Хуссар Иры хӕстыты ветеранты схорзӕхджын кодтой Хъахъхъӕнынады министрады майдантӕй

Хуссар Иры хӕстыты ветеранты схорзӕхджын кодтой Хъахъхъӕнынады министрады майдантӕй

12
(ранӕуӕггонд 09:17 19.06.2020)
Хъахъхъӕнынады министр Гассеты Ибрагим банысан кодлта Фыдыбӕстӕ хъахъхъӕнджыты хъӕбатырдзинад ӕмӕ хъайтардзинад, афтӕ ма сын загъта бузныг сӕ царды активон позицийы тыххӕй

ЦХИНВАЛ, 18 июн — Sputnik. Хуссар Ирыстоны хъахъхъӕнынадон уагдоны сӕргълӕууӕг Гассеты Ибрагим радта хӕстон архӕйдтыты ветерантӕн уагдонон хорзӕхтӕ "За воинскую доблесть" паддзахады сӕрибардзинад ӕмӕ хӕдбардзинады фӕдыл тохмӕ хайбавӕрды тыххӕй, хъусын кӕны Хъахъхъӕнынады министрады пресс-службӕ.

Фембӕлды рӕстӕджы Гассеты Ибрагим банысан кодта фыдыбӕстӕ хъахъхъӕнджыты хъӕбатырдзинад ӕмӕ ӕхсардзинад бӕстӕйӕн уӕззау рӕстӕджыты ӕмӕ сын бузныг загъта сӕ активон позицийы тыххӕй. Министр ма радзырдта национ гарзджын тыхты размӕцыды перспективӕты тыххӕй.

"Республикӕйы иу хъахъхъӕнӕг дӕр нӕ баззайдзӕн ӕнӕ хъусдардӕй хъахъхъӕнынады министрады къухдариуӕгады ӕрдыгӕй", - бахахх кодта уый.

Хӕстон архӕйдтыты ветерантӕ дӕр бузныг загътой министрӕн йӕ хъусдар ӕмӕ бӕрзонд хорзӕхты тыххӕй.

Фембӕлды кӕрон ветеранты фӕхуыдтой ӕфсӕддон полигон ӕмӕ ахуырадон центрмӕ, цӕмӕй феной цӕттӕкӕнынады процесс, афтӕ ма хайад райсой ӕхстыты дӕр.

12
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2