Бибылты Анатолий

"Дзурут ӕргомӕй, иннӕттӕ цӕй кой нӕ кӕнынц": Бибылты Анатолий раарфӕ кодта Sputnik-ӕн

10
(ранӕуӕггонд 13:55 17.06.2020)
Агентад ӕртыццӕджы нысан кӕны онлайнмӕ рахизыныл фондз азы сӕххӕст. Ацы цауы фӕдыл Sputnik коллективӕн раарфӕ кодта республикӕйы президент

ЦХИНВАЛ, 17 июн – Sputnik. Фондз азмӕ Sputnik Хуссар Ирыстон ссис бӕстӕйы медиа-тыгъдады хай, загъта президент Бибылты Анатолий йӕ арфӕйы агентады коллективӕн йӕ сӕвзӕрды фондз азы юбилейы цытӕн.

Ӕртыццӕджы мультимедийон агентад ӕмӕ радио Sputnik Хуссар Ирыстон нысан кӕны йӕ фыццаг юбилей. Фондз азы размӕ агентады ӕрмӕджытӕ рахизтысты онлайнмӕ.

"Фондз азы бирӕ нӕу, фӕлӕ агентад уыцы рӕстӕгмӕ ссис нӕ бӕстӕйы медиа-тыгъдады хай. Sputnik стыр хайбавӕрд хӕссы Хуссар Ирыстоны имидж сфидар кӕныны хъуыддагмӕ. Ӕвдисы йӕ хъыздыг культурӕ ӕмӕ историимӕ бӕстӕйӕ, кӕцы у зӕрдӕмӕдзӕугӕ бизнесӕн ӕмӕ туристтӕн", - загъта президент.

Президент банысан кодта, агентады авторты аналитикон статьятӕ кӕй хӕссынц дунейон ӕхсӕнадмӕ республикӕйы позици, ӕмбарын сын кӕнынц демократион бындуртӕ, дзурынц сын бӕстӕйы арӕзтады тыххӕй.

Афтӕ ма паддзахады сӕргълӕууӕг банысан кодта агентады куысты социалон ахсджиагдзинад ӕмӕ бахахх кодта, Sputnik арӕх йӕ хъус кӕй ӕрдары республикӕйы проблемӕтӕм, ӕмӕ уымӕй баххуыс кӕны сӕ аскъуыддзаг кӕнын.

Президент банысан кодта, иууыл фылдӕр йӕ зӕрдӕмӕ кӕй цӕуынц позитивон ӕмӕ ирд историтӕ хуымӕтӕг адӕмы тыххӕй, республикӕйы ӕмбӕстӕгтӕ, кӕцытӕн ис сӕхи хъуыддаг.

Сӕйраг бузныг паддзахады сӕргълӕууӕг загъта уӕрӕсейаг агентадӕн сайты ирон верси ӕмӕ радиостанц иронау кӕй хизы эфирмӕ, уый тыххӕй.

"Уый стыр ӕххуыс у мадӕлон ӕвзаджы райрӕзтӕн", - бахахх кодта Бибылты Анатолий.

Президенты цӕст бауарзта коллективӕн ӕнтыстытӕ куысты, ирд журналистон фӕдӕвзарӕнтӕ ӕмӕ цымыдисон ныхасӕмбӕлтты.

"Дзурут ӕргомӕй, иннӕттӕ цӕ кой нӕ кӕнынц", - загъта президент.

Sputnik Хуссар Ирыстон райдыдта йӕ куыст бӕстӕйы 2015 азы июны. Агентадӕн ис информацион портал ирон ӕмӕ уырыссаг ӕвзӕгтыл, радиоресурс ӕмӕ бӕрзонд технологион мультимедион пресс-центр. Sputnik Хуссар Ирыстон ахсы фыццаг бынат бӕстӕйы интернет-ДИФты хсӕн.

10
COVID-19

Хуссар Иры сбӕрӕг кодтой 37 ног рынчыны коронавирусӕй

0
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

0
Фадзайты Арсен

Фадзайты Арсен Хуссар Иры уавӕры тыххӕй: цӕттӕ дӕн хайад райсын баныхасы

0
(ранӕуӕггонд 15:39 20.01.2021)
Республикӕйы къухдариуӕгады диалог оппозицон депутаттӕ ӕмӕ Дзабиты Иналы хиуӕттимӕ фӕнд кӕны ӕрнывыл кӕнын хуссарирыстойнаг политикты къорд, сӕ нымӕцы экс-президенттӕ ӕмӕ фыццаг ӕрсидты парламенты депутаттӕ

ЦХИНВАЛ, 20 янв – Sputnik, Козаты Диана. Уӕрӕсейы Федерацийы Советы уӕнг Цӕгат Ирыстонӕй Фадзайты Арсен загъта йӕ хъуыды Хуссар Ирыстоны уавӕры тыххӕй. Уый банысан кодта, республикӕйы кризис кӕй къуылымпы кӕны политикон ӕмӕ экономикон райрӕзт, афтӕ ма банхъардта йе ‘ххуыс хицауад ӕмӕ оппозицийы диалогы.

Цхинвалы 4 декабрӕй фӕстӕмӕ цӕуы Дзабиты Иналы хиуӕтты акци. Уыдон ӕвдисынц се нӕразыдзинад лӕппуйы мӕлӕты сгарӕн куысты фӕдыл ӕмӕ домынц, цӕмӕй йӕ бынатӕй ссӕрибар кӕной генералон прокурор Дзӕгъиаты Уырызмӕджы ӕмӕ бӕрндзинад хӕсса МХМ раздӕры министр Наниты Игорь.

"Ӕз никӕимӕ дзырдтон ацы уавӕрыл. Республикӕ у чысыл, мах иууылдӕр кӕрӕдзи зонӕм, ӕмӕ мӕн уырныдта, иудзинадмӕ кӕй ӕрцӕудзыстӕм. Дыууӕ экс-президенты ӕмӕ ӕндӕр фӕлтӕрд политиктӕ куы бадзырдтой къухдариуӕгадмӕ ӕмӕ куы фембӕлдысты Дзабиты Иналы бинонтимӕ, уӕд мӕнмӕ цалдӕр хатт бадзырдтой Хуссар Ирыстоны цӕрджытӕ", - загъта Фадзайты Арсен йӕ интервьюйы Sputnik-ӕн.

Йӕ ныхӕстӕм гӕсгӕ, уый куыд ирон, сенатор ӕмӕ Федерацийы Советы Къамисы уӕнг Хуссар Ирыстоны парламентимӕ ӕмгуыстады фӕдыл, йӕхи нӕ аиуварс кӕндзӕн ацы цаутӕй.

Фадзайты Арсен бахахх коджта, республикӕйы разамынад кӕй хъуамӕ ссара компромисс.

"Дзабиты Иналы бинонты зӕрдӕмӕ нӕ цӕуы фӕдагуырд куыд цӕуы, уый. Бирӕ фарстытӕ ис тыхон структурӕтӕм, фӕлӕ мӕн уырны, республикӕйы къухдариуӕгад кӕй ссардзӕн фадат рахизын ацы уавӕрӕй", - бафтыдта Фадзайты Арсен.

Уый размӕ Фадзайты Арсен ныммыхуыр кодта йӕ фарсыл Instagram-ы куырдит, цы ран бахахх кодта, цӕттӕ кӕй у хайад райсын баныхасы.

Гобозты Вячеслав ӕмӕ Цоциты Борис фехъусын кодтой Sputnik, Фадзайты Арсен нырма кӕй нӕ ныхас кодта ацы фарсты фӕдыл инициативон къорды уӕнгтимӕ.

Амӕйразмӕ хъусын кодтой, дыууӕ экс-президенты, парламенты фыццаг ӕрсидты депутаттӕ ӕмӕ Централон ӕвзарӕн къамисы (ЦӔК) фыццаг сӕргълӕууӕг сарӕзтой куырдиат, кӕцыйы банхъардтой хайад райсын хицауад ӕмӕ оппозицийы диалогы.

0