Коронавирус

Иууылдӕр ӕппӕрццаг фӕстиуджытӕ: Югосетпотребнадзор коронавирусы уавӕры тыххӕй

6
(ранӕуӕггонд 13:16 09.07.2020)
Хуссар Ирыстоны дыккаг къуыри ис стабилон эпидемиологон уавӕр, ног рынчынтӕ нӕ бӕрӕг кӕнынц дыууӕ къуыримӕ ӕввахс

ЦХИНВАЛ, 9 июл - Sputnik, Козаты Диана. Югосетпотребнадзор фехъусын кодта басгӕрстты фӕстиуджытӕ, кӕцытӕ ауагътой уагдоны лабораторийы ивгъуыд суткӕйы. Тесттӕ иууылдӕр равдыстой ӕппӕрццаг фӕстиуджытӕ, фехъусын кодта уагдоны сӕргълӕууӕджы хӕдивӕг Гаглойты Анна.

Хуссар Ирыстоны коронавирусӕй фӕстаг рынчыны рафыстой ивгъуыд хуыцаубоны. Уыцы бонӕй фӕстӕмӕ республикӕйы не сбӕрӕг кодтой ног рынчынты.

"Иу суткӕмӕ ауагътой 69 басгӕрсты, уыдон иууылдӕр равдыстой ӕппӕрцаг фӕстиуджытӕ", - радзырдта Гаглойты Анна.

Карантиныл сты 261 адӕймаджы, уыдон бакодтой медицинон уагдӕтты ӕмӕ уазӕгдон "Алан"-ы.

Пандемийы райдайӕнӕй ауагътой 2742 тесты, сбӕрӕг кодтой 85 фӕрынчынуӕвӕджы. Амӕйразмӕ санитарон уагдоны фехъусын кодтой тесттӕ ӕмӕ хардзгӕнӕн ӕрмӕджыты цухдзинады тыххӕй. Ӕртыццӕджы оперативон штабы рабадтыл Коцты Марина банысан кодта, фарст кӕй аскъуыддзаг кодтой – тестты хай балхӕдтой, чысыл парти та Хуссар Ирыстоны радта Роспотребнадзор.

6

Уӕрӕсейаг ӕфсӕддонтӕ дезинфекци уадзынц Хуссар Иры районты

2
(ранӕуӕггонд 16:24 24.11.2020)
Хуссар Ирыстоны уӕвӕг Уӕрӕсейы ӕфсӕддон госпиталы къорд бацыдысты Знауыры районы рынчындон ӕмӕ скъоламӕ

Уӕрӕсейы ӕфсӕддон-быдырон госпиталы специалисттӕ сдезинфекци кодтой дыууӕ социалон объектты, цӕмӕй ӕруромой коронавирусы дарддӕры апарахат. Сӕ дарддӕры нывӕзты ис ӕнгӕс куыстытӕ ауадзын Ленингоры районы дӕр.

2
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

2
(ранӕуӕггонд 15:27 24.11.2020)
Цхинвалы уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой МХМ бӕстыхай

ЦХИНВАЛ, 24 ноя - Sputnik. Уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой Хуссар Ирыстоны Мидхъуыддӕгты министрады (МХМ) бӕстыхай, цӕмӕй ма ‘руадзой коронавирусы апарахат, хъусын кӕны уагдоны пресс-службӕ.

Ӕфсӕддонтӕ сӕрмагонд ифтоггарзӕй сдезинфекци кодтой службӕйон бӕстыхӕйттӕ ӕмӕ ӕввахс территори, банысан кодтой МХМ.

Российские военнослужащие из войск РХБЗ продезинфицировали здание МВД
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Хуссарирыстойнаг медиктӕм ӕххуысмӕ ӕрцыдысты УФ Хъахъхъӕнынады министрады ӕфсӕддон дохтыртӕ. Ӕфсӕддон-быдырон госпиталь сӕвӕрдтой горӕты стадионы территорийыл, уый райдыдта исын пациентты.

Хуссар Ирыстоны пандемийы рӕстӕджы сбӕрӕг кодтой коронавирусӕй 1,8 минмӕ ӕввахс фӕрынчынуӕвӕджы, уыдонӕй сӕнӕниз сты 570 пациенты. Республикӕйы 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ уадзыныл.

2