Десант

Уӕлдӕфон десант скуынӕг кодта "ныхмӕлӕууӕджы" Хуссар Иры хӕхты

4
Тактикон ахуыртӕ ацыдысты Хуссар Ирыстоны Гарзджын тыхтимӕ иумӕ. Уыдоны хайад райстой 3,5 минӕй фылдӕр уӕрӕсейаг ӕфсӕддоны ӕмӕ техникӕйы 800 иуӕджы

ЦХИНВАЛ, 13 июл - Sputnik. Уӕрӕсейаг ӕфсӕддонтӕ раргъӕвтой Хуссар Ирыстоны хӕхты тактикон уӕлдӕфон десант, скуынӕг кодтой ныхмӕлӕууӕджы хӕстон архӕйдтыты центр ӕмӕ, ӕфсӕддон авиацийы ӕххуысӕй, бацахстой знаджы территори. Операци ацыд уӕрӕсейаг ӕфсӕддон базӕ ӕмӕ республикӕйы Гарзджын тыхты иумӕйаг ахуырты фӕлгӕтты, хъусын кӕны Уӕрӕсейы Хуссар ӕфсӕддон зылды пресс-службӕ.

Операцийы бынатмӕ десанты бакодтой транспортон-штурмон вертолеттӕ Ми-8АМТШ, афтӕ ма семӕ уыдысты хӕстон вертолеттӕ Ми-28Н "Ночной охотник", радзырдтой ӕфсӕддон зылды.

"Цыбыр ӕмгъуыдмӕ ӕфсӕддонтӕ бацахстой хорз позицитӕ хӕххон бынаты, сорганизаци кодтой операци ныхмӕлӕууӕджы разӕсгарӕн къордты ныхмӕ ӕмӕ скуынӕг кодтой ныхмӕлӕууӕджы хӕстон архӕйдтыты центр", - дзырдӕуы хъусинаджы.

Хуссар ӕфсӕддон зылды бафтыдтой, уӕлдӕфон десант кӕй бахъахъхъӕдта сӕйраг тыхты бацыд ахуырадон-хӕстон бынатмӕ.

4
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3