Фидауынгӕнджытӕ

Ахсджиаг операци: Бибылты Анатолий Хуссар Ирмӕ фидауынгӕнджыты ӕрбаконды тыххӕй

9
(ранӕуӕггонд 11:52 14.07.2020)
Фидауынгӕнӕн операци уыд уникалон, ӕмӕ фидауынгӕнджытӕн ис ахсджиаг бынат Хуссар Ирыстоны уавӕры стабилизацийы, радзырдта республикӕйы президент

ЦХИНВАЛ, 14 июл – Sputnik. Хуссар Ирыстонмӕ уӕрӕсейаг фидауынгӕнджыты ӕрбаконд уыд ӕнӕмӕнгхъӕуӕг ӕмӕ раст скъуыддзаг, кӕцы баххуыс кодта ӕруромын хӕст ӕмӕ саразын разӕууӕлтӕ республикӕйы сабыр райрӕзтӕн, загъта президент Бибылты Анатолий йӕ интервьюйы газет "Хуссар Ирыстонӕн".

Президент схорзӕхджын кодта фидауынгӕнджыты
© Пресс-служба президента РЮО.

Хуссар Ирыстоны дыццӕджы нысан кӕнынц Фидауынгӕнӕджы бон. Ацы бон 28 азы размӕ гуырдзиаг-ирон конфликты зонӕмӕ ӕрбакодтой сабырад бахъахъхъӕныны фӕдыл ӕмхӕццӕ тыхтӕ. Уый сӕххӕст кодтой Сочийы бадзырдты фӕлгӕтты, кӕцытӕ бафыстой 1992 азы сӕрды Уӕрӕсе, Гуырдзыстон Хуссар ӕмӕ Цӕгат Ирыстоны минӕвӕрттӕ.

Хуссар Ирыстоны хӕсты амӕттӕгтӕ уыцы момент баисты мингай сабыр цӕрджытӕ, республикӕйы территорийыл басыгътой 117 хъӕуы, 100 мин цӕрӕгӕй фылдӕр ныууагътой сӕ хӕдзӕрттӕ.

1992 азы сӕрды уӕрӕсейаг фидауынгӕнджыты батальоны сконды республикӕмӕ ӕрыздӕхт президент Бибылты Анатолий дӕр.

"1992 азы ӕз ӕцӕг ӕрыздӕхтӕн Хуссар Ирыстонмӕ фидауынгӕнӕг тыхты сконды, уыдтӕн Псковы уӕлдӕфон-десантон дивизийы взводы командӕгӕнӕг. Цаутӕ, кӕцытӕ ӕрцыдысты Хуссар Ирыстоны фидауынгӕнӕг тыхты ӕрбаконды размӕ, гӕнӕн ис схонын ӕрмӕстдӕр геноцид. Хуссар Ирыстоны территоримӕ фидауынгӕнджыты ӕрбаконд уыцы рӕстӕджы уыд ӕнӕмӕнгхъӕуӕг ӕмӕ раст къахдзӕф, кӕцы баххуыс кодта ӕруромын хӕст ӕмӕ саразын разӕууӕлтӕ Хуссар Ирыстоны сабыр райрӕзтӕн", - загъта президент йӕ интервьюйы хуссарирыстойнаг газетӕн.

Президент банысан кодта, фидауынгӕнӕн операци уыд ахсджиаг республикӕйы цӕрджытӕн, цӕмӕй сӕххӕст кӕной йӕ ӕдасдзинад – ӕндӕр фадӕттӕ уавӕр ӕрбиноныг кӕнынӕн нӕ уыд.

9
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

4
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

4
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

4
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

4
Дзиццойты Юрий

Дзиццойты Юрий: Ирон тырыса райгуырд хуссары, уый фæстæ ссис æппæтирон

0
(ранӕуӕггонд 16:45 18.09.2020)
Филологон зонæдты кандидат Дзиццойты Юрий радио Sputnik Хуссар Ирыстоны паддзахадон тырысайы фæзынды тыххæй
Дзиццойты Юрий: Ирон тырыса райгуырд хуссары, уый фæстæ ссис æппæтирон

Æрвылаз 19 сентябры нæ республикæ нысан кæны паддзахадон тырысайы бон. Дзиццойты Юрийы куыд радзырдта, уымæ гæсгæ паддзахадон тырыса фæзынд фыццаг Хуссар Ирыстоны 1989 азы, фæлæ уый фæстæ ссис æппæтирон.

"Мах ног дугæн дзуапп чи хъуамæ радтаид, ахæм тырысайыл куы райдыдтам кусын, уæд историмæ аздæхтам нæ хъусдард. Индоевропæйаг адæмтæн сæ фылдæр хаймæ ис хуызты символикæ", - загъта Дзиццойты Юрий.

Юрийы ныхæстæм гæсгæ, индоевропайаг адæмтæн сæ фылдæр хайæн урс хуыз амоны – зонды куыст чи кодта уый, сырх та, йæ хъаруйæ чи куыста, уыдон хуыз.

"Мах, куыд индоевропæйаг адæмæн йæ иу къабаз, афтæ уыцы символикæ йæ фæд ныууагъта нæ историйы. Тырысайы хуыз æвзаргæйæ дискусситæ цыд æрмæстдæр æртыккаг хуыз æвзарыны рæстæджы, æмæ бур хуызыл аскъуыддзаг", - банысан кодта Юрий.

Дзиццойты Юрий бафиппайдта, хуызон сиволикæ нарты кадджыты дæр кæй ныууагъта йæ фæд, зæгъæм, Алæгатæн сæ хæдзар уыд урс, Æхсæртæггатæн та сæ дарæсы уыд сырх хуыз, æртыккаг социалон стратæ сты Борæтæ, уыдон ма фæхонынц Буртæ дæр. Ацы æртæ символикон нысаниуæджы ссисты вазыгджын аргумент тырысайы хуызтæ æвзарыны рæстæджы.

0
Темӕтӕ:
Радио иронау