Хуссар Иры ахуырады министр схорзӕхджын кодта медалистты

Цӕвиттойнаг рауагъдонтӕ: Хуссар Иры ахуырады министр схорзӕхджын кодта медалистты

98
(ранӕуӕггонд 09:12 07.07.2020)
Хуссар Ирыстоны ацы аз астӕуккаг скъола фесты 468 рауагъдоны, уыдонӕй ӕрмӕст цыппар – Цхуырбаты Мария, Хацырты Мария, Джиоты Ирина ӕмӕ Тедеты Лана - райстой майдантæ

ЦХИНВАЛ, 6 июл — Sputnik, Плиты Фатимӕ. Хуссар Ирыстоны Ахуырады министрады схорзӕхджын кодтой 2020 азы медалистты. Ацы аз ахуыры дӕнцӕг ссисты цыппар чызджы гимназитӕ "Альбион" ӕмӕ "Рухс"-ӕй.

Цӕвиттойнаг рауагъдонты райста ахуырады министр Гасситы Натали.

"Иу сызгъӕрин ӕмӕ ӕртӕ ӕвзисты. Традицимӕ гӕсгӕ уыдон хорзӕх фӕцӕуынц рауагъдон балы размӕ, фӕлӕ ацы хатт мадзал фӕфӕстӕдӕр ис эпидемиологон уавӕры тыххӕй. Министр Гасситы Натали раарфӕ кодта медалисттæн ӕмӕ йӕ бафӕндыд, цӕмӕй ацы фӕсивӕд уӕлдӕр ахуыры фӕстӕ ӕрыздӕхой Ирыстонмӕ", - фехъусын кодта Sputnik ахуырады министрады пресс-службӕйы кусӕг Плиты Яна.

Ӕвзист майдантимӕ ахуыр фесты Хацырты Мария, Джиоты Ирина ӕмӕ Тедеты Лана. Цхуырбаты Мария та ссис сызгъӕрин майданы хицау.

Уыдонæн æнæмæнгхъæуæг у хистӕр кълӕсты министрады контролон куыстытӕ раттын хорз нысӕнттыл. Иунӕг сызгъӕрин майданы хицау ӕрмӕст контролон куыстӕ не 'ххӕст кодта иттӕг хорз бӕрӕггӕнӕнтыл, фӕлӕ ма скъолайы ӕмгъуыд ӕрæмбырд кодта 70-йӕ фылдӕр дипломы бирӕнымӕц конкурсты.

"Мӕскуыйы уӕлдӕр экономикӕйы скъоламӕ радтон мӕ гӕххӕттытӕ, ӕнхъӕлмӕ кӕсын сӕ дзуаппмӕ. Уырдӕм куы бацӕуон ахуырмӕ, уӕд зӕгъӕн ис, мӕ бӕллиц сӕххӕст ис", - загъта Sputnik Цхуырбаты Мария.

Тедеты Лана та æвзист майданимæ ахуыр фæцис гимнази "Рухс"-ы.

"Ахуыргӕнджыты лӕггад дзы бирӕ ис, фӕлӕ ахуырдзауы дӕр бирӕ хъӕуы архайын. Фыццаг къласӕй хъуамӕ хорз ахуыр кӕнай, уӕд ӕппӕт дӕр рацӕудзӕн", - загъта Тедеты Лана.

Хуссар Ирыстоны ацы аз астӕуккаг скъола фесты 468 рауагъдоны, уыдонӕй ӕрмӕст цыппар райстой майдантæ.

98
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4