Цхинвал

Цхинвалы фондз уынгыл ивынц коммуникацитӕ, сӕ радмӕ ӕнхъӕлмӕ кӕсынц ноджы ӕртӕ

6
(ранӕуӕггонд 11:51 23.06.2020)
Куыстытӕ уагъд цӕуынц инвестицион нывӕзты фӕлгӕтты, къуыхцы сӕ кӕнынц ӕрмӕстдӕр коронавирусимӕ баст арӕнӕвӕрдтӕ

ЦХИНВАЛ, 23 июн – Sputnik, Хъуылымбегты Азӕмат. Хуссар Ирыстоны столицӕйы фондз уынгыл ӕрӕвнӕлдтой зӕххы бын коммуникацитӕ ивынмӕ, фехъусын кодта Sputnik "Водоканал"-ы сӕйраг инженер Джиоты Инга.

"Мах ивӕм коммуникацитӕ Базарадон, Нӕузӕххонты, Табуты Родионы, Революцийы ӕмӕ Белинскийы уынгтыл. Ӕрӕджы фестӕм куыстытӕ Кимы уынгыл. Дыууӕ къуырийы фӕстм та фӕнд кӕнын бавналын Хъайтарты ӕмӕ Плиты Ароны уынгтӕм", - загъта Джиоты Инга.

Уагдоны сӕйраг инженеры ныхӕстӕм гӕсгӕ, куыстыты графикы фӕзыны къуыхцыдзинӕдтӕ коронавирусимӕ уавӕр ӕмӕ арӕны ӕхгӕды тыххӕй.

"Уӕрӕсейӕ ӕрмӕджытӕ ӕрхӕццӕ вӕййынц чысыл фӕстиӕттимӕ", - банысан кодта уый.

Уагдон ма ивы коммуникацитӕ Джиоты Аланы проспектыл хисӕрмагонд хӕдзӕртты дӕр, ахӕм куыстытӕ раздӕр бакодтой Сталины, Фидауынгӕнджыты ӕмӕ Путины уынгтыл.

2020-2022 ӕзтӕн Хуссар Ирыстоны социалон-экономикон райрӕзтӕн ахъазгӕнӕг инвестицион программӕ фидар ӕрцыд 2019 азы апрелы. Ӕртӕазон нывӕзты бюджет у 4,5 миллиард сомы ӕмӕ рагхыгъд кӕны 52 мадзалы. Хӕрдзтӕ иууылдӕр хицӕн цӕуынц Уӕрӕсейы бюджетӕй.

6
Цхинвалы аразынц ног цӕрӕн корпус Хъайтарты уынгыл

Цхинвалы аразынц ног цӕрӕн корпус Хъайтарты уынгыл

3
Корпус аразынц хӕдзары бынаты, кӕцы бахъыгдард ис 2008 азы хӕсты рӕстӕджы. Арӕзтад райдыдта ацы аз августы, объект эксплуатацимӕ ратдзысты 2021 азы кӕрӕтты

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы активон темптӕй цӕуы ног фондзуӕладзыгон хӕдзары арӕзтад Хъайтарты уынджы кӕроны. Хӕдзар аразынц 118-ӕм корпусы бӕсты, кӕцы бахъыгдард ис 2008 азы хӕсты рӕстӕджы.

Ног хӕдзары дӕр уыдзӕн 60 фатеры. Йӕ арӕзтадмӕ "СТМ-ЮГ" фирмӕ ӕрӕвнӕлдта июлы. Абоны бон аразджытӕ фӕуд кӕнынц ӕртыккаг уӕладзыджы арӕзтад. Арӕзтадон организацийы минӕвар Джиоты Андрей фехъусын кодта Sputnik, объектыл кӕй архайынц 50 кусӕджы.

Йӕ ныхӕстӕм гӕсгӕ арӕзтад адарддӕр уыдзӕн зымӕгон периоды дӕр. Ис нӕм сӕрмагонд фӕрӕзтӕ, кӕцыты руаджы фадат ис кусын уазал боныгъӕды рӕстӕджы дӕр.

"Бӕстыхӕйтты та сӕвӕрдзыстӕм хъармгӕнӕн ифтоггарз мидӕггагон куыстытӕн", - загъта Джиоты Андрей.

Бирӕуӕладзыгон хӕдзары арӕзтад балхынцъ кӕндзысты фидӕн азы кӕрӕттӕм.

Хӕсты рӕстӕджы цы бирӕуӕладзыгон хӕдзар бахъыгдард ис, уый цӕрджытӕ бирӕ хатт бадзырдтой хицауадмӕ, цӕмӕй ацы хӕдзар ныппырх кӕной ӕмӕ ног саразой. Ныр ацы фарст аскъуыддзаг кодтой. Объект бахастой 2020-2022 азты инвестицион нывӕзтмӕ.

Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы.

Ӕртӕазон программӕйы, кӕцыйы бюджет у 4,5 миллиард сомы, ис 52 мадзалы, кӕцытӕ здӕхт сты социалон объектты дарддӕры арӕзтадмӕ.

3
зынфӕдисонты къордтӕ

Трансформатор РБМЦ ссыгъд цыбыр аныдзӕвды тыххӕй. Зынгсирвӕзт ахуыссын кодтой

2
(ранӕуӕггонд 13:43 30.11.2020)
Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы бирӕпрофилон медицинон центры инфекцион рынчындоны трансформаторы ссыгъды аххосаг уыд цыбыр аныдзӕвд, уӕлвӕткон цау ныридӕгӕн аиуварс кодтой, фехъусын кодтой Sputnik Хуссар Ирыстоны УУМ радгӕсон хайады.

"Зынгсирвӕзт ахуыссын кодтой. Йӕ ахоссаг ссис цыбыр аныдзӕвд. Цауы бынаты куыстой зынфӕдисонтӕ ӕмӕ ирвӕзынгӕнджытӕ", - загътой радгӕсон хайады.

Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ.

2
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

0
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

0