Хуссар Иры ацӕудзӕн акци Стыр Фыдыбӕстон хӕсты райдайӕны афӕдзы боны

Хуссар Иры ацӕудзӕн акци Стыр Фыдыбӕстон хӕсты райдайӕны афӕдзы боны

9
(ранӕуӕггонд 10:53 22.06.2020)
Цхинвалы ссардзысты Стыр Фыдыбӕстон хӕсты амӕттӕгты рухс нӕмттӕ

ЦХИНВАЛ, 22 июн - Sputnik. Хуссар Ирыстоны ацӕудзӕн акци "Зажги свою свечу" Фыдохы боны, кӕцы нысан кӕнынц Уӕрӕсе ӕмӕ ССРЦ раздӕры бӕстӕты Стыр Фыдыбӕстон хӕсты райдайӕны афӕдзы боны.

Германи бабырста Советон Цӕдисмӕ 1941 азы 22 июны. Райсом раджы, 4.00 сахатыл, немыцӕгты авиаци, танктӕ ӕмӕ пехотӕ бабырстой Советон Цӕдисы территоримӕ, уымӕй райдыдтой Стыр Фыдыбӕстон хӕст, кӕцы цыд 1418 боны.

Ацы датӕйы афӕдзы бон мысынц адӕмы, кӕцытӕ бахъахъхъӕдтой сӕ фыдыбӕстӕ. Республикӕйы Культурӕйы министрады пресс-службӕ куыд хъусын кӕны, афтӕмӕй акци ацӕудзӕн къуырисӕры, 22 июны, 19.00 сахатыл Театралон фӕзуатыл Цхинвалы.

Хуссар Ирыстонӕй, цы ран цӕры 80 мин адӕймаджы, хӕстмӕ ацыдысты 21 763 адӕймаджы, се 'рдӕгӕй фылдӕр баззадысты хӕсты быдырты, авд минӕй фылдӕр та фӕкодтой ӕбӕрӕг сӕфт.

9
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3