц республикæйы арæзтцæуæг объектты.

"Нӕ колледжы абон ис 12 хайады, цыран цæттæ кæнынц ахæм дæсныйадтыл, куыд хæринагаразæг, кондитер, слесарь, электрик, токарь, автомобильтæ цалцæг кæныны мастер, хуыйæджы, æхсæнадон хæлцады технологтæ, экономикæ æмæ бухгалтеры хыгъд, агроном, фæндагон арæзтад", - ранымадта йӕ директор.

Козаты Лирайы ныхӕстӕм гӕсгӕ, абитуриенттæ иууыл арӕхдӕр равзарынц хæринагаразæг, электромонтажгæнæг æмæ кафелгæнæджы дæсныйадтæ. Къаддæр студенттæ цæуы агрономы дæсныйад кæм ис райсæн, уыцы хайадмæ.

"Ивгъуыд аз ма колледжы бакодтам, нымæцон информациты мастерты кæм цæттæ кæнынц, ахæм хайад. Уым дæр бирæ студенттæ нæ уыд, фæлæ ацы аз æнхъæлмæ кæсӕм æмæ нæ ныфс ис, фылдæр студенттæ кæй æрбацæудзæнис, уымæн æмæ ныры дуджы ацы професси у хъæуæг æмæ дзы республикæйы та нæй фаг специалисттæ", - банысан кодта уый.

Колледжæн цалынынмæ сæхи æрмадзтæ арæзт нæ уыд, уæдмæ иу студенттæ кондадон практикæйы цыдысты республикæйы объектты. Хатт-иу сæ бахъуыд Цæгат Ирыстонмæ ацæуыны сæр дæр.

2016 азы колледжæн арæзт æрцыдысты æрмадзтæ. Уыдон иууылдæр ифтонг сты нырыккон хъæуæг ифтонгæдтæй.

Студент многопрофильного колледжа
Министерство образования РЮО
Цхинвалы бирӕпрофилон колледжы студент

Колледжы ахуыргæнджыты коллектив афæдз иу хатт ауадзы "Гом дуæртты бон". Уырдæм хуынд æрцæуынц горæты æмæ районты иумæйагахуырадон скъолаты ахуыргæнинæгтæ. Базонгæ сæ кæнынц ахуыры процессимæ. Саразынц сын экскурситӕ æрмадзтæм. Хæринагаразæджы æмæ кондитерон хайады студенттæ скæнынц æмæ фынгыл равæрынц алыгъуызон хæринæгтæ.

Иннæ æрмадзты рауагъдон студенттæ дæр практикон æгъдауæй равдисынц, колледжы ахуыргæнгæйæ сын сæ ахуыргæнджытæ цы бацамыдтой, уыдон. Афтæмæй алы хайады студенттæ дæр фæагитаци кæнынц скъолайы ахуыргæнинæгты, цæмæй равзарой, сæ зæрдæмæ æввахсдæр дæсныйад кæцы у, уый.

Ардæм цы ахуыргæнинæгтæ æрбацæуынц, уыдонæй уый фæстæ бирæтæ свæййынц колледжы студенттæ. Вæййы афтæ дæр æмæ уыдон нырма фæвæййынц иу факультет, уый фæстæ та равзарынц æндæр дæсныйад æмæ та уый дæр сахуыр кæнынц.

Цхинвальский многопрофильный колледж
© Sputnik / Наталья Айриян
Цхинвалы бирӕпрофилон колледж

Колледжы арæзт æрцыд æппæт уавæртæ дæр ахуыр кæнынæн. Ис дзы æмдзæрæндон, цыран, сæ бон у цæрын дæрддзæф районтæй сæм цы студенттæ цæуы, уыдонæн. Ифтонг цæуынц хъарм сихор æмæ стипендийæ дæр. Ахуыры æмгъуыд хицæн æмæ хицæн хайадты у алыгъуызон. Зæгъæм экономикæ æмæ бухгалтеры хыгъды факультеты 9 къласы бындурыл у 2 аз æмæ 10 мæйы, 11 къласы бындурыл та 1 аз æмæ 10 мæйы. Фæлæ цæмæй æхсæнадон хæлцады техник-технологы дæсныйад райсай, уый тыххæй та 9 къласы бындурыл ахуыр кæнын хъæуы æртæ аз æмæ 10 мæйы, 11 къласы бындурыл та 2 аз æмæ 10 мæйы.

79
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау