Сырх дзуар, Дзимыр

"Аполлон"-ы балц: Хуссар Иры фӕсивӕд схиздзысты Дзимыры комы Сырхы хохмӕ

96
(ранӕуӕггонд 12:55 15.07.2020)
Ленингоры районы Дзимыры комы Сырх хохы тæккæ цъуппыл ис Сырхы дзаур, науæд та Сырхы Уастырджыйы кувæндон. Раздæр ардæм сцæуыны бар уыд æрмæст Дзуары лæгтæ æмæ фаззæттæн. Хохрæбын та ис дыууæ цады, уыдон хауынц Хъелы платомæ

ЦХИНВАЛ, 15 июл - Sputnik, Плиты Фатимӕ. Хуссар Ирыстоны фӕсивӕды къорд ӕртӕбонон балцы ацӕудзысты Ленингоры районы Дзимыры коммӕ. Ацы аз студентон клуб "Аполлон"-ы фыццаг балцы раздзог уыдзӕн Бестауты Бала.

Къорд афӕндараст уыдзӕн сабаты, йӕ сконды - 30 адӕймаджы бӕрц.

"Фӕсивӕды кӕнӕм Дзимыры комы Сырх хохмӕ, бӕстондӕрӕй та Сырхы Дзуармӕ. Ацы сыгъдӕг бынатмӕ рагзаманты бар уыд схизын ӕрмӕстдӕр Дзуары лӕгтӕ ӕмӕ фаззӕттӕн", - загъта къорды раздзог Бестауты Бала.

Уый ма радзырдта, къордимӕ иумӕ кӕй уыдзӕн зонадон кусӕг ӕмӕ бӕстӕзонӕг Хацырты Мурӕт, уый базонгӕ кӕндзӕн бӕлццӕтты ацы кувӕндоны историимӕ.

Горы
© Sputnik / Александра Алборова
Цӕхджын цад

Сырхы хох ӕвӕрд у 3 мин метры денджызы ӕмвӕзадӕй бӕрзонддӕр. Хохрӕбын ис дыууӕ цады, хауынц Хъелы платомӕ.

Сырхы дзуары сæйраг кувæндон ис Ленингор æмæ Цхинвалы районы арæныл, Дзимыргом æмæ Гнугъгомы æхсæн Сырхы хохыл.

Ахуыргонд Мӕргъиты Ирбеджы иртасӕнтӕм гӕсгӕ, цадтӕй фыццаг лæууы бындæр, йæ дæргъ 800м бæрц æмæ йæ уæрх та 250 м æввахс. Дыккаг цад ис чысыл хуссарæрдæм, йæ дæргъ у 250 м æмæ йæ уæрх та 200 м бæрц.

"Уæллаг цадæй дæллагмæ цæуы чысыл къада дон. Адæмы 'хсæн ацы цады фæдыл баззад ахæм дзырд, зæгъгæ, ам сæхи надтой уæларвонтæ, чысылдæры — ус, стырдæры та — лæг. Дæллаг цады ма дзимырæгтæ хуыдтой "Цæхджын цад", - фыссы Мӕргъиты Ирбег.

Хохыл цы кувæндон ис, уый ном Дзиццойты Юрий бæтты "сырхы низы" номимæ "Сырхы дзуар "святилище рожи (название болезни)". Сырх (мед) "рожа" + дзуар "святилище". Кæнæ та — "Божество кори". "Корь" та у "фадынæг" — сывæллæттыл хæцгæ низ.

96
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3
Столицæйы быронкалæн полигоны фарсмæ райдыдта хъæбæр коммуналон хауæддзæгты фæзуаты арæзтад

Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

4
(ранӕуӕггонд 11:41 28.09.2020)
Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры.

ЦХИНВАЛ, 28 сен — Sputnik, Дриаты Лейла. Цхинвалы районы Ирыхъæуы быронкалæн полигон фарсмæ райдыдта, хъæбæр коммуналон хауæддзæгтæ кæм æвзардзысты æмæ хицæн кæндзысты, ахæм фæзуат.

Генералон подрядон организаци у Цхинвалы хæдзарадон хайад, уымæн æмæ горæты администрацийы ацы структурон дæлхай йæхæдæг эксплуатаци кæндзæн объекттæ. Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры. Æвæрд дзы уыдзысты сæрмагонд ифтонггæрзтæ.

"Бырæтты пресс кæндзысты æмæ сæ араздзысты сæ уæз тоннæйы бæрц кæмæн уыдзæн, ахæм тюктæ. Афтæмæй сæ ныгæндзыстæм цы стыр уæрм скъахтам, уым", - зæгъы арæзтады прораб Æрсойты Инал.

Æппæт куыстытæ дæр ам хъуамæ фæуой фидæн азмæ. Уымæн æмæ йæ арæзтадæн проектмæ гæсгæ лæвæрд цæуы афæдзы бæрц.

Ивгъуыд аз, ацы хъæуы ног полигонæн рахицæн æрцыд æмæ уæрм скъахтæуыд 3,5 гектары фæзуатыл. Арæзт ма дзы æрцыдис модулон конструкцитæй лæггадгæнæг персоналæн административон цардуагон комплекс, афтæ ма объектмæ арæзт æрцыд фæндæгтæ дæр. Сæмбонд ын кодтой йæ алыварс иууылдæр, сæвæрдтой дзы трансформатор. Полигон кусын райдайдзæн йæ фарсмæ бырæттæ пресс кæнын æмæ æвзарынæн фæзуат арæзт куы æрцæуа, уæд, цæмæй экологийæн зиан ма хæсса.

Бырондонæн йæ эксплуатацийы æмгъуыд у 25 азы. Фæлæ бырæтты кæй æвзардзысты æмæ пресс кæндзысты, уымæ гæсгæ уыцы æмгъуыд зынгæ фæфылдæр уыдзæн.

Ныр арæзтцæуæг объект аскъуыддзаг кæндзæнис республикæйы кондадон æмæ цардуагон бырæттæ утилизаци кæныны хъæуæг домæнтæн дзуапп чи дæтдзæнис, ахæм бронкалæны, проблемæ.

Арæзтадон куыстытæ æххæст кодта арæнгонд бæрндзинады æхсæнад "Цхинвалы арæзтадон компани". Объект арæзт цыдис 2018-2019 азтæн РХИ-

4