Хуссар Ирыстоны театр цæуы сæрдыгон улæфты

Хуссар Ирыстоны театр цæуы сæрдыгон улæфты

28
(ранӕуӕггонд 09:38 26.06.2020)
Культурон уагдон рбалæугæ мæй уыдзæн отпускы, улæфты фæстæ та труппа бавналдзæн ирон адæмы геноциды фæдыл спектаклыл куыстмæ

ЦХИНВАЛ, 25 июн - Sputnik, Плиты Фатимӕ. Хуссар Ирыстоны паддзахадон драмон театр июлæй ацæудзæн улæфты, уый фæстæ сфæлдыстадон къорд райдайдзæн кусын ирон адæмы 1920 азы геноцидæн нывонд спектакль "Фæстаг æвдисæн"-ыл, фехъусын кодта Sputnik театры аивадон къухдариуæггæнæг Дзудцаты Тамерлан.

"Июлæй ацæудзыстæм сæрдыгон улæфты. Августы куыддæр куыстмæ рахизæм афтæ бæстонæй бавналдзыстæм ирон адæмы 1920 азы геноцидæн нывонд спектакль "Фæстаг æвдисæн"-ыл куыстмæ. Рольтæ сты уæрст. Куыст йыл ныр дæр цæуы, фæлæ йæ фæрæвдздæр кæндзыстæм", - загъта уый.

Театр йæ куыст сног кодта майы райдайæны æртæ мæйы карантины фæстæ, фæлæ уæддæр культурон уагдон кодта мидӕггагон куыст, кӕсӕгӕн йӕ дуӕрттӕ нæ бакодта – коронавирусæй бахизыны нысанæн Хуссар Ирыстоны тобæгонд сты массон мадзæлттæ.

Къорд ма ныридæгæн репетици кæны комеди "Ӕрра уарзт" (Любовь до потери памяти). Уӕрӕсейаг драматург Валентин Красногоровы ӕрмӕгыл кусы актерты къорд режиссер Чилӕхсаты Эдуарды разамындӕй.

28
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4