Джиоты Жанна

Хуссар Иры парламент снысан кодта Национ банчы ног сӕргълӕууӕджы

14
(ранӕуӕггонд 12:36 30.06.2020)
Банчы раздӕры разамонӕджы ссӕрибар кодтой йӕ бынатӕй президенты бавдыстӕй йӕ куысты ӕмгъуыды фӕуды тыххӕй

ЦХИНВАЛ, 30 июн - Sputnik, Гӕбӕраты Элина. Хуссар Ирыстоны парламенты депутаттӕ хорзыл банымадтой Джиоты Жаннайы кандидатурӕ республикӕйы Национ банчы сӕрдары бынатмӕ.

Зассеты Феликсы йӕ бынатӕй ссӕрибар кӕнын ӕмӕ йӕ бынаты Джиоты Жаннайы снысан кӕныны фӕдыл бавдыст парламентмӕ барвыста президент Бибылты Анатолий.

Зассеты Феликс уыд Национ банчы разамонӕг 2012 азы июнӕй фӕстӕмӕ. Банчы раздӕры разамонӕджы ссӕрибар кодтой йӕ бынатӕй президенты бавдыстӕй йӕ куысты ӕмгъуыды фӕуды тыххӕй.

Парламенты спикер Тадтаты Алан радта Зассеты Феликсмӕ бузныджы фыстӕджытӕ президент ӕмӕ парламентӕй.

"Мах дын бузныг стӕм бирӕазон куысты тыххӕй", - загъта спикер.

Зассеты Феликс банысан кодта, Хуссар Ирыстоны банкон системӕ кӕй рацыд арӕзтады зын фӕндаг, ӕмӕ йын ӕхсызгон у, йӕ хайбавӕрд кӕй бахаста Национ банчы райрӕзтмӕ.

"Бафӕлладтӕн. Фӕндыд мӕ ацӕуын ме ‘нӕниздзинады уавӕры тыххӕй, уый загътон президентӕн дӕр", - загъта уый.

Джиоты Жанна 2019 азы февралӕй фӕстӕмӕ у Хуссар Ирыстоны "Сбербанк"-ы сӕргълӕууӕг. Ног бынатмӕ йӕ снысан кӕныны фӕдыл фарст бавдыста бюджет ӕмӕ хъалонты фӕдыл парламентон комитеты сӕрдар Джиоты Елена.

"Джиоты Жанна йӕхи равдыста ӕцӕг профессионалӕй. Уымӕн алцыдӕр бантысдзӕн ног бынаты дӕр", - банысан кодта уый.

Хъӕлӕсӕппӕрст уыд гом. Депутатты фылдӕр хай хорзыл банымадтой Джиоты Жаннайы кандидатурӕ.

Хъӕлӕсдӕттыны фӕстӕ Джиоты Жанна банысан кодта Национ банчы фидӕны райрӕзты здӕхтытӕ.

Афтӕ ма уый бафтыдта, ног бынаты йӕм кӕй ӕнхъӕлмӕ кӕсы бирӕ куыст ӕмӕ алцыдӕр сараздзӕн, цӕмӕй Национ банк рахиза ног ӕмвӕзадмӕ.

14
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

3
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

3
Хуыгаты Алан

Алцыдӕр сараздзӕн уӕлахизӕн: Хуыгаты Алан Дзӕуджыхъӕуы боксы изӕрмӕ цӕттӕкӕнынады тыххӕй

0
Боксер Хуыгаты Алан радзырдта Sputnik, кӕй у цӕттӕ алкӕцы раундмӕ дӕр, фӕлӕ уӕддӕр нывӕнды фӕуын тох нокаутӕй

ЦХИНВАЛ, 4 дек – Sputnik, Хъуылымбегты Азӕмӕт. Ирон боксер Хуыгаты Алан, кӕцы нырма иу хатт дӕр нӕ фембылд, хайад райсдзӕн боксы изӕры Дзӕуджыхъӕуы 10 декабры.

"Ӕз цӕттӕ дӕн алкӕцы раундмӕ дӕр, фӕлӕ уӕддӕр нывӕндын фӕуын тох ӕмгъуыдӕй раздӕр. Тох цӕудзӕн мӕ райгуырӕн горӕты, ӕмӕ ӕз алцыдӕр сараздзӕн, цӕмӕй рамбулон", - радзырдта Хуыгаты Алан.

Спортсмены тренер Сланты Виталий фехъусын кодта Sputnik, Хуыгаты Алан кӕй у цӕттӕ ӕмӕ нӕ сараздзӕн рӕдыдтытӕ ацы тохы.

"Алан у иууыл тӕссагдӕр боксертӕй сӕ иу йӕ уӕзы категорийы – мах нӕ дызӕрдыг кӕнӕм йӕ уӕлахизы", - банысан кодта Сланты Виталий.

Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.

0