Цхинвалы рынчындон

Хуссар Иры фӕстаг суткӕйы нӕ рабӕрӕг коронавирусӕй ног рынчынтӕ

13
(ранӕуӕггонд 11:20 18.06.2020)
Санитарон уагдоны лабораторийы ӕдӕппӕт сарӕзтӕуыд 2123 тесты коронавирус сбӕрӕг кӕныны тыххӕй

ЦХИНВАЛ, 18 июн - Sputnik, Козаты Диана. "Югосетпотребнадзор"-ы ивгъуыд суткӕйы цы 85 тесты сарӕзтой коронавирус сбӕрӕг кӕныны тыххӕй, уыдонӕй иу дӕр нӕ равдыста ӕвӕрццаг фӕстиуӕг, республикӕйы нӕй COVID-19-ӕй ног рынчынтӕ, загъта уагдоны сӕргълӕууӕджы хӕдивӕг Гаглойты Анна.

Цыппӕрӕмы райсоммӕйы бӕрӕггӕнӕнтӕм гӕсгӕ, рынчындӕтты ис 38 адӕймаджы. Эпидемийы райдайӕнӕй нырмӕ республикӕйы рабӕрӕг ис 81 рынчыны, 43 пациенты ныридӕгӕн адзӕбӕх сты ӕмӕ сӕ рафыстой рынчындонӕй.

"Ивгъуыд суткӕйы дӕргъы мах не сбӕрӕг кодтам ног рынчынты. Тестытӕ иууылдӕр равдыстой ӕппӕрццаг фӕстиуджытӕ", - загъта Гаглойты Анна.

Санитарон уагдоны лабораторийы ӕдӕппӕт сарӕзтӕуыд 2123 тесты коронавирус сбӕрӕг кӕныны тыххӕй.

Дохтырты хъусдарды бын карантиныл сты 176 адӕймаджы - уыдон сты горӕт ӕмӕ районты алыгъуызон медицинон уагдӕтты, атфӕ ма уазӕгдон "Алан"-ы дӕр.

13
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

0
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр

ЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.

Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.

"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.

Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.

Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.

0
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5