Фыццаг пандемиийы фӕстӕ: Цхинвалы бакодтой нывгӕнджыты куыстыты равдыст

Фыццаг пандемийы фӕстӕ: Цхинвалы бакодтой нывгӕнджыты куыстыты равдыст

27
(ранӕуӕггонд 12:47 15.07.2020)
Равдыстмӕ сӕ куыстытӕ бавдыстой 22 нывгӕнӕджы, сӕ нымӕцы куыд Адӕмон нывгӕнджытӕ, афтӕ ӕвзонг дӕснытӕ дӕр

ЦХИНВАЛ, 15 июл - Sputnik, Плиты Фатимӕ. Хуссар Ирыстоны Нывгӕнджыты цӕдис бакодта ацы аз сӕ фыццаг равдыст. Экспозици нывонд у фидауынгӕнджытӕн.

Равдыстмӕ сӕ куыстытӕ бавдыстой 22 нывгӕнӕджы, сӕ нымӕцы куыд Адӕмон нывгӕнджытӕ, афтӕ ӕвзонг дӕснытӕ дӕр

"Коронавирусы пандемийы аххосӕй ацы аз уый у нӕ фыццаг равдыст. Нӕ нывӕзт райдыдтам бӕрӕгбонон мадзалӕй, кӕцы нывонд у Фидауынгӕнӕг тыхтӕн", - загъта Sputnik Нывгӕнджыты цӕдисы сӕрдар Битеты Алан.

Йӕ ныхӕстӕм гӕсгӕ, экспозицийы ис сӕ цӕдисы ног уӕнгты куыстытӕ дӕр.

В Цхинвале открылась выставка, посвященная миротворцам
© Sputnik / Фатима Плиева
Цхинвалы бакодтой нывгӕнджыты куыстыты равдыст

"Ӕрӕджы цӕдисы скондмӕ бацыдысты нывгӕнджыты ног фӕлтӕр, уыдон ахуыр фесты Санкт-Петербург ӕмӕ Мӕскуыйы, ныр фӕллой кӕнынц театры. Уыдон бавдыстой спектакльты декорациты нывтӕ", - бафтыдта Битеты Алан.

Йӕ ныхӕстӕм гӕсгӕ, дарддӕры равдыстыты нывӕзтыл ныхас цӕуы Культурӕйы министрадимӕ.

Фидауынгӕнджыты бонӕн нывонд мадзалы хуызфыссынадӕй дарддӕр ис ӕрмдӕсныты - Калаты Нариман ӕмӕ Коцты Дженийы куыстытӕ.

В Цхинвале открылась выставка, посвященная миротворцам
© Sputnik / Фатима Плиева
Цхинвалы бакодтой нывгӕнджыты куыстыты равдыст
27
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3
Столицæйы быронкалæн полигоны фарсмæ райдыдта хъæбæр коммуналон хауæддзæгты фæзуаты арæзтад

Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

6
(ранӕуӕггонд 14:07 28.09.2020)
Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры.

ЦХИНВАЛ, 28 сен — Sputnik, Дриаты Лейла. Цхинвалы районы Ирыхъæуы быронкалæн полигоны фарсмæ райдыдта, хъæбæр коммуналон хауæддзæгтæ кæм æвзардзысты æмæ хицæн кæндзысты, ахæм фæзуаты арӕзтад.

Строительство полигона твердых бытовых отходов
© Sputnik / Лейла Дриаева
Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

Генералон подрядон организаци у Цхинвалы хæдзарадон хайад, уымæн æмæ горæты администрацийы ацы структурон дæлхай йæхæдæг эксплуатаци кæндзæн объекттæ. Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры. Æвæрд дзы уыдзысты сæрмагонд ифтонггæрзтæ.

"Бырæтты пресс кæндзысты æмæ сæ араздзысты сæ уæз тоннæйы бæрц кæмæн уыдзæн, ахæм тюктæ. Афтæмæй сæ ныгæндзыстæм цы стыр уæрм скъахтам, уым", - зæгъы арæзтады прораб Æрсойты Инал.

Æппæт куыстытæ дæр ам хъуамæ фæуой фидæн азмæ. Уымæн æмæ йæ арæзтадæн проектмæ гæсгæ лæвæрд цæуы афæдзы бæрц.

Ивгъуыд аз, ацы хъæуы ног полигонæн рахицæн æрцыд æмæ уæрм скъахтæуыд 3,5 гектары фæзуатыл. Арæзт ма дзы æрцыдис модулон конструкцитæй лæггадгæнæг персоналæн административон цардуагон комплекс, афтæ ма объектмæ арæзт æрцыд фæндæгтæ дæр. Сæмбонд ын кодтой йæ алыварс иууылдæр, сæвæрдтой дзы трансформатор. Полигон кусын райдайдзæн йæ фарсмæ бырæттæ пресс кæнын æмæ æвзарынæн фæзуат арæзт куы æрцæуа, уæд, цæмæй экологийæн зиан ма хæсса.

Бырондонæн йæ эксплуатацийы æмгъуыд у 25 азы. Фæлæ бырæтты кæй æвзардзысты æмæ пресс кæндзысты, уымæ гæсгæ уыцы æмгъуыд зынгæ фæфылдæр уыдзæн.

Ныр арæзтцæуæг объект аскъуыддзаг кæндзæнис республикæйы кондадон æмæ цардуагон бырæттæ утилизаци кæныны хъæуæг домæнтæн дзуапп чи дæтдзæнис, ахæм бронкалæны, проблемæ.

Арæзтадон куыстытæ æххæст кодта арæнгонд бæрндзинады æхсæнад "Цхинвалы арæзтадон компани". Объект арæзт цыдис 2018-2019 азтæн РХИ-

6
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

1
(ранӕуӕггонд 12:11 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембӕлд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

1