Нагутни

Хуссар Иры ӔХМ æрурæдта æмбæстæгты æрвитын Уæрæсейы санаторитæм пандемийы тыххæй

5
(ранӕуӕггонд 12:50 18.06.2020)
Министрад социалон куысты фæлгæтты æрвылаз дæр цæрджыты кæцыдæр категоритæн лæвæрдта балцæгтæ Уæрæсейы улæфæндæттæм, фæлæ азы аз коронавирусимæ тохбахаста йæ ивындзинæдтæ алы фадыгмæ дæр

ЦХИНВАЛ, 18 июн - Sputnik, Хъуылымбегты Зæлинæ. Хуссар Ирыстоны Ӕнæниздзинад хъахъхъæнынад æмæ социалон райрæзты министрад ацы аз пандемийы тыххæй æрурæдта æмбæстæгты Уæрæсемæ æрвитын санаторон-курортон хоскæнынад рацæуыны фæдыл.

Министрад социалон куысты фæлгæтты æрвылаз дæр цæрджыты кæцыдæр категоритæн лæвæрдта балцæгтæ Уæрæсейы улæфæндæттæм, фæлæ азы аз коронавирусимæ тохбахаста йæ ивындзинæдтæ алы фадыгмæ дæр.

Уагдоны пресс-секретарь Битеты Иринайы ныхæстæм гæсгæ, æмбæстæгты ацы аз улæфынмæ æрвитдзысты æрмæстдæр республикæйы хосгæнæндæттæм.

Зæгъæм, хицæн æмæ хицæн категориты инвалидтæ æмæ ветерантæ баулæфдзысты пансионат "Ныфс"-ы Нагутнийы.

Улæфджыты фыццаг къорд афæндараст уыдзæн донхосгæнæндонмæ июлы райдианты.

5
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

0
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр

ЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.

Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.

"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.

Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.

Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.

0
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5