Цхинвалы ацыд Стыр Уæлахизы парад

Курсанттæ æмæ бæхджын къорд: Цхинвалы ацыд Стыр Уæлахизы парад

19
Парад иста хицауады сӕрдар Пухаты Эрик - паддзахады сӕргълӕууӕг Бибылты Анатолий хайад исы Мӕскуыйы Стыр Фыдыбӕстон хӕсты Уӕлахизы 75 азы сӕххӕсты цытӕн бӕрӕгбонон мадзӕлтты

ЦХИНВАЛ, 24 июн – Sputnik, Плиты Фатимӕ. Хуссар Ирыстоны столицӕйы Театралон фӕзуатыл Стыр Фыдыбӕстон хӕсты Уӕлахизы парад ацы аз ацыд ивындзинӕдтимӕ - Цхинвалы гарнизоны рацыды датӕ фӕфӕстӕдӕр коронавирусы фӕдыл тобӕйы мадзӕлтты аххосӕй. Уымӕй дарддӕр ма ногдзинадыл банымайӕн ис уый дӕр, ӕмӕ парады кӕй архайдтой Ирыстоны фӕсивӕд, кӕцытӕ сты Уӕрӕсейы ӕфсӕддон ахуыргӕнӕндӕтты курсанттӕ, се хсӕн чызджыты цалдӕр къорды,  парады рацыд бӕхджын къорд дӕр.

Парад Победы в Цхинвале
© Sputnik / Natalia Airiyan
Цхинвалы ацыд Стыр Уæлахизы парад

Парад иста хицауады сӕрдар Пухаты Эрик - паддзахады сӕргълӕууӕг Бибылты Анатолий хайад исы Мӕскуыйы Стыр Фыдыбӕстон хӕсты Уӕлахизы 75 азы сӕххӕсты цытӕн бӕрӕгбонон мадзӕлтты.

Трибунамæ хицауады уæнгтæй дарддæр схызтысты Стыр Фыдыбӕстон хӕсты ветеран Къусраты Илья æмæ фæсчъылдымы архайæг Уалыты Лидия.

Парад Победы в Цхинвале
© Sputnik / Natalia Airiyan
Цхинвалы ацыд Стыр Уæлахизы парад

Парад бакодта цытджын караулы ротӕйы къорд, кӕцы рахаста Хуссар Ирыстоны Паддзахадон тырыса ӕмӕ Уӕлахизы тырыса.

Парад уагъд цыд Хуссар Ирыстоны Гарзджын тыхты генералон штабы хистӕр, гвардийы инӕлар-майор Виктор Федоровы къухдариуӕгады бын.

Рацыды архайдтой Хъахъхъӕнынады министрад, МХМ, УУМ, Юстицийы министрад ӕмӕ 4-ӕм уӕрӕсейаг ӕфсӕддон базӕйы дӕлхайӕдты парадон къордтӕ - иумӕйагӕй 25 къорды. Цытжын рацыды архайджыты нымæц зынгæ фылдæр уыд ацы аз курсантты хайадисты тыххӕй.

Парад Победы в Цхинвале
© Sputnik / Natalia Airiyan
Цхинвалы ацыд Стыр Уæлахизы парад
19
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

3
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
3
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

3
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

3