Хуссар Иры депутаттӕ балӕууыдысты амалиуӕггӕнджыты фарс

Карз ивартӕ: Хуссар Иры депутаттӕ рахӕцыдысты амалиуӕггӕнджыты фарс

11
(ранӕуӕггонд 12:27 26.06.2020)
Закондӕттӕг органы ӕркастысты амалиуӕггӕнджыты къорды куырдиатмӕ, кӕцытӕ радзырдтой депутаттӕн ӕгӕр карз санкциты тыххӕй Техцӕстдарды рдыгӕй

ЦХИНВАЛ, 26 июн - Sputnik. Хуссар Ирыстоны парламенты сӕудӕджерад, арӕзтад, транспорт, бастдзинад ӕмӕ ӕрдзон ресурсты фӕдыл комитет радта рекомендаци республикӕйы хицауадӕн фӕлӕмӕгъдӕр кӕнын пандемийы кӕронмӕ санкцитӕ амалиуӕггӕнджыты фӕдыл, хъусын кӕны закондӕттӕг органы пресс-службӕ.

Комитеты рабадтыл ӕркастысты амалиуӕггӕнджыты къорды куырдиатмӕ, кӕцытӕн фӕзынд проблемӕтӕ экологон, технологон ӕмӕ арӕзтадон цӕстдарды комитетимӕ. Рабадтмӕ фӕхуыдтой хицауады вице-премьер Бекъойты Геннадий ӕмӕ Техцӕстдарды сӕргълӕууӕг Къуылыхты Таймуразы.

Глава комитета парламента РЮО по промышленности, строительству, транспорту, связи и природным ресурсам Алан Алборов
Пресс-служба парламента РЮО
Хуссар Ирыстоны парламенты сӕудӕджерад, арӕзтад, транспорт, бастдзинад ӕмӕ ӕрдзон ресурсты фӕдыл комитеты рабадт

Парламентон комитеты сӕрдар Ӕлборты Аланы ныхӕстӕм гӕсгӕ, Техцӕстдард рафыссы амалиуӕггӕнджытӕн бирӕ уынаффӕтӕ егъау ивартимӕ, иу хатт ивары суммӕ рацыд 350 мин сомы.

"Ахӕм суммӕтӕ бирӕ амалиуӕггӕнджытӕн сты ӕгӕр карз. Ӕз разы дӕн, амалиуӕггӕнджытӕ кӕй хъуамӕ ӕххӕст кӕной ӕмбӕлон фӕкттӕ, Техцӕстдард хъуамӕ ӕххӕст кӕна йӕ хӕслӕвӕрдтӕ, фӕлӕ парламент радта рекомендаци хицауадӕн, цӕмӕй ацы басгӕрстытӕ ӕруромой 2020 азы кӕронмӕ коронавирусы пандемийы тыххӕй", - загъта Ӕлборты Алан.

Афтӕ ма комитеты сӕрдар бафтыдта, зӕгъгӕ, Техцӕстдард рафыссы амалиуӕггӕнджытӕн уынаффӕтӕ 23 пункты скондӕй, кӕцытӕ нӕй гӕнӕн среализаци кӕнын Республикӕйы территорийыл.

"Техцӕстдард домы экологы амалиуӕггӕнджытӕй, цӕмӕй сын уа штатыл. Абоны бон ацы домӕн сӕххӕст кӕныны нӕй гӕнӕн", - бахахх кодта Ӕлборты Алан.

Техцӕстдарды разамонӕг Къуылыхты Таймураз фехъусын кодта, кӕй ис гӕнӕн рацӕуын дыууӕкъуырион курсытӕ, цы ран раттынц сертификат, цӕмӕй амалицӕггӕнӕгӕн уой элементарон зонындзинӕдтӕ.

Заседание парламентского комитета по промышленности, строительству, транспорту, связи и природным ресурсам
Пресс-служба парламента РЮО
Хуссар Ирыстоны парламенты сӕудӕджерад, арӕзтад, транспорт, бастдзинад ӕмӕ ӕрдзон ресурсты фӕдыл комитеты рабадт

Ӕлборты Алан банысан кодта, Техцӕстдард ма кӕй домы, цӕмӕй алкӕцы амалиуӕггӕнӕгӕн дӕр уой электрик, газовик ӕмӕ эколог.

"Зӕгъут ма мын ӕй, куыд уынут ацы домӕнты реализаци? Кӕм ссарой уыдон уыййас специалистты?", - бафарста парламентон комитеты сӕрдар.

Глава Технадзора Таймураз Кулухов (справа) на заседании в парламенте РЮО
Пресс-служба парламента РЮО
Хуссар Ирыстоны парламенты сӕудӕджерад, арӕзтад, транспорт, бастдзинад ӕмӕ ӕрдзон ресурсты фӕдыл комитеты рабадт

Къуылыхты Таймураз сдзуапп кодта, уый кӕй у ӕдасдзинады хуымӕтӕг техникӕ, ӕмӕ йӕ иууылдӕр кӕй хъуамӕ ӕххӕст кӕной.

"Махмӕ ис профессионалон электриктӕ, семӕ гӕнӕн ис бафыссын законон бадзырд, уымӕ гӕсгӕ электрик лӕггад кӕндзӕн амалиуӕггӕнӕгӕн. Уый хауы газовик ӕмӕ экологмӕ дӕр", - бафтыдта уый.

Рабадты фӕстиуджытӕм гӕсгӕ, хицауадӕн радтой рекомендаци, цӕмӕй пандемийы кӕронмӕ фӕрог кӕной Техцӕстдарды басгӕрстытӕ амалиуӕггӕнджыты фӕдыл, ӕмӕ сын ДИФ-ты уылты хъусын кӕной Техцӕстдарды куысты тыххӕй.

Комитеты сӕрдар ма бафтыдта, зӕгъгӕ, Техцӕстдарды ивартӕ амалицӕггӕнджыты фӕдыл сты ӕгӕр карз: "Цыфӕнды бизнес дӕр ахӕм ивартимӕ гӕнӕн ис сӕхгӕна".

11
Тест

Хуссар Иры коронавирус бахӕцыд ноджы фараст адӕймагыл "Югосетпотребнадзор"

2
(ранӕуӕггонд 11:11 20.10.2020)
Хуссар Ирыстон сентябры фондзмӕйон карантины фӕстӕ Уӕрӕсеимӕ йӕ арӕн куы бакодта, уӕдӕй нырмӕ республикӕйы рабӕрӕг коронавирусӕй 215 рынчыны, пандемийы райдианӕй та ӕдӕппӕт 305

ЦХИНВАЛ, 20 окт - Sputnik, Козаты Диана. Хуссар Ирыстоны коронавирус рабӕрӕг ис ноджы фараст адӕймагӕн, фехъусын кодта Sputnik "Югосетпотребнадзор"-ы сӕргълӕууӕг Коцты Марина.

Уый адыл эпидемийы райдианӕй коронавирусӕй рынчынты нымӕй республикӕйы схызт 305 онг.

"Фӕстаг суткӕйы дӕргъы сарӕзтам 99 тесты, уыдонӕй фараст равдыстой низы уӕвынад", - загъта Коцты Марина.

Бон раздӕр ма сӕйраг санитарон дохтыр фехъусын кодта республикон скъолатӕ иууылдӕр дыууӕкъуырион карантил сӕхгӕныны тыххӕй дӕр.

Хуссар Ирыстоны фӕстаг къуыри скарз ис коронавирусимӕ уавӕр. Ивгъуыд къуыри рабӕрӕг, коронавирусӕй кӕй фӕрынчын сты президент ӕмӕ хицауады сӕрдары хӕстӕ ӕххӕстгӕнӕг, афтӕ ма хицауады уӕнгтӕй дӕр чидӕртӕ. Уыдон рахызтысты куысты сӕрмагонд режиммӕ.

2
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

10
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
10