Ӕхцатӕ

Хуссар Иры депутаттӕ ӕрдзырдтой республикӕйы ӕмбӕстӕгтӕн УФ пенситӕ райсыны зындзинӕдтыл

15
(ранӕуӕггонд 13:29 02.07.2020)
Уӕрӕсеимӕ арӕны сӕрты ахизыныл тобӕйы уавӕрты республикӕйы бирӕ цӕрджытӕн апрелӕй фӕстӕмӕ фадат нӕй райсын сӕ пенситӕ

ЦХИНВАЛ, 2 июл - Sputnik. Хуссар Ирыстоны депутаттӕ дыццӕджы ацӕугӕ рабадтыл ӕрдзырдтой пенсиисджыты фарстыл, кӕцытӕ исынц пенси УФ территорийыл – дыууӕ бӕстӕйы хсӕн арӕны сӕрты ахизыныл тобӕйы тыххӕй уыдонӕн фадат нӕй ацӕуын ӕмӕ йӕ райсын.

"Бирӕ пенсиисджытӕ нӕ райстой сӕ пенситӕ цалдӕр мӕйы. Пенси исынмӕ куы ацӕуой, уӕд сӕ бахъӕудзӕн слӕууын рады, цӕмӕй фӕстӕмӕ ӕрыздӕхой, уый фӕстӕ та дыууӕ къуыри хъуамӕ уой карантины махмӕ. Цы аразы РХИ Хицауад ацы фарсты фӕдыл?", - загъта парламенты вице-спикер Чилӕхсаты Владимир.

Афтӕ ма уый банысан кодта, зӕгъгӕ, ӕмбӕстӕгтӕн, кӕцытӕ ацыдысты республикӕйӕ, сӕ бон нӕу рӕстӕгыл ӕрыздӕхын стыр рады тыххӕй. Афтӕ ма уый бахахх кодта, ӕмбӕстӕгты фылдӕр хай кӕй ацыд се ‘ нӕниздзинады уавӕры тыххӕй – уыдонӕй бирӕтӕ цӕрынц сӕ хиуӕттӕ ӕмӕ зонгӕтӕм, ӕмӕ сӕм нӕй материалон фӕрӕзтӕ.

"Иу мӕйы дӕргъы гӕнӕн ис ӕркӕнын не ‘мбӕстӕгты Дзӕуджыхъӕуӕй дыууӕ къордӕй, уымӕн ӕмӕ карантины бакӕнынӕн ис фаг бынӕттӕ", - бахахх кодта Чилӕхсаты Владимир.

Парламенты спикер Тадтаты Алан банысан кодта, къуырийы райдайӕнӕй Уӕрӕсейӕ кӕй ӕркодтой студенттӕ ӕмӕ курсантты иууылдӕр, дарддӕр кӕнынц республикӕйы ӕндӕр ӕмбӕстӕгты дӕр.

Пенситы тыххӕй Хуссар Ирыстоны президенты ӕххӕстбарджын минӕвар парламенты Куымӕридтаты Анна банысан кодта, ацы фарстыл куыст кӕй цӕуы. Президенты администрацийы сӕргълӕууӕджы фыццаг хӕдивӕг Джуссойты Аланӕн бахӕс кодтой исын ӕмбӕстӕгты куырдиӕттӕ, цӕмӕй сын сӕ пенситӕ ӕрвитой Цӕгат Ирыстонӕй Хуссар Ирыстонмӕ.

"Иу адӕймаг ацӕудзӕн, сараздзӕн генералон ӕууӕнкдар документ, ӕмӕ уый руаджы райсдзӕн ӕхцайы фӕрӕзтӕ ӕмӕ сӕ арвитдзӕн ардӕм. Ацы адӕм ӕнӕ фӕрӕзтӕ ӕмӕ хъусдардӕй нӕ баззайдзысты", - загъта президенты ӕххӕстбарджын минӕвар.

Уӕрӕсеимӕ арӕны уылты хизыныл тобӕ сӕвӕрдтой 5 апрелӕй, фӕстӕдӕр ӕй адарддӕр кодтой 31 июлы онг.

15
Хуссарирыстойнаг футболон командӕ Барсалан

Цхинвайлаг "Барсалан"-ы футболисттӕ фембылд сты дзӕуджыхъӕуккаг "Юность"-ӕн

4
(ранӕуӕггонд 16:41 19.10.2020)
Ерысты фаворитимӕ хъазты цхинвайлаг командӕйы сконды иунӕг пурти бакодта Хъӕцмӕзты Александр

ЦХИНВАЛ, 19 окт — Sputnik. Хуссарирыстойнаг футболон командӕ "Барсалан" Семеновы номыл турниры радон хъазты фембылдысты ерысты фаворит – дзӕуджыхъӕуккаг "Юность"-ӕн, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.

Хъазт ацыд ивгъуыд улӕфт бонты Дзӕуджыхъӕуы ӕмӕ балхынцъ ис 4:1 хыгъдӕй.

"Ӕвзӕр нӕ хъазыдыстӕм, фӕлӕ бауагътам ӕртӕ пурти нӕ дуаргӕсы ӕнӕфидар хъазты тыххӕй. Дарддӕр кусдзыстӕм нӕ рӕдыдтытыл", - хъусын кӕны пресс-службӕ "Барсалан"-ы тренер Хъазиты Аланы ныхӕстӕ.

Комитеты бафтыдтой, зӕгъгӕ, цхинвайлаг командӕйы сконды иунӕг пурти бакодта Хъӕцмӕзты Александр.

4
Цхинвайлаг альпинисттӕ схызтысты Бурхохмӕ

Къостайы ном ссарын ӕмӕ Ир бафӕдзӕхсын: цхинвайлаг альпинисттӕ схызтысты Бурхохмӕ

37
(ранӕуӕггонд 15:44 19.10.2020)
Бурхох у иууыл уӕлвонгдӕр бынат Хуссар Ирыстоны, ис Кавказы хохӕфцӕгыл, сыгъдӕг бынат нымад цӕуы Кувӕндоныл

ЦХИНВАЛ, 19 окт — Sputnik, Плиты Фатимӕ. Хуссар Ирыстоны альпинистты иу къорд схызт Бурхохы бӕрзӕндмӕ. Бӕлццӕттӕ ирон ӕгъдаумӕ гӕсгӕ бафӕдзӕхстой сӕ бӕстӕ, цӕмӕй коронавирусы пандеми ӕнӕфыдбылызӕй ныууадза адӕмы, фехъусын кодта Sputnik къорды уӕнгтӕй иу Багаты Марат.

"Нӕ балц снывонд кодтам ирон литературон ӕвзаджы бындурӕвӕрӕг Хетӕгкаты Къостайы райгуырӕн бонӕн. Уый ӕмрӕнхъ ма коронавирусы апарахаты фӕдыл республикӕйы сӕвзӕргӕ уавӕр хынцгӕйӕ ацы сыгъдӕг бынаты мах бафӕдзӕхстам нӕ бӕстӕ ӕмӕ адӕмы", - загъта Багаты Марат.

Уый ма бафтыдта, сӕ балц кӕй ахаста ӕртӕ боны, къорды сконды уыд фондз альпинисты.

"Бесаты Александр, Бӕззаты Константин, Джиоты Ирэн ӕмӕ Абайты Аланимӕ нӕ балц райдыдтам майрӕмбоны сихорыл. Ӕхсӕвуиват кодтам Бурхохрӕбын ӕхсӕрдзӕны цур. Иу сахат уыдыстӕм хохы цъуппыл, стӕй райдыдта фӕстӕмӕ балц",- бафтыдта уый.

Группа альпинистов взошла на священную гору Бурхох
Фото из архива Марата Багаева
Цхинвайлаг альпинисттӕ схызтысты Бурхохмӕ

Багаты Марат ма бахахх кодта, хохы цъуппыл уыдон кӕй ссардтой, сӕ размӕ ацы бӕрзӕндмӕ чи схызт, уыдон фыстӕг. 

37
Гасситы Мурат

Гасситы Мурӕтӕн радон хатт раивтой йӕ ныхмӕлӕууӕджы

3
(ранӕуӕггонд 10:54 20.10.2020)
Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой албайнаг Сефер Сеферийы

ЦХИНВАЛ, 20 окт — Sputnik. Ирон боксер Гасситы Мурӕты ныхмӕлӕууӕджы йӕ дебютон тохы уӕззау уӕзы фӕивтой дыккаг хатт. Йӕ ног оппонент ныр та у албайнаг спортсмен Нури Сефери, фехъусын кодта РИА Новости промоутер ӕмӕ мадзалы организатортӕй иу Владимир Хрюнов.

Гасситы Мурӕты дебют уӕззау уӕзы нысангонд у 31 октябры Сочийы. Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой Нури Сеферийы ӕфсымӕр - Сефер Сеферийы.

"Хъыгагӕн, махӕн фехъусын кодтой, Сефер Сеферийы залы кӕй ис коронавирус ӕмӕ Сефер кӕ хъуамӕ бада карантины. Ноджы ма иу аххосаг – уый фӕтарст Гасситы Мурӕтӕй. Ныр та Мурӕты ныхмӕлӕууӕг уыдзӕн йе фсымӕр Нури", - загъта Хрюнов телефоны.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

3