Цхинвал

Хуссар Иры МХМ радзырдта ивгъуыд къуырийы уавӕры тыххӕй

9
(ранӕуӕггонд 16:34 13.07.2020)
Барадхъахъхъӕнӕг органтӕ дарддӕр уадзынц рейдон мадзӕлттӕ Хуссар Ирыстоны фӕндӕгтыл – ивгъуыд къуыри ӕрурӕдтой 13 нозтджын шофыры

ЦХИНВАЛ, 13 июл - Sputnik. Ивгъуыд къуыри, 6-13 июлы, Хуссар Ирыстоны фӕндӕгтыл ӕрцыд ӕртӕ аварийы, кӕцыты фӕстиуӕгӕн бахъыгдард сты цыппар адӕймаджы.

Республикӕйы Мидхъуыддӕгты министрады (МХМ) пресс-службӕ куыд хъусын кӕны, афтӕмӕй рейдон мадзӕлтты рӕстӕджы Паддзахадон автоинспекцийы кусджытӕ сбӕрӕг кодтой фӕндагон змӕлды 141 фӕткхалды.

"13 шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй", - бафтыдтой МХМ.

Уагдоны банысан кодтой, ивгъуыд къуыри барадхъахъхъӕнӕг органтӕ кӕй рабӕрӕг кодтой наркотикон буарадтӕ ӕнӕзакононӕй зайын кӕныны дыууӕ цауы. Сӕ нымӕцы, зырзыраг ӕмӕ гӕны 200-мӕ ӕввахс къутӕры ссардтой Залдайы 52-аздзыд цӕрӕгмӕ ӕмӕ гӕны 15 къутӕры та – Ортеуы хъӕуы 45-аздзыд цӕрӕгмӕ.

9
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

2
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

2
Столицæйы быронкалæн полигоны фарсмæ райдыдта хъæбæр коммуналон хауæддзæгты фæзуаты арæзтад

Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

3
(ранӕуӕггонд 11:41 28.09.2020)
Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры.

ЦХИНВАЛ, 28 сен — Sputnik, Дриаты Лейла. Цхинвалы районы Ирыхъæуы быронкалæн полигон фарсмæ райдыдта, хъæбæр коммуналон хауæддзæгтæ кæм æвзардзысты æмæ хицæн кæндзысты, ахæм фæзуат.

Генералон подрядон организаци у Цхинвалы хæдзарадон хайад, уымæн æмæ горæты администрацийы ацы структурон дæлхай йæхæдæг эксплуатаци кæндзæн объекттæ. Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры. Æвæрд дзы уыдзысты сæрмагонд ифтонггæрзтæ.

"Бырæтты пресс кæндзысты æмæ сæ араздзысты сæ уæз тоннæйы бæрц кæмæн уыдзæн, ахæм тюктæ. Афтæмæй сæ ныгæндзыстæм цы стыр уæрм скъахтам, уым", - зæгъы арæзтады прораб Æрсойты Инал.

Æппæт куыстытæ дæр ам хъуамæ фæуой фидæн азмæ. Уымæн æмæ йæ арæзтадæн проектмæ гæсгæ лæвæрд цæуы афæдзы бæрц.

Ивгъуыд аз, ацы хъæуы ног полигонæн рахицæн æрцыд æмæ уæрм скъахтæуыд 3,5 гектары фæзуатыл. Арæзт ма дзы æрцыдис модулон конструкцитæй лæггадгæнæг персоналæн административон цардуагон комплекс, афтæ ма объектмæ арæзт æрцыд фæндæгтæ дæр. Сæмбонд ын кодтой йæ алыварс иууылдæр, сæвæрдтой дзы трансформатор. Полигон кусын райдайдзæн йæ фарсмæ бырæттæ пресс кæнын æмæ æвзарынæн фæзуат арæзт куы æрцæуа, уæд, цæмæй экологийæн зиан ма хæсса.

Бырондонæн йæ эксплуатацийы æмгъуыд у 25 азы. Фæлæ бырæтты кæй æвзардзысты æмæ пресс кæндзысты, уымæ гæсгæ уыцы æмгъуыд зынгæ фæфылдæр уыдзæн.

Ныр арæзтцæуæг объект аскъуыддзаг кæндзæнис республикæйы кондадон æмæ цардуагон бырæттæ утилизаци кæныны хъæуæг домæнтæн дзуапп чи дæтдзæнис, ахæм бронкалæны, проблемæ.

Арæзтадон куыстытæ æххæст кодта арæнгонд бæрндзинады æхсæнад "Цхинвалы арæзтадон компани". Объект арæзт цыдис 2018-2019 азтæн РХИ-

3