Цхинвалы Гуыбаты ӕфсымӕрты уынгыл ногарӕзт хӕдзӕрттӕм бацыдысты 40 бинонтӕ

© Sputnik / Карина ГаглоеваЦарз
Царз - Sputnik Хуссар Ирыстон
Рафыссын
Микрорайон Царзы зӕронд ӕмдзӕрӕн ис аварион уавӕры – уырдыгӕй ногарӕзт хӕдзӕрттӕм ракодтой 40 бинонты

ЦХИНВАЛ, 2 июл – Sputnik, Хъуылымбегты Азӕмӕт. Микрорайон Царзы пырх кӕнынц ӕмдзӕрӕн, кӕцы ис аварион уавӕры. Бинонты, кӕцытӕ уым цардысты, ракодтой ног фатертӕм Гуыбаты ӕфсымӕрты уынгыл, фехъусын кодта Sputnik Цхинвалы мэры хӕдивӕг, горӕты администрацийы цӕрӕнуатон къамисы сӕрдар Джиоты Эндрик.

"Царзы зӕронд бӕстыхай кӕй пырх кӕнынц, уый тыххӕй мах ракодтам ног фатертӕм 40 бинонты. Дыууӕуатон фатертӕ алкӕмӕн не сфаг сты, ӕмӕ кӕцыдӕрты ракодтам иууатонтӕм, фӕлӕ тагъд рӕстӕджы уыдонӕн дӕр ратдзыстӕм дыууӕуатонтӕ", - загъта Джиоты Эндрик.

Бирӕфатерон хӕдзары арӕзтад балхынцъ ис 2019 азы, цӕрӕн комплексы ис 75 фатеры. Арӕзтад ӕххӕст кодтой Хуссар Ирыстоны инвестицион нывӕзты фӕлгӕтты.

Ног хабӕртты лентӕ
0