Хуссар Иры УУМ сапертӕ скуынӕг кодтой тӕссаг рӕмудзӕн ӕрмӕджытӕ

Хуссар Иры УУМ сапертӕ скуынӕг кодтой тӕссаг рӕмудзӕн ӕрмӕджытӕ

2
(ранӕуӕггонд 14:50 08.07.2020)
Тӕссаг снарядты, кӕцытӕ баззадысты республикӕйы территорийыл хӕстон архӕйдтыты фӕстӕ, сӕнӕзианхъом кодта УУМ сгарӕн-ирвӕзынгӕнӕн къорд

ЦХИНВАЛ, 8 июл – Sputnik, Хъуылымбегты Азӕмӕт. Хуссар Ирыстоны Уӕлвӕткон уавӕрты министрады (УУМ) сгарӕн-ирвӕзынгӕнӕн къорды сапертӕ скуынӕг кодтой тӕссаг рӕмудзӕн ӕрмӕджытӕ, фехъусын кодтой Sputnik УУМ пресс-службӕйы.

Саперы МЧС Южной Осетии уничтожили взрывоопасные предметы
МЧС РЮО
Хуссар Иры УУМ сапертӕ скуынӕг кодтой тӕссаг рӕмудзӕн ӕрмӕджытӕ

 

Тӕссаг объектты иу хай барвӕндӕй радтой уагдонмӕреспубликӕйы цӕрджытӕ, иннӕ снарядтӕ та байстой ӕмӕ уӕлвӕткон уагдонмӕ радтой барадхъахъхъӕнӕг структурӕтӕ.

"Скуынӕггонд ӕрмӕджыты хсӕн уыд гранатӕтӕ Ф-1, ПГ-7 ӕмӕ СПГ снарядтӕ, нӕмгуытӕ ӕмӕ ӕндӕр ӕрмӕджытӕ", - фехъусын кодтой министрады.
Саперы МЧС Южной Осетии уничтожили взрывоопасные предметы
МЧС РЮО
Хуссар Иры УУМ сапертӕ скуынӕг кодтой тӕссаг рӕмудзӕн ӕрмӕджытӕ
Хуссар Иры рӕмудзӕн ӕрмӕджытӕй ссыгъдӕг кӕныны куыст уагъд цӕуы ныр цалдӕр азы. Республикӕмӕ ныр цыппар хатты ӕрцыдысты Уӕрӕсейаг центр "Лидер"-ы сапертӕ. Ацы аз хъуамӕ уагъд ӕрцыдаид куыстыты фӕндзӕм этап, фӕлӕ саперты бон нӕ баци ӕрцӕуын коронавирусы апарахаты тасӕй тобӕты тыххӕй.
2
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3