Царз

Цхинвалы Гуыбаты ӕфсымӕрты уынгыл ногарӕзт хӕдзӕрттӕм бацыдысты 40 бинонтӕ

13
(ранӕуӕггонд 16:26 02.07.2020)
Микрорайон Царзы зӕронд ӕмдзӕрӕн ис аварион уавӕры – уырдыгӕй ногарӕзт хӕдзӕрттӕм ракодтой 40 бинонты

ЦХИНВАЛ, 2 июл – Sputnik, Хъуылымбегты Азӕмӕт. Микрорайон Царзы пырх кӕнынц ӕмдзӕрӕн, кӕцы ис аварион уавӕры. Бинонты, кӕцытӕ уым цардысты, ракодтой ног фатертӕм Гуыбаты ӕфсымӕрты уынгыл, фехъусын кодта Sputnik Цхинвалы мэры хӕдивӕг, горӕты администрацийы цӕрӕнуатон къамисы сӕрдар Джиоты Эндрик.

"Царзы зӕронд бӕстыхай кӕй пырх кӕнынц, уый тыххӕй мах ракодтам ног фатертӕм 40 бинонты. Дыууӕуатон фатертӕ алкӕмӕн не сфаг сты, ӕмӕ кӕцыдӕрты ракодтам иууатонтӕм, фӕлӕ тагъд рӕстӕджы уыдонӕн дӕр ратдзыстӕм дыууӕуатонтӕ", - загъта Джиоты Эндрик.

Бирӕфатерон хӕдзары арӕзтад балхынцъ ис 2019 азы, цӕрӕн комплексы ис 75 фатеры. Арӕзтад ӕххӕст кодтой Хуссар Ирыстоны инвестицион нывӕзты фӕлгӕтты.

13
Магкоты Соня

Хуссар Ирыстоны йӕ цардӕй ахицӕн Стыр Фыдыбӕстон хӕсты ветеран

1
(ранӕуӕггонд 13:08 28.10.2020)
Хуссар Ирыстоны ацы аз майы сӕ цардӕй ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 окт — Sputnik, Козаты Диана. Хуссар Ирыстоны 95-аздзыдӕй йӕ цардӕй ахицӕн Стыр Фыдыбӕстон хӕсты ветеран Магкоты Соня, фехъусын кодта Sputnik Ветеранты советы сӕргълӕууӕг Бесаты Вячеслав.

Хуссар Ирыстоны ацы аз сӕ цардӕй ахицӕн сты ӕртӕ ветераны – Кокойты Григорий, Джергаты Василий ӕмӕ Арболишвилий Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Нӕ ветеранты нымӕц бонӕй бонмӕ къаддӕр кӕны. Ветеранты совет тӕфӕрфӕс кӕны бирӕнымӕц паддзахадон хорзӕхты кавалер Магкоты Соняйы мӕлӕты фӕдыл", - загъта Бесаты Вячеслав.

Магкоты Соня райгуырд 1925 азы бирӕсывӕллонджын бинонты Хуссар Ирыстоны Дзауы районы Хъодыбыны хъӕуы. 1943 азы фӕцис медицинон ахуыргӕнӕндон ӕмӕ йӕм фӕдзырдтой кусынмӕ эвакогоспитальмӕ, кӕцы уыд цхинвайлаг ӕртыккӕгӕм скъолайы.

Хуссар Ирыстоны баззад Стыр Фыдыбӕстон хӕсты ӕрмӕстдӕр фараст ветераны.

1
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

2
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

2