Этнолагерь

Экскурситӕ, тренингтӕ ӕмӕ мастер-класстӕ: цы цӕттӕ кӕны этнолагерь Дзауы районы

13
(ранӕуӕггонд 14:20 15.07.2020)
Хуссар Ирыстоны августы ацӕудзӕн этнолагерь, цы ран 14-17 азы кары сывӕллӕттӕм ӕнхъӕлмӕ кӕсы цымыдисон программӕ

ЦХИНВАЛ, 15 июл - Sputnik, Хъуылымбегты Зӕлинӕ. Хуссар Ирыстоны ацы аз августы ацӕудзӕн этнолагерь, кӕцыйы организатор у республикӕйы фӕсивӕдон политикӕ ӕмӕ спорты фӕдыл комитет. Уагдоны сӕргълӕууӕджы хӕдивӕг Гатыгкоты Валентинайы ныхӕстӕм гӕсгӕ, ацы проект фыццаг хатт нӕ уадзынц.

"Этнолагерӕн бынат равзӕрстой Знауыры районы Начърепайы хъӕуы. Ацы район зынгдгонд у йӕ сыгъдӕг уӕлдӕф ӕмӕ алыгъуызон аив бынӕттӕй. Лагеры хайад райсдзысты 60 адӕймаджы, уыдон сты 14-17 азы кары сывӕллӕттӕ.Лагерь мах уадзӕм рӕзгӕ фӕлтӕры монон-фӕткон хъомылады фӕдыл паддзахадон программӕйы реализацийы фӕлгӕтты", - загъта Гатыгкоты Валентина.

Ацы этнолагеры ауадзыны сӕйраг нысан у ӕрбаздахын фӕсивӕды хъусдард ирӕтты историон ӕмӕ культурон бынтӕм. Организатортӕ фӕхондзысты бынӕттон специалистты тренингтӕ ауадзынӕн, кӕцыты фӕрцы фӕсивӕд базондзӕн сӕ адӕмы истори, ӕвзаг, традицитӕ ӕмӕ ӕгъдӕутты тыххӕй. Гатыгкоты Валентинайы ныхӕстӕм гӕсгӕ, этнолагеры иу бон нывонд уыдзӕн ирон адӕмы геноцидӕн.

"Иннӕ бонты сывӕллӕттӕ цӕудзысты туристон балцыты, хайад исдзысты тренингты, конкурсты ӕмӕ алыгъуызон хъӕзтыты турнирты", - бафтыдта комитеты сӕргълӕууӕджы хӕдивӕг.

Боны кӕрон сывӕллӕттӕ ӕрӕмбырд уыдзысты арты цур, кӕсдзысты аивадон кинонывтӕм ӕмӕ сын сорганизаци кӕндзысты дискотекӕ.

Лагеры хайад райсыны тыххӕй хъӕуы бавдисын паспорт кӕнӕ рагуырды бӕлвырд кӕнӕны документы копи, медицинон справкӕ ӕмӕ куырдиат ныййарджытӕй фӕсивӕдон политикӕ ӕмӕ спорты фӕдыл комитетмӕ.

13
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8