Коронавирус

Хуссар Иры санитарон уагдон фехъусын кодта коронавирусы фӕдыл тестты фӕстиуджытӕ

10
(ранӕуӕггонд 11:24 25.06.2020)
Майы райдайӕнӕй республикӕйы сбӕрӕг кодтой коронавирусӕй 85 фӕрынчынуӕвӕджы, уыдонӕй 52 сӕнӕниз сты

ЦХИНВАЛ, 25 июн - Sputnik, Козаты Диана. Хуссар Ирыстоны не сбӕрӕг кодтой коронавирусӕй ног рынчынты, ивгъуыд суткӕйы цы ӕрдӕг сӕдӕйӕ фылдӕр тесты ауагътой, уыдонӕй иу дӕр нӕ равдыста вирусы уӕвынад, загъта Югосетпотребнадзоры сӕргълӕууӕджы хӕдивӕг Гаглойты Анна.

Йӕ ныхӕстӕм гӕсгӕ, инфекцион хайады хоскӕнынад цӕуынц 33 адӕймаджы COVID-19 диагнозимӕ.

"Инфекцион хайады хоскӕнынад цӕуынц 32 курсанты ӕмӕ иу медицинон кусӕг. Ног рынчынтӕ не сбӕрӕг кодтам, 52 тестӕй иу дӕр нӕ равдыста вирусы уӕвынад. Иумӕйагӕй ауагътам 2313 тесты", - загъта Гаглойты Анна.

Медикты хъусдарды бын сты 114 адӕймаджы.

Хуссар Ирыстоны къухдариуӕгад дыццӕджы адарддӕр кодта арӕнӕвӕрдтӕ Уӕрӕсеимӕ арӕныл 31 июлы онг. Скъуыддзаг рахастой уӕззау эпидемиологон уавӕр хынцгӕйӕ республикӕйы алыварс, сӕйраджыдӕр, Цӕгат Ирыстоны. 1 июлӕй фӕуд кӕны карантин сабидӕтты. Афтӕ ма бар радтой уадзын культурон ӕмӕ спортивон мадзӕлттӕ республикӕйы территорийыл ӕнӕ фӕсарӕйнаг уазджытӕй.

10
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4