Хуссар Иры боны лагеры баулӕфдзысты 280 сывӕллоны

Хуссар Иры боны лагеры баулӕфдзысты 280 сывӕллоны

78
(ранӕуӕггонд 17:30 08.07.2020)
Ахуырады министрады улӕфджыты къордтӕ арӕзт цӕуынц 7-10 азы кары скъоладзаутӕй, фыццаг рады ист цӕуынц ӕххуысхъуаг бинонты зӕнӕг

ЦХИНВАЛ, 8 июл- Sputnik, Плиты Фатимӕ. Хуссар Ирыстоны скъоладзаутӕ баулӕфдзысты боны лагеры Цхинвалы скъола-интернаты бындурыл. Лагерь райсдзӕн улӕфджыты дыууӕ къорды, фехъусын кодта Sputnik ахуырады министрады уӕлӕмхас ахуырад ӕмӕ хъомылады хайады гӕс Джиоты Эльза.

Ацы аз коронавирусы апарахат ма руадзыны фӕдыл тобӕйы мадзӕлттӕ фӕкъуындӕг кодтой сӕрдыгон улӕфт бонтӕ арвитыны фадӕттӕ. Адӕмӕн нал ис денджызмӕ ацӕуыны амал ӕхгӕд арӕны тыххӕй, фӕкъаддӕр сты бынӕттон лагерты нымӕц дӕр.

"Уавӕр хынцгӕйӕ, мах кӕнӕм ӕрмӕст иу лагерь. 13 июлы уый райдайдзӕн йӕ куыст. Баулӕфдзысты дзы дыууӕ къорды фӕйнӕ дыууӕ къуырийы", - загъта Джиоты Эльза.

Йӕ ныхӕстӕм гӕсгӕ, улӕфджыты фыццаг къорд ныридӕгӕн фидаргонд ӕрцыд.

"Ӕмрӕстӕджы лагеры улӕфдзысты 140 сывӕллоны 7-10 кары. Тынг бирӕты фӕндыд, фӕлӕ приоритет ис ӕххуысхъуаг бинонты  сывӕллӕттӕн ӕмӕ сӕ ныййарджытӕ кусгӕ кӕмӕн кӕнынц, уыдонӕн", - бафтыдта министрады кусӕг.

Джиоты Эльза ма банысан кодта, сывӕллӕттӕн кӕй бацӕттӕ кодтой хъӕздыг ӕмӕ цымыдисон нывӕзт.

78
Цхинвалы ӕртӕ уынгыл фесты дӕлзӕххон коммуникацитӕ ивыны куыстытӕ

Цхинвалы ӕртӕ уынгыл фесты дӕлзӕххон коммуникацитӕ ивыны куыстытӕ

11
(ранӕуӕггонд 15:02 13.08.2020)
Уыимӕ иумӕ ма уагъд цӕуынц газы хӕтӕлты ивыны фӕдыл куыстытӕ дӕр. Уыдон та уадзы "Энергоресурс-Южная Осетия"

ЦХИНВАЛ, 13 авг – Sputnik, Хъуылымбегты Азӕмӕт. Цхинвалы ацы аз Инвестпрограммӕмӕ цы аст уынджы цалцӕг бахастой, уыдонӕй ӕртӕйыл кӕронмӕ бахӕццӕ сты донифтонгад ӕмӕ канализацийы дӕлзӕххон хӕтӕлтӕ ивыны куыстытӕ. Уый тыххӕй Sputnik фехъусын кодта паддзахадон унитарон куыстуат "Водоканал"-ы генералон директор Цхуырбаты Алан.

"Куыстытӕ иууылдӕр фесты Кимы, Базарадон ӕмӕ Табуты Родионы уынгтыл. Уым фӕндагон службӕтӕ ӕрӕвнӕлдтой хӕрзарӕзтадмӕ", - банысан кодта Цхуырбаты Алан.

Кӕронмӕ ма фӕхӕццӕ кӕнынц Белинский ӕмӕ Революцийы уынгтыл куыстытӕ дӕр. Нӕузӕххонты уынгыл та уагъд ӕрцыдысты магистралон хӕтӕлтӕ, ныр та коммуникацитӕ уадзынд бирӕуӕладзыгон хӕдзӕрттӕм.

Уымӕй дарддӕр ма ӕнгӕс куыстытӕ уадзынц Плиты Ароны уынгыл, ацы бонты та ӕрӕвнӕлдтой Хъайтарты уынджы иу хаймӕ. Уым хӕрзарӕзт ӕрцӕудзӕн фӕндаг, кӕцы иу кӕндзӕн уынджы микрорайон "Шанхай"-имӕ.

"Уынгты фылдӕр хайыл донифтонгад ӕмӕ канализацион хӕххытӕ ивд ӕрцӕудзысты дыууӕ къуыримӕ, иннӕтыл та - сентябры кӕрӕттӕм, кӕд боныгъӕд нӕ бахъыгдара, уӕд", - загъта "Водоканал"-ы директор.

Уыимӕ иумӕ ма уагъд цӕуынц газы хӕтӕлты ивыны фӕдыл куыстытӕ дӕр. Уыдон та уадзы "Энергоресурс-Южная Осетия".

11
Хуссар Ирыстоны парламенты депутат Хъотайты Дмитрий фембӕлд Знауыры районы хъӕуты цӕрджытимӕ

Фӕндӕгтӕ, рухс, дон: цӕуыл тыхсынц Хуссар Иры Знауыры районы арӕнгӕрон хъӕуты цӕрджытӕ

12
(ранӕуӕггонд 14:38 13.08.2020)
Арӕнгӕрон хъӕутӕ бабӕрӕг кодта Хуссар Ирыстоны парламенты депутат Хъотайты Дмитрий

ЦХИНВАЛ, 13 авг – Sputnik, Козаты Диана. Хуссар Ирыстоны Знауыры районы ӕртӕ арӕнгӕрон хъӕуы цӕрджытӕ радзырдтой сӕ проблемӕты тыххӕй парламенты депутат Хъотайты Дмитрийӕн. Уый бабӕрӕг кодта ӕртӕ хъӕуы: Урсдур, Дидинджын ӕмӕ Суадӕттӕ, хъусын кӕны закондӕттӕг органы пресс-службӕ.

Хъӕуы цӕрджытӕ фыццаг хъаст кодтой уынгтыл рухс кӕй нӕй, ууыл. Сӕ ныхӕстӕм гӕсгӕ, хъӕддаг сырдтӕ нал тӕрсынц цӕуын хъӕутӕм хӕстӕг, ӕмӕ адӕм тӕрсынц изӕры ӕдтӕмӕ хизын.

Афтӕ ма ацы хъӕуты дӕр актуалон проблемӕ у нуазыны доны цухдзинад.

"Цӕрджыты ныхӕстӕй, суадӕтты фылдӕр хай бахус ис. Проблемӕ аскъуыддзаг кӕнынӕн уыдон банхъардтой скъахын цъайтӕ", - банысан кодтой пресс-службӕ.

Дидинджын ӕмӕ Суадӕтты хъӕуты цӕрджытӕ радзырдтой фӕндӕгты тыххӕй дӕр, кӕцытыл ацӕуӕн нӕ вӕййы къӕвдаджын бонты.

Обветшалая крыша дома в Знаурском районе Южной Осетии
© Пресс-служба парламента РЮО.
Хуссар Ирыстоны парламенты депутат Хъотайты Дмитрий фембӕлд Знауыры районы хъӕуты цӕрджытимӕ

Уымӕй дарддӕр Хъотайты Дмитрийӕ ракуырдтой баххуыс кӕнын аскъуыддзаг кӕнын цӕрӕнуатон проблемӕтӕ дӕр.

"Уӕлхӕдзар раивыны фӕдыл куырдиат бадӕтта хъӕуы карджын цӕрӕг Павел Сорокин. Хъотайты Дмитрий йын йӕ хӕдзар куы басгӕрста, уӕд банысан кодта, уӕлхадзарӕй дарддӕр дзы бирӕ цыдӕртӕ кӕй хъӕуы раивын. Депутат дзырд радта, кӕй йын баххуыс кӕндзӕн", - радзырдтой пресс-службӕйы.

Ахӕм уавӕры сты бирӕсывӕллонджын бинонтӕ дӕр, кӕцытӕ цӕрынц Дидинджынты хъӕуы. Уыдонмӕ банхъардтой, цӕмӕй рацӕуой районон центрмӕ, фӕлӕ бинонты нӕ фӕнды ныууадзын райгуырӕн хъӕу, цы ран сын ис сӕхи хӕдзарад. Бинонты хицау радзырдта, ног хӕдзар кӕй нӕ домы, фӕлӕ разы уыдаид цӕрӕг вагон сын куы рахицӕн кодтаиккой.

Встреча депутата парламента Южной Осетии Д. Котаева с жителями сел Знаурского района
© Пресс-служба парламента РЮО.
Хуссар Ирыстоны парламенты депутат Хъотайты Дмитрий фембӕлд Знауыры районы хъӕуты цӕрджытимӕ

Ацы хъӕуы Хъуылымбегты бинонтӕн та ис ӕндӕр проблемӕ – Гуырдзыстонимӕ паддзахадон арӕн уадзыны рӕстӕджы сӕ цӕхӕрадоны ӕрдӕг баззад арӕны иннӕ фарс. Уымӕй дарддӕр, уыдоны нӕ уадзынц сӕ цӕхӕрадонмӕ, кӕцы баззад Хуссар Ирыстоны территорийыл, уымӕн ӕмӕ уый ис арӕнгӕрон зонӕйы.

Пограничный знак на границе Южной Осетии с Грузией
© Пресс-служба парламента РЮО.
Хуссар Ирыстоны парламенты депутат Хъотайты Дмитрий фембӕлд Знауыры районы хъӕуты цӕрджытимӕ

Урсдур хъӕуы цӕрӕг хъаст кодта, йӕ бон кӕй нӕу бафснайын тыллӕг, уымӕн ӕмӕ районон центры комбайн нырма нӕ бахӕццӕ сӕ хъӕумӕ.

Хъотайты Дмитрий дзырд радта бахӕццӕ кӕнын хъӕуты цӕрджыты проблемӕтӕ республикӕйы къухдариуӕгадмӕ, цӕмӕй сӕ аскъуыддзаг кӕной. Афтӕ ма депутат банысан кодта, иу мӕйы фӕстӕ ногӕй кӕй фембӕлдзӕн хъӕуты цӕрджытимӕ.

12
Рӕмонаты Сослан

Олимпиаг чемпион Рӕмонаты Сослан фӕнд кӕны фæивын йӕ уӕзы категори тренер

0
(ранӕуӕггонд 15:50 13.08.2020)
Ирон спортсмен ссис Олимпиадӕйы уӕлахиздзау Рио-де-Жанейройы 65 килограммы уӕзы категорийы

ЦХИНВАЛ, 13 авг — Sputnik. Риойы Олимпиадӕйы уӕлахиздзау, ирон уӕгъдибар хъӕбысӕйхӕцӕг Рӕмонаты Сослан Уӕрӕсейы чемпионаты архайдзӕн 65 кӕнӕ 70 килограммы уӕзы категорийы, хъусын кӕны Р-Спорт спортсмены тренер Мӕргъиты Анатолийы ныхӕстыл ӕнцойгӕнгӕйӕ.

Мӕргъиты Анатолийы ныхӕстӕм гӕсгӕ, хъӕбысӕйхӕцӕг схос кодта йӕ травмӕйӕн ӕмӕ ныр ӕххӕст тренировкӕтӕ уадзы егъау турнирмӕ, кӕцы ацӕудзӕн октябры.

"Рӕмонаты Сослан архайдзӕн Уӕрӕсейы чемпионаты. Уӕзы категорийы тыххӕй мах аныхас кӕндзыстӕм Уӕрӕсейы сӕйраг тренер Тедеты Дзамболатимӕ. Кӕд турниры фӕстиуӕгӕн уа ахсджиаг бынат дунейы чемпионат ӕмӕ Олимпиадӕйы ӕвзӕрстытӕм – уӕд тох кӕндзыстӕм нӕхи уӕзы, 65 килограммы. Кӕнӕ та схиздзыстӕм бӕрзонддӕр категоримӕ", - загъта тренер.

Мӕргъиты Анатолий банысан кодта, спортсмены хӕслӕвӕрд у хайад райсын дунейы чемпионаты Сербийы, фӕлӕ Рӕмонаты Сослан ӕмӕ йӕ тренеры сӕйраг интерес у Олимпиадӕ Токиойы.

0