Сабидон

Хуссар Иры байгом сты сабидӕттӕ карантины фӕстӕ

16
(ранӕуӕггонд 15:52 02.07.2020)
Скъоладзаутӕн та Цхинвалы бакӕндзысты боны сӕрдыгон лагерь столицӕйы къола-интернаты бындурыл

ЦХИНВАЛ, 2 июл – Sputnik, Козаты Диана. Цыппармӕйон карантины фӕстӕ Хуссар Ирыстоны байгом сты сабидӕттӕ. 

Цхинвалы скъолатӕ ӕмӕ сабидӕттӕ иууылдӕр февралы ӕхгӕд ӕрцыдысты карантиныл грипп ӕмӕ КРВИ тыххӕй. Марты карантин адарддӕр кодтой коронавирусы апарахаты тасӕй. Уыимӕ 10 азы онг кары сабиты ныййарджыты ссӕрибар кодтой куыстӕй, сӕ мызд бахъахъхъӕнгӕйӕ.

Райсгӕ мадзӕлтты фӕстиуӕгӕн Хуссар Ирыстоны тӕссаг инфекци нӕ апарахат. Уый адыл тобӕты фылдӕр хай ист ӕрцыдысты, ӕхгӕд ма у ӕрмӕстдӕр Уӕрӕсеимӕ арӕн.

"Мӕн ссӕрибар кодтой куыстӕй, фондзаздзыд сывӕллон мын кӕй ис, уый тыххӕй. Мӕ мызд истон рӕстӕгыл, ницы проблемӕтӕ фӕзынд уый фӕдыл. Абон ацыдыстӕм сабидонмӕ. Мӕ чызг ацахуыр хӕдзары, нал ӕй фӕндыд сабидонмӕ, иучысыл акуыдта, фӕлӕ уымӕн ницы у", - дзуры ӕвзонг мад Алена.

Фӕлӕ ныййарджытӕй бирӕтӕ нырма тӕрсынц сӕ цоты сабидӕттӕм кӕнын, группӕты ис ӕрмӕстдӕр сывӕллӕтты ӕртыккаг хай.

Уымӕй дарддӕр ма социалон хызӕгты апарахат информаци, сабидӕттӕ ӕрмӕстдӕр дыууӕ къуыримӕ кӕй бакодтой. Ахуырады министрады пресс-службӕйы аиуварс кодтой уыцы дам-думтӕ.

"Цалдӕр боны размӕ нӕ министрады ацыд ӕмбырд сабидӕтты директортимӕ. Ныхас райдыдта ацы темӕйӕ. Министр Гасситы Натали бахахх кодта, ацы дам-думтӕ кӕй сты ӕнӕбындур. Сабидӕттӕ байгом кодтой ӕмӕ кусдзысты", - загъта Sputnik уагдоны пресс-секретарь Плиты Яна. 

Уый ма банысан кодта, сабидӕттӕ иууылдӕр кӕй сты ифтонг хӕлцадӕй. Уымӕй дарддӕ сабидӕтты кусджытӕ райстой рекомендацитӕ "Югосетпотребнадзор" ӕмӕ ӕнӕниздзинад хъахъхъӕнынады министрадӕй.

Скъоладзаутӕн та Цхинвалы бакӕндзысты боны сӕрдыгон лагерь столицӕйы скъола-интернаты бындурыл. Иу сменӕ райсдзӕн сӕдӕ сывӕллоны.

16
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

6
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
6
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

4
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

4