Цхинвалы бакодой актерон факультет

Фыццаг ХИПУ-йы: Цхинвалы бакодтой актерон факультет

46
(ранӕуӕггонд 09:47 29.06.2020)
Студенттӕн амондзысты актерон дӕсныйад, сценӕйы архайд ӕмӕ ныхас, вокал ӕмӕ ӕппӕт зонындзинӕдтӕ, кӕцытӕ фадат дӕттынц актер суӕвынӕн. Семӕ кусдзысты Харебаты Жан-Жак, Бибылты Сослан, Тъехты Василий ӕмӕ ӕндӕр актертӕ

ЦХИНВАЛ, 26 июн – Sputnik, Плиты Фатимӕ. Хуссар Ирыстоны паддзахадон университеты ацы аз йӕ куыст срӕвдз кӕндзӕн театралон дӕсныйады факультет. Профессийыл фӕцайдагъ кӕныныл фӕсивӕды ахуыр кӕнындзысты Хуссар Иры Адӕмон артисттӕ, фехъусын кодта Sputnik театры аивадон къухдариуӕггӕнӕг Дзудцаты Тамерлан.

"Ӕрмӕст иу хатт уыдзӕн ацы факультетмӕ ист. Сидӕм фӕсивӕдимӕ ӕрбацӕуын ахуырмӕ. Абитуриенттӕ фыццаг рацӕудзысты сфӕлдыстадон ӕвзӕрст, уым мах сбӕлвырд кӕндзыстӕм, актеры потенциал кӕмӕ ис, уыдоны. Уый фӕстӕ та сӕм ӕнхъӕлмӕ кӕсынц фӕлварӕнтӕ", - загъта уый.

Аивадон къухдариуӕггӕнӕджы ныхӕстӕм гӕсгӕ, дӕсныйады сусӕгдзинӕдтӕ студенттӕн амондзысты Хуссар Ирыстоны Адӕмон артисттӕ.

"Райсомӕй ахуыр цӕудзӕн университеты, сихорӕй фӕстӕмӕ та театры. Амондзыстӕм сын актерон дӕсныйад, сценӕйы архайд ӕмӕ ныхас, вокал ӕмӕ ӕппӕт зонындзинӕдтӕ, кӕцытӕ фадат дӕттынц актер суӕвынӕн. Семӕ кусдзысты Харебаты Жан-Жак, Бибылты Сослан, Тъехты Василий, мӕхӕдӕг ӕмӕ ӕндӕр актертӕ. Теоретикон ахуыртӕ цӕуыдзысты райсомӕй университеты, сихорӕй фӕстӕмӕ та театры уыдзӕн специализаци", - бафтыдта Дзудцаты Тамерлан.

Уый ма бахахх кодта, ӕвзонг фӕлтӕрӕн кӕй архайдзысты фыццаг курсӕй фӕстӕмӕ спектакльты рольтӕ дӕттын.

46
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

2
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
2