Цхинвалы ахӕстон

Фыццаг экстрадици: Хуссар Ирмӕ ӕрӕрвыстой 2008 азы алидзӕг ахӕсты

200
(ранӕуӕггонд 17:42 27.06.2020)
Плиты Леонид барадхъахъхъӕнӕг органты хъусдарды бын бахауд 2006 азы - уый кардӕй ныццавта Хуссар Иры уӕды рӕстӕджы прокуратурӕйы кусӕг ӕмӕ архайгӕ депутат Диакъонты Амираны

ЦХИНВАЛ, 26 июн – Sputnik. Хуссар Ирыстоны генералон прокуратурӕйы куырдиатмӕ гӕсгӕ республикӕмӕ экстрадици сарӕзтой Дзӕуджыхъӕуӕй Плиты Леониды, кӕцы азым цӕуы амарын бафӕлварыны ӕмӕ стӕй алидзыны хъуыддаджы.

Плиты Леонид барадхъахъхъӕнӕг органты хъусдарды бын бахауд 2006 азы -  зӕрдӕхсайгӕ уӕвгӕйӕ, рынчындоны хос кӕныны рӕстӕджы уый кардӕй ныццавта Хуссар Иры уӕды рӕстӕджы прокуратурӕйы кусӕг ӕмӕ архайгӕ депутат Диакъонты Амираны. 2008 азы хӕсты рӕстӕджы уый аннӕ ахӕстӕттимӕ рауагътой ахӕстонӕй. Йе 'ввахс адӕмы ныхӕстӕм гӕсгӕ, Леонид активон хайад райста райгуырӕн бӕстӕ бахъахъхъӕныны хъуыддаджы, фӕлӕ хӕсты фӕстӕ йӕхи баууон кодта фӕсарӕнты.

"Плиты Леониды раттыны цау у фыццаг не 'мгуыстады рӕстӕджы. Ноджы ма аст ахӕсты хӕсты фӕстӕ ацыдысты республикӕйӕ, кӕцыдӕрты тыххӕй нӕм ис информаци", - загъта Sputnik генералон прокуратурӕйы слесгӕнӕн управленийы хистӕр Джиоты Къоста.

Ныридӕгӕн хъуыддаг сгары генералон прокуратурӕйы сгарӕг Чилӕхсаты Александр. Йӕ ныхӕстӕм гӕсгӕ, Плиты Леониды ӕмӕ прокуратурӕйы кусӕг Диакъонты Амираны хсӕн 2006 азы уыд хисӕрмагонд конфликт ӕфстау ӕхцайы фӕдыл. Дыууӕ азы фӕстӕ нӕлгоймаджы ӕрурӕдтой барадхъахъхъӕнӕг органтӕ, фӕлӕ хӕсты агъоммӕ тӕрхондон нырма скъуыддзаг нӕ рахаста йӕ хъуыддаджы фӕдыл.

"Уый азым цыд амарын бафӕлварыны хъуыддаджы - Диакъонты Амираны кардӕй ныццавта. Уӕд уый йӕхи баууон кодта", - загъта прокуратурӕйы кусӕг Чилӕхсаты Александр.

Ныридӕгӕн нӕлгоймаджы ӕрӕрвыстой Хуссар Ирмӕ ӕмӕ ис ахӕстоны.

"Хъуыддаджы нӕй фӕлмӕн кӕныны факттӕ. Карантины тыххӕй нырма ӕппӕт гуырахстӕй нӕй фадат уадзын слесгӕнӕн куыст", - бафтыдта Чилӕхсаты Александр.

Хуссар Ирыстоны парламенты депутат Диакъонты Амиран, кӕцыйы ахстуӕвӕг ныццавта кардӕй, загъта Sputnik, йӕ маст исынмӕ кӕй нӕ хъавы.

"Уый уыд раджы, хорз у ӕмӕ удӕгасӕй баззадыстӕм уый дӕр ӕмӕ ӕз дӕр. Ацы нӕлгоймаджы мӕ уынын дӕр нӕ фӕнды ӕмӕ мӕм претензитӕ дӕр нӕй", - загъта Диакъонты Амиран.

200
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

2
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
2