Цхинвалы цад

Цхинвалы цады фӕзынд ирвӕзынгӕнджытӕ

7
(ранӕуӕггонд 15:09 14.07.2020)
Цады найыныл тобӕ сӕвӕрдтой, фӕлӕ сывӕллӕтты уый нӕ уромы. Уӕлвӕткон цаутӕ ма ‘руадзыны нысанӕн цыппар ирвӕзынгӕнӕджы ӕххӕст кӕндзысты ӕдасдзинад горӕты цады райсомӕй изӕрмӕ

ЦХИНВАЛ, 14 июл – Sputnik, Гӕбӕраты Элина. Цхинвалы цады рады лӕудзысты ирвӕзынгӕнджытӕ, хъусын кӕны столицӕйы администрацийы пресс-службӕ.

Администрацийы пресс-секретарь Коцты Зӕринӕйы ныхӕстӕм гӕсгӕ, цыппар ӕвзонг нӕлгоймаджы рацыдысты инструктаж Хуссар Ирыстоны Уӕлвӕткон уавӕрты министрады (УУМ) профессионалон ирвӕзынӕгджытӕй.

"Ирвӕзынгӕнджытӕ ӕрвылбон ӕххӕст кӕндзысты улӕфджыты ӕдасдзинад. Сбӕрӕг кодтой куысты фӕтк дӕр – уыдон рады лӕудзысты фӕйнӕ дыууӕйӕ. Цады найын нӕй гӕнӕн, фӕлӕ сывӕллӕттӕ ӕмӕ ӕнахъомты уый уӕддӕр нӕ уромы. Уӕлвӕткон цаутӕ ма ‘руадзыны нысанӕн цыппар ирвӕзынгӕнӕджы ӕххӕст кӕндзысты ӕдасдзинад горӕты цады райсомӕй изӕрмӕ", - банысан кодтой пресс-службӕйы.

Афтӕ ма цады аразынц ирвӕзынгӕнӕн станц дӕр, бафтыдта Коцты Зӕринӕ.

Ацы аз ацыдысты егъау куыстытӕ цады хӕрзарӕзтады фӕдыл: горӕты службӕтӕ ссыгъдӕг кодтой цады бын ӕмӕ территори. Фӕлӕ найӕн сезон нырма нӕ бакодтой Югосетпотребнадзор фехӕлдтӕ кӕй ссардта цады, уый тыххӕй. Ӕнӕ санитарон-эпидемиологон уынаффӕйӕ цады найын нӕй гӕнӕн.

Раздӕр горӕты цад уыд арендаторты къухдариуӕгады бын, фӕлӕ уыдон нӕ сӕххӕст кодтой сӕ хӕслӕвӕрдтӕ, ӕмӕ 2016 азы цад рахызт мэрийы дӕлбармӕ.

Абоны бон цады сыгъдӕгдзинад ӕмӕ фӕткмӕ йӕ хъус дары горӕты администрацийы хӕрзарӕзтады хайад.

7
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

3
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

3
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

3
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

3