Уӕрӕсейы минӕварад Хуссар Иры

Хуссар Иры УФ минӕварады консулон хайад ногӕй райдыдта исын ӕмбӕстӕгты

8
(ранӕуӕггонд 11:28 13.07.2020)
Бӕстӕйы дипломатон минӕварадмӕ ӕмбӕстӕгты райсты режим фӕивта июны кӕрӕтты УФ Конституцимӕ ивындзинӕдтӕ бахӕссыны фӕдыл хъӕлӕсдӕттын ауадзыны тыххӕй

ЦХИНВАЛ, 13 июл - Sputnik. Хуссар Ирыстоны Уӕрӕсейы консулон хайад ногӕй гом у ӕмбӕстӕгты райсынмӕ, хъусын кӕны дипломатон минӕварады пресс-службӕ.

"Минӕварады консулон хайад 13 июлы райдыдта исын ӕмбӕстӕгты консулон фарстыты фӕдыл. Куысты режим нӕ фӕивта, цӕрджыты исдзысты къуырисӕрӕй майрӕмбонмӕ 10.00 сахатӕй 13.00 сахатмӕ", - дзырдӕуы хъусинаджы.

Консулон хайад сӕхгӕдтой 25 июны – ацы период Хуссар Ирыстоны Уӕрӕсейы минӕварады бӕстыхайы цыд ӕппӕтуӕрӕсейон хъӕлӕсӕдӕттын Конституцимӕ ивындзинӕдтӕ бахӕссыны фӕдыл.

Минӕварады фехъусын кодтой, консулон хайадмӕ бацӕуынӕн ӕмбӕстӕгтӕм кӕй хъуамӕ уа документ, кӕцы бӕрӕг кӕны сӕ гоймагдзинад, афтӕ ма пайда кӕной сӕрмагонд хъахъхъӕнынады фӕрӕзтӕй.

8
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3