Фыццаг ирон æххæстметражон мультфильмæн рцыд йæ тизер

Фыццаг ирон æххæстметражон мультфильмæн рацыд йæ тизер

21
(ранӕуӕггонд 13:34 13.07.2020)
Мультфильм "Хетӕджы мӕсыг" исы мӕскуыйаг студи "Движение", сфæлдыстадон къорд аскъуыддзаг кодта уый саразын сахаты бæрц

ЦХИНВАЛ, 13 июл - Sputnik, Плиты Фатимӕ. Хуссарирыстойнаг фыссӕг Джыгкайты Бэллайы аргъау "Хетӕджы мӕсыг"-мӕ гӕсгӕ мультипликацион фильмӕн мыхуыр ӕрцыд йӕ тизер. Фыццаг ирон мультфилмæн йӕ куысты гуырахст фӕегъаудӕр ис, йӕ премьерӕйы бон та фӕфæстæдæр, фехъусын кодта Sputnik ӕрмӕджы автор.

Мультфильм исы мӕскуыйаг студи "Движение".

"Премьерӕ фӕнд кодтам августы бӕрӕгбӕттӕм, фӕлӕ йӕ рӕстӕг кӕй фестырдӕр кодтам, уымӕ гӕсгӕ куысты гуырахст дӕр зынгӕ фӕфылдӕр. Коронавирусы фӕдыл уавӕр фӕстиат кӕны финансон фарст. Стӕй ма мах бафӕндыд уый саразын сахатмӕ ӕввахс, цӕмӕй йӕ равдисой кинотеатрты дӕр. Ӕрмӕгӕн рацыд йӕ тизер уырыссаг ӕвзагыл, цӕттӕ цӕуы мадӕлон ӕвзагыл вариант дæр", - загъта фыссӕг.

Уый банысан кодта, мультфильмӕн йӕ кусӕгон вариант кæй у цӕттӕ.

Мульфильмы сӕйраг хъайтар у ирон паддзахы фырт Хетӕг. Мультфильмы аразджыты фӕндыд равдисын уый ӕрмӕст хъӕбатыр бӕгъатырӕй нӕ, фӕлӕ ма адӕймагӕй, кӕцы хӕссы уарзондзинад ӕмӕ хорздзинад. Сӕйраг хъайтары ном баст у Цӕгат Ирыстоны "Хетӕджы Къох"-имӕ.

Сценарий уырыссаг ӕвзагӕй иронмӕ тӕлмац кӕны публицист ӕмӕ фыссӕг Плиты Инал, националон мелодитӕ та фыссы зарӕггӕнӕг Ӕлборты Лана. Мультфильм саразынӕн фӕрӕзтӕ рахицӕн кодта Хуссар Ирыстоны президент Бибылты Анатолий.

21
Абхазы Уӕлахиз ӕмӕ Хӕдбардзинады бон

Абхаз рамбылдта хӕсты ӕмӕ равдыста йӕ паддзахады разагъддзинад Бибылты Анатолий

9
(ранӕуӕггонд 15:13 30.09.2020)
Хуссар Ирыстоны президент раарфӕ кодта йӕ абхазаг коллегӕйӕн националон бӕрӕгбон – Абхазы Уӕлахиз ӕмӕ Хӕдбардзинады боны фӕдыл

ЦХИНВАЛ, 30 сен - Sputnik. Хуссар Ирыстоны президент Бибылты Анатолий барвыста арфӕйы тел Абхазы сӕргълӕууӕг Аслан Бжаниямӕ республикӕйы Уӕлахиз ӕмӕ Хӕдбардзинады боны фӕдыл. Хуссарирыстойнаг лидер банысан кодта, 27 азы размӕ Абхазы адӕм кӕй рамбылдтой ӕмӕ фенын кодтой дунейӕн абхазаг паддзахады разагъддзинад ӕмӕ тых.

"Фыдыбӕстӕйон хӕст 1992-1993 азты уыд уӕззау фӕлварӕн абхазаг адӕмӕн. Гуырдзыстон сӕххӕст кодта егъау агресси Абхазы ныхмӕ, фӕлӕ знӕгтӕ не ‘мбӕрстой, абхазӕгтӕ кӕй хъахъхъӕнынц сӕ райгуырӕн зӕхх, сӕ бинонты, сӕ фидӕн ӕмӕ сӕ афтӕмӕй рамбулӕн нӕй", - дзырдӕуы арфӕйы тексты.

Бибылты Анатолий банысан кодта бархион ӕфсӕдты хъайтардзинад дӕр, кӕцытӕ ӕрцыдысты Цӕгат Кавказы республикӕтӕй.

"Абхазы адӕмы хъайтардзинады фарс балӕууыдысты бархион ӕфсӕдтӕ цӕгаткавказаг республикӕтӕ ӕмӕ ӕндӕр бӕстӕтӕй. Сӕ фарсмӕ знагимӕ тох кодтой Хуссар Ирыстоны хӕстонтӕ дӕр. Мах алыхатт дӕр хъуыды кӕндзыстӕм сӕ хъӕбатырдзинад, кӕцы уыдон равдыстой Абхазы хӕдбардзинадыл тохы", - бафтыдта президент.

Паддзахады сӕргълӕууӕг банысан кодта, Абхаз абоны бон кӕй кӕй цӕуы хӕдбар паддзахады прогрессивон райрӕзты фӕндагыл ӕмӕ фидар кӕны йе ‘хсӕнадӕмон авторитет.

Абхазы 30 сентябры нысан кӕнынц Уӕлахиз ӕмӕ хӕдбардзинады бон. Ацы бон 27 азы размӕ абхазаг ӕфсӕдтӕ рахызтысты Ингуры донмӕ, Гуырдзыстонимӕ паддзахадон арӕнмӕ ӕмӕ сӕвӕрдтой хидыл абхазаг тырыса. Афтӕмӕй фӕцис Абхазы адӕмы Фыдыбӕстӕйон хӕст. Гуырдзиаг-абхазаг хӕст цыд 413 боны, конфликты рӕстӕджы фӕмард сты 3,5 мин адӕймаджы.

9
Цхинвал

Фӕткхалджыты фылдӕр хай ис Цхинвалы. Хуссар Иры уагъд цӕуынц рейдтӕ фӕндӕгтыл

7
(ранӕуӕггонд 12:46 30.09.2020)
Республикӕйы фӕндӕгтыл уагъд цӕуынц рейдтӕ фӕндагон змӕлды фӕткхалджыты ӕмӕ нозтджын шофырты сбӕрӕг кӕныны фӕдыл

ЦХИНВАЛ, 30 сен - Sputnik. Хуссар Ирыстоны Мидхъуыддӕгты министрады (МХМ) Паддзахадон автоинспекцийы кусджытӕ сбӕрӕг кодтой республикӕйы фӕндӕгтыл фӕндагон змӕлды 23 фӕткхалды иу суткӕмӕ, фӕткхалджыты фылдӕр хай ис Цхинвалы.

"15 шофыры фӕдыл сарӕзтой административон протоколтӕ автотранспорт ӕнӕ ӕмбӕлон документтӕй скъӕрыны тыххӕй. Афтӕ ма, ӕртӕ шофыры ӕрбаздахтой административон бӕрнмӕ фӕндагон нысӕнтты домӕнтӕ фехалыны тыххӕй", - дзырдӕуы уагдоны пресс-службӕйы хъусинаджы.

МХМ бафтыдтой, ПАИ кусджытӕ кӕй уадзынц рейдтӕ МХМ патрулон-постон службӕ ӕмӕ сӕрмагонд дӕлхайӕдты кусджытимӕ иумӕ. Уӕлдай хъусдард здӕхт у автотранспорт фылдӕр цы уынгтыл вӕййы, уыдонмӕ, цӕмӕй сбӕрӕг кӕной фӕндагон змӕлды фӕткхалджыты ӕмӕ нозтджын шофырты.

7
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

0
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

0