Милици

Хуссар Иры милици рахызт службӕйы фӕтыхджындӕргонд режиммӕ

3
(ранӕуӕггонд 16:22 23.06.2020)
Тыхон структурӕты иумӕйаг архайд координаци кӕнынӕн арӕзт ӕрцыд сӕрмагонд оперативон штаб, банысан кодтой уагдоны

ЦХИНВАЛ, 23 июн – Sputnik, Козаты Диана. Хуссар Ирыстоны Мидхъуыддӕгты министрады (МХМ) хисӕрмагонд сконд 23 июнӕй хицӕн барамынды онг хӕсдзӕн службӕ фӕтыхджындӕргонд режимы. Ахӕм скъуыддзаг ист ӕрцыд, республикӕйы 24 июны Уӕлахизы парад кӕй ацӕудзӕн, уый тыххӕй, фехъусыцн кодтой уагдоны пресс-службӕйы.

Хуссарирыстойнаг столицӕйы ӕртыццӕджы ацӕудзӕн ӕфсӕддон парад, кӕцы у нывонд Стыр Фыдыбӕстон хӕсты Уӕлахизы 75-азон юбилейӕн. МХМ банысан кодтой, бӕрӕгбонон мадзӕлтты рӕстӕджы ӕхсӕнадон фӕтк кӕй хъахъхъӕндзысты милицийы сӕдӕгай кусджытӕ.

"Министр Наниты Игорь сфидар кодта ӕфсӕддон парад уадзыны рӕстӕджы ӕмбӕстӕгты ӕдасдзинад ӕмӕ ӕхсӕнадон уагӕвӕрд хъахъхъӕныны фӕтк. Тыхон структурӕты иумӕйаг архайд координаци кӕнынӕн арӕзт ӕрцыд сӕрмагонд оперативон штаб. Уымӕй дарддӕр ма фӕтыхджындӕр кӕндзысты милицийыстационарон постыты архайд дӕр", - радзырдтой МХМ пресс-службӕйы.

Цхинвалы Театралон фӕзуатмӕ ӕмбӕстӕгты уадздзысты металлодетектортыл бахизгӕйӕ.

Уымӕй дарддӕр ма министр бахӕс кодта ауадзын инструктаж хисӕрмагонд скондӕн ӕмӕ сӕ лӕмбынӕг базонгӕ кӕнын сӕ хӕстимӕ парад ауадзыны рӕстӕджы. Наниты Игоры ныхӕстӕм гӕсгӕ, уӕлдай хъусдард хъӕуы аздахын контролон-уадзӕн пунктты куыстмӕ, афтӕ ма автотранспортон змӕлды ӕдасдзинад сифтонг кӕнынмӕ, уымӕн ӕмӕ Цхинвалы уынгты рацӕудзӕн ӕфсӕддон техникӕ.

Перекрытие улиц к Параду
© Sputnik
Цхинвалы ӕрӕхгӕндзысты цалдӕр уынджы
3
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

0
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр

ЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.

Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.

"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.

Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.

Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.

0
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5