Хицауад

Хуссар Иры туризмы фадыг рахызт Экономикон райрӕзты министрады дӕлбармӕ

8
(ранӕуӕггонд 15:27 07.07.2020)
Республикӕйы президент бафыста документ, кӕцы здӕхт у хицауады ӕххӕстгӕнӕг органты эффективон системӕйы арӕзтадмӕ

ЦХИНВАЛ, 7 июл - Sputnik. Хуссар Ирыстоны туризмы фадыг рахызт республикӕйы Экономикон райрӕзты министрады дӕлбармӕ, уый размӕ туризмы райрӕзтыл архайдта фӕсивӕдон политикӕ ӕмӕ спорты комитет.

Ӕмбӕлон барамынд "Республикӕ Хуссар Ирыстоны хицауады ӕххӕстгӕнӕг органты системӕ ӕмӕ структурӕйы фӕдыл" бафыста дыццӕджы республикӕйы сӕргълӕууӕг Бибылты Анатолий.

"Раивын Республикӕ Хуссар Ирыстоны Фӕсивӕдон политикӕ, спорт ӕмӕ туризмы фӕдыл комитет Республикӕ Хуссар Ирыстоны Фӕсивӕдон политикӕ ӕмӕ спорты фӕдыл комитетмӕ, ӕмӕ раттын 5 штатон иуӕджы ӕмӕ йӕ функцитӕ туризмы фадыджы паддзахадон политикӕ реализаци кӕныны фӕдыл Республикӕ Хуссар Ирыстоны Экономикон райрӕзты министрадӕн", - дзырдӕуы документы тексты.

Барамындмӕ гӕсгӕ, Экономикон райрӕзты дӕлбармӕ рахызт лицензитӕ дӕттыны фӕдыл хайад дӕр.

Документмӕ гӕсгӕ ма раивтой цалдӕр уагдоны нӕмттӕ ӕмӕ структурӕ. Афтӕмӕй республикӕйы паддзахадон таможнӕйон комитеты ном раивтой Республикӕ Хуссар Ирыстоны Таможнӕйон комитетмӕ, информаци ӕмӕ мыхуыры паддзахадон комитет раивтой Республикӕ Хуссар Ирыстоны информаци ӕмӕ мыхуыры комитетмӕ, сӕйраг архивон хайад та раивтой Республикӕ Хуссар Ирыстоны архивон хайадмӕ.

8
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

0
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр

ЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.

Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.

"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.

Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.

Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.

0
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5