Фонтан Путины уынгыл скверы

Цхинвалы центры скуыста фонтан

31
(ранӕуӕггонд 11:54 10.07.2020)
Фонтан эсплуатацимӕ раттынӕн фадат нӕ уыд коронавирусы апарахат ма ‘руадзыны фӕдыл карантинон мадзӕлтты тыххӕй

ЦХИНВАЛ, 10 июл — Sputnik, Гӕбӕраты Элина. Скверы, кӕцы сарӕзтой националон стилы Цхинвалы центры, скусын кодтой фонтан. Ацы цаумӕ столицӕйы цӕрджытӕ ӕнхъӕлмӕ кастысты бирӕ рӕстӕг.

Сквер националон стилы сарӕзтой горӕты "Универмаг"-ы бынаты. Бӕстыхай басыгъд 2008 азы августы, уыцы аз ын ныппырх кодтой йӕ къултӕ дӕр.

Горӕты администрацийы пресс-службӕ куыд хъусын кӕны, афтӕмӕй улӕфӕн зонӕйы хӕрзарӕзтады куыстытӕ балхынцъ сты фарон: сӕвӕрдтой дзы бандӕттӕ, рауагътой рухс ӕмӕ сарӕзтой цъӕх зонӕтӕ. Уӕд сарӕзтой ног фонтан дӕр. Фонтан хъуамӕ скусын кодтаиккой сӕрды, фӕлӕ карантинон арӕнӕвӕрдтӕ бахъыгдардтой специалистты.

"Куыстыты фӕстӕ ауагътой тестон скуыст ӕмӕ сӕрды райдайӕны фонтан хъуамӕ скуыстаид. Фӕлӕ контролон скуыст аргъӕвтой, уымӕн ӕмӕ арӕны сӕхгӕды тыххӕй специалисттӕн сӕ бон нӕ уыд ӕмгъуыдмӕ ӕрцӕуын. Цыппӕрӕмы уыдон ӕрцыдысты, ауагътой ӕмбӕлон куыстытӕ ӕмӕ фонтан скуыста", - хъусын кӕны столицӕйы мэр Коцты Аланы ныхӕстӕ йӕ пресс-службӕ.

Путины уынгыл ма ноджы иу улӕфӕн бынат сарӕзтой раздӕры турбазӕ "Осетия"-йы цур. Горӕты къухдариуӕгад ацы ран сарӕзта сывӕллӕттӕн хъазӕн фӕзуат. Советон дуджы ацы ран уыд хӕрӕндон. Аварион бӕстыхай ныппырх кодтой. Путины уынджы хӕрзарӕзтад райдыдта 2019 азы сӕрды райдайӕны. Куыстыты фӕлгӕтты сарӕзтой дыууӕ улӕфӕн бынаты, сцалцӕг кодтой Леуахийы сӕрты хид, афтӕ ма сног кодтой брусчаткӕ Кады Аллейы.

  • Фонтан Путины уынгыл скверы
    Фонтан Путины уынгыл скверы
    © Sputnik / Natalia Airiyan
  • Фонтан Путины уынгыл скверы
    Фонтан Путины уынгыл скверы
    © Sputnik / Natalia Airiyan
1 / 2
© Sputnik / Natalia Airiyan
Фонтан Путины уынгыл скверы
31
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

3
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
3