Сабидон

Нывӕзтмӕ гӕсгӕ: Цхинвалы сабидӕтты уагъд цӕуынц цалцӕггӕнӕн куыстытӕ

7
(ранӕуӕггонд 11:52 14.07.2020)
Хуссар Ирыстоны столицӕйы администраци ӕрвылаз уадзы цалцӕггӕнӕн куыстытӕ скъолатӕ ӕмӕ сабидӕтты – коммуналон кусджытӕ бӕрӕг кӕнынц куыстыты фӕзуат ахуырагӕнӕндӕтты разамонджытимӕ иумӕ

ЦХИНВАЛ, 14 июл - Sputnik, Гӕбӕраты Элина. Цхинвалы сабидӕтты уагъд цӕуынц цалцӕггӕнӕн куыстытӕ. Цхинвалы ахуырады хайады хистӕр Лолаты Жанна куыд радзырдта Sputnik, афтӕмӕй кӕцыдӕр сабидӕтты куыстытӕ ныридӕгӕн балхынцъ кодтой.

"Махӕн рахицӕн кодтой 9,8 милуан сомы, скъолатӕ сцалцӕг кӕнынӕн та цыппар милуан соммӕ ӕввахс. Дыууӕ милуан сомы нын сӕрмагондӕй рахицӕн кодтой 14-ӕм сабидоны территорийы хӕрзарӕзтадӕн", - банысан кодта уый.

Лолаты Жанна бахахх кодта, сабидӕтты бӕстыхайты фылдӕр хай кӕй ис хорз уавӕры – фӕлӕ сӕ кӕртыты тыххӕй афтӕ зӕгъӕн нӕй.

Скъолаты цалцӕджы тыххӕй Лолаты Жанна бафтыдта, зӕгъгӕ, ацы куыстытӕм нырма нӕ бавнӕлдтой.

"Уый баст у коронавирусы пандеми ӕмӕ таможнӕйыл проблемӕтимӕ. Мӕ хъуыдымӕ гӕсгӕ, мах балхынцъ кӕныдзыстӕм куыстытӕ скъолаты 20 августмӕ", - радзырдта горӕты ахуырады хайады хистӕр.

Йӕ ныхӕстӕм гӕсгӕ, горӕты скъолатӕй критикон уавӕр ис 10 астӕуккаг скъолайы.

"Ацы бӕстыхай хъӕуы ныппырх кӕнын ӕмӕ ног саразын. Егъау скъолаты дӕр ис бирӕ проблемӕтӕ, зӕгъӕм, дыккӕгӕм ӕмӕ фӕндзӕмы. Ахӕм скъолаты хъӕуы фылдӕр финансон фӕрӕзтӕ", - банысан кодта Лолаты Жанна.

Хуссар Ирыстоны столицӕйы администраци ӕрвылаз уадзы цалцӕггӕнӕн куыстытӕ скъолатӕ ӕмӕ сабидӕтты. Коммуналон кусджытӕ бӕрӕг кӕнынц куыстыты фӕзуат ахуыргӕнӕндӕтты разамонджытимӕ иумӕ. Уый фӕстӕ бацӕттӕ кӕнынц куыстыты нывӕзт ӕмӕ сметон документаци.

7
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

5
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
5