Хуссар Иры 2 мин адӕймагӕй фыдӕр схъӕлӕс кодтой УФ Конституцимӕ ивындзинӕдтӕ бахӕссыныл

Хуссар Иры 2 мин адӕймагӕй фыдӕр схъӕлӕс кодтой УФ Конституцимӕ ивындзинӕдтӕ бахӕссыныл

8
Республикӕйы ӕртӕ ӕвзарӕн фадыгмӕ адӕм активӕнӕй цӕуынц – хъӕлӕсӕппӕрст цӕуы ӕнӕ уӕлвӕткон цаутӕй, фехъусын кодтой уӕрӕсейаг минӕварады

ЦХИНВАЛ, 29 июн - Sputnik, Гӕбӕраты Элина. Хуссар Ирыстоны ӕвзарӕн фадгуыты Уӕрӕсейы Сӕйраг законмӕ ивындзинӕдтӕ бахӕссыны фӕдыл хъӕлӕсдӕттыны цыппар бонмӕ сӕ граждайнаг хӕс сӕххӕст кодтой дыууӕ мин адӕймагӕй фылдӕр, фехъусын кодта Sputnik минӕварады консулон хайады хистӕр Сергей Алексеев.

Уӕрӕсе ӕмӕ бӕстӕйы дипломатон минӕварадты фӕсарӕнты 25 июны райдыдта хъӕлӕсдӕттын Конституцимӕ ивындзинӕдтӕ бахӕссыны фӕдыл. Схъӕлӕс кӕнын ис гӕнӕн ӕмгъуыдӕй раздӕр – 25 июнӕй, ӕмӕ хъӕлӕсдӕттыны бон – 1 июлы.

"Адӕм активонӕй цӕуынц. 28 июны бӕрӕггӕнӕнтӕм гӕсгӕ республикӕйы схъӕлӕс кодтой 2316 адӕймаджы. Фадыгон ӕвзарӕн къамисты куысты рӕстӕджы ӕххӕст цыдысты Уӕрӕсейы Централон ӕвзарӕн къамисы санитарон домӕнтӕ ӕмӕ рекомендацитӕ коронавирусон инфекцийы апарахат ма ‘руадзыны фӕдыл", - банысан кодта Алексеев.

"Цӕстдарджытӕ фадыгмӕ не ‘рбацыдысты. Ӕвзарӕн фадыджы уӕлвӕткон цаутӕ не сбӕрӕг кодтой", - бафтыдта уый.

Хъӕлӕсдӕттыны процесс сорганизаци кодтой коронавирусы тасы фӕдыл ӕдасдзинады мадзӕлттӕ ӕххӕстгӕнгӕйӕ. Алкӕцы дыууӕ сахаты территори дезинфекци кӕнынц, афтӕ ма рады лӕууынц медикты дыууӕ сменӕйы.

Уӕрӕсейӕгтӕн Хуссар Ирыстоны хъӕлӕс раттыны фадат ис УФ минӕварады, уӕрӕсейаг базӕйы ӕфсӕддонтӕн та бакодтой дыууӕ ӕвзарӕн фадыджы Цхинвалы ӕмӕ Дзауы поселочы.

Республикӕйы ӕмгъуыдӕй раздӕр схъӕлӕс кӕнын ис гӕнӕн 25 июнӕй 30 июньмӕ 10.00 сахатӕй 16.00 сахатмӕ, хъӕлӕсдӕтты бон та – 1 июлы схъӕлӕс кӕнын ис гӕнӕн 8.00 сахатӕй 20.00 сахатмӕ.

8
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

1
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

1
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9