Цхинвалы ссыгътой цырӕгътӕ Стыр Фыдыбӕстон хӕсты амӕттагты номарынӕн

Цхинвалы ссыгътой цырӕгътӕ Стыр Фыдыбӕстон хӕсты амӕттӕгты номарынӕн

11
(ранӕуӕггонд 11:06 23.06.2020)
Акцийы архайдтой Цхинвалы гарнизоны ӕфсӕдтӕ, хицауады уӕнгтӕ, Уӕрӕсейы минӕвар Хуссар Иры ӕмӕ ӕхсӕнады минӕвӕрттӕ

ЦХИНВАЛ, 23 июн – Sputnik, Плиты Фатимӕ. Хуссар Ирыстоны столицӕйы театралон фӕзуаты ацыд акци "Мысӕн цырагъ" Стыр Фыдыбӕстон хӕсты райдайӕны тыххӕй. Мадзалмӕ ӕрбацыдысты сӕдӕгай адӕймӕгтӕ, кӕцытӕ цырӕгътӕй ссардтой хӕсты амӕттӕгты рухс нӕмттӕ, айзӕлдысты хӕстӕн нывонд мелодитӕ ӕмӕ ӕмдзӕвгӕтӕ.

Свеча памяти
© Sputnik / Natalia Airiyan
Акцийы архайдтой Цхинвалы гарнизоны ӕфсӕдтӕ, хицауады уӕнгтӕ, Уӕрӕсейы минӕвар Хуссар Иры ӕмӕ ӕхсӕнады минӕвӕрттӕ

Мысӕн мадзал ацыд Уӕлахизы парады генералон репетициты хсӕн.

Акцийы архайдтой Цхинвалы гарнизоны ӕфсӕдтӕ, хицауады уӕнгтӕ, Уӕрӕсейы минӕвар Хуссар Иры ӕмӕ ӕхсӕнады минӕвӕрттӕ.

Горӕты скъолаты ахуырдзаутӕ сӕ фыдӕлты къамтимӕ, кӕцытӕ сӕхи хъӕбатырӕй равдыстой тохы, рахызтысты сценӕмӕ ӕмӕ сын дзырдтой сӕ сгуыхтдзинӕдтӕ.

"Стыр Фыдыбӕстон хӕсты архайджыты ацы бон мысынц цӕссыгкалгӕ. Мах барджын не стӕм ацы бон ферох кӕнын сӕ хъӕбатырдзинад Украина ӕмӕ Гуырдзыстонау. Стыр бузныг дӕн нӕ разамынадӕй ӕрвылаз ацы датӕ рох кӕй нӕ вӕййы",- загъта журналисттӕн ветеранты цӕдисы хистӕры хӕдивӕг Уалыты Гайоз.

Мадзалы кӕрон фӕсивӕдон организацийы минӕвӕрттӕ арвмӕ ауагътой 75 сау тымбылӕджы.

Свеча памяти
© Sputnik / Natalia Airyan
Акци "Мысӕн цырагъ"
11
Цхинвалы гуырӕн хӕдзар

Сывӕллӕтты омбудсмен радзырдта Цхинвалы хӕдзары раз ссаргӕ ноггуырды уавӕры тыххӕй

3
(ранӕуӕггонд 15:41 04.12.2020)
Сывӕллӕтты барты фӕдыл ӕххӕстбарджын Козаты Гульнара радзырдта Sputnik, куыд хаты йӕхи ноггуырд саби, кӕцыйы райсом ссардтой Цхинвалы хӕдзӕрттӕй иуы къӕсӕрыл

ЦХИНВАЛ, 4 дек - Sputnik, Хъуылымбегты Зӕлинӕ. Хуссар Ирыстоны столицӕйы хӕдзӕрттӕй иуы раз цы ноггуырд сабийы ссардтой, уый ӕнӕниздзинадӕн ницы тас у, фехъусын кодта Sputnik президенты цур сывӕллӕтты барты фӕдыл ӕххӕстбарджын Козаты Гульнара.

Сывӕллоны ныууагътой майрӕмбоны ӕхсӕвы Октябры уынджы иу хӕдзары къӕсӕрыл. Ныртӕккӕ республикӕйы мидхъуыддӕгты министрады кусджытӕ агурынц сылгоймаджы, кӕцы ныууагъта йӕ сабийы.

"Сывӕллоны баппӕрстой Цхинвалы цӕрӕг бинонтӕн. Райсом уыдон фӕдзырдтой милицимӕ, уый фӕстӕ сабийы уайтагъд акодтой гуырӕн хӕдзармӕ", - радзырдта омбудсмен.

Йӕ ныхӕстӕм гӕсгӕ, саби райгуырд ӕмгъуыдӕй раздӕр, фӕлӕ иумӕйагӕй йӕ цардӕн тас нӕу.

Цхинвалы гуырӕн хӕдзары куыд фехъусын кодтой, афтӕмӕй сывӕллоныл иу суткӕйӕ фылдӕр нӕ цӕуы – ӕвӕццӕгӕн уый баппӕрстой, куыддӕр райгуырд, афтӕ.

Козаты Гульнара ма радзырдта ноггуырды фидӕны хъысмӕты тыххӕй дӕр.

"Кӕд сабийы ныййарджытӕ нӕ рабӕрӕг уой, уӕд ӕй тӕрхондоны уылты ратдзысты искӕцы бинонтӕн", - банысан кодта уый.

Уый тыххӕй та, адарддӕр кодта Козаты Гульнара, хъӕуы ӕрӕмбырд кӕнын ӕнӕмӕнгхъӕуӕг документтӕ, уый фӕстӕ тӕрхондон аскъуыддзаг кӕндзӕн, кӕцы бинонты хсӕн хуыздӕр уыдзӕн ноггуырдӕн.

"Хуссар Ирыстоны тынг бирӕ бинонтӕ ис, кӕцыты фӕнды сывӕллон схъомыл кӕнын ӕмӕ, мӕ хъуыдымӕ гӕсгӕ, саби тагъд бахаудзӕн уарзӕгой бинонтӕм", - бахахх кодта сывӕллӕтты омбудсмен.

Цалынмӕ цауы лыстӕг хӕйттӕ бӕрӕг цӕуой, уӕдмӕ уал саби уыдзӕн РБМЦ гуырӕн хайады.

3

Хуссар Иры санитарон уагдоны радзырдтой коронавирусӕй ног рынчынты тыххӕй

2
(ранӕуӕггонд 15:00 04.12.2020)
Коронавирусы пандемийы райдианӕй нырмӕ Югосетпотребнадзоры лабораторийы сарӕзтӕуыд 11 419 тесты инфекции рафӕлгъауыны тыххӕй

ЦХИНВАЛ, 4 дек - Sputnik, Гӕбӕраты Элина. Хуссар Ирыстоны рабӕрӕг кодтой 24 ног фӕрынчынуӕвӕджы коронавирусон инфекцийӕ, фехъусын кодта  Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы цы 109 раиртӕсты сарӕзтам, уыдонӕй 24-ӕн разынд ӕвӕрццаг фӕстиуджытӕ. Медикты хъусдарды бын нырма ис998 адӕймаджы", - загъта Гаглойты Анна.

Йӕ ныхӕстӕм гӕсгӕ, ивгъуыд суткӕйы республикӕйы медуагдӕтты хыгъдӕй систой 28 адӕймаджы. Ӕдӕппӕт сентябры райдианӕй сӕнӕниз сты 872 рынчыны коронавирусӕй.

2
Сабанты Александр

Ирыстойнаг хъӕбысӕйхӕцӕг рамбылдта сыгъзӕрин майдан Уӕрӕсейы фыццагады

2
(ранӕуӕггонд 15:42 04.12.2020)
Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй

ЦХИНВАЛ, 4 дек — Sputnik. Ирон богал Сабанты Александр ссис Уӕрӕсейы фыццагады уӕлахиздзау уӕгъдибар хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.

Уӕрӕсейы фыццагад уӕгъдибар хъӕбысхӕстӕй 23 азы кары онг спортсменты хсӕн уагъд цӕуы Смоленскы.

Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй.

"Финалмӕ фӕндагыл Сабанты Александр нӕ фембылд иу балл дӕр. Квалификацийы рамбылдта Яков Павловы 11:0 хыгъдӕй, финалы 1/8 – Гаглойты Зауыры 10:0 хыгъдӕй, финалы цыппӕрӕм хайы 5:0 хыгъды тушейыл рамбылдта Рахим Гурдалиевы, ӕрдӕгфинадлы та Бикъойты Вадимы 10:0 хыгъдӕй", - дзырдӕуы хъусинаджы.

Пресс-службӕйы бафтыдой, зӕгъгӕ, ирон хъӕбысӕйхӕцджытӕ рамбылдтой ноджы дыууӕ ӕвзист ӕмӕ ӕртӕ бронзӕйон майданы. Ӕвзист майдантӕ рамбылдтой Толпарты Аслан (92 кг) ӕмӕ Хынцӕгты Сослан (125 кг), бронзӕйон майданты хицӕуттӕ та баисты Дзукъаты Роберт (74 кг), Цкъаты Сослан ӕмӕ Цхуырбаты Артем (92 кг).

Афтӕ ма, майрӕмбоны сыгъзӕрин майданыл 97 килограммы уӕзы категорийы тох кӕндзӕн Хуыгаты Хох.

2