Хуссар Иры театралон факультетмӕ ацыд сфӕлдыстадон конкурс

Сты хорз цӕттӕ: Хуссар Иры театралон факультетмӕ ацыд сфӕлдыстадон конкурс

40
(ранӕуӕггонд 17:05 15.07.2020)
Актёрон факультет ХИПУ-йы бындурыл уыд 20 азы размӕ, уӕды рауагъдонтӕй ныр сценӕйыл цӕхӕр калынц Куымӕридтаты Батрадз, Натиа Чохели, Хуыгаты Альбина, Битеты Милена, Цоциты Николай ӕмӕ ӕндӕртӕ

ЦХИНВАЛ, 15 июл - Sputnik, Плиты Фатимӕ. Хуссар Ирыстоны паддзахадон университеты театралон факультеты абитуриенттӕн ӕртыццӕджы ацыд фӕлварӕнты агъоммӕ сфӕлдыстадон конкурс. Сценӕйы фидӕны дӕсны суӕвынмӕ сӕхи сразӕнгард кодтой 20 адӕймаджы, уыдонӕн сӕ фылдӕр чызджытӕ, фехъусын кодтой Sputnik театры пресс-службӕйы.

Творческий  конкурс для абитуриентов театрального факультета
Пресс-служба ЮОГУ
Хуссар Иры театралон факультетмӕ ацыд сфӕлдыстадон конкурс

Хуссар Ирыстоны паддзахадон университеты бындурыл факультет бакодтой паддзахадон театры ӕнхъарӕнмӕ гӕсгӕ.

"20 адӕймаджы бацыдысты театралон факультетмӕ, ӕртыццӕджы сын уыд сфӕлдыстадон конкурс. Хъыгагӕн, сӕ фылдӕр сты чызджытӕ, афтӕмӕй та сценӕйы фылдӕр хъӕуы нӕлгоймаг актёртӕ. Иумӕйагӕй сисгӕйӕ, райгондӕй баззадтӕн сӕ цӕттӕдзинадӕй, чи у лӕмӕгъдӕр, чи та тыхджындӕр",- хъусын кӕны пресс-службӕ жюрийы уӕнг, Хуссар Ирыстоны Адӕмон артист Бибылты Сосланы ныхӕстӕ.

Сфӕлдыстон конкурс абитуриенттӕ сӕ арӕхстдзинад ӕвдисынц Театры аивадон къухдариуӕггӕнӕг Дзудцаты Тамерлан, директор Уалыты Мӕдинӕ, адӕмон артисттӕ Бибылты Сослан ӕмӕ Гугкаты Эвелинайы раз.

"Актёрон факультет ХИПУ-йы бындурыл уыд 20 азы размӕ, фӕлтӕрддзинад ис. Уӕды рауагъдонтӕй ныр сценӕйыл цӕхӕр калынц Куымӕридтаты Батрадз, Натиа Чохели, Хуыгаты Альбина, Битеты Милена, Цоциты Николай ӕмӕ ӕндӕртӕ", - загътой пресс-службӕйы.

Студенттæн дӕсныйады сусӕгдзинӕдтӕ амондзысты Хуссар Ирыстоны артисттӕ. Актерон дӕсныйад, сценӕйы архайд ӕмӕ ныхас, вокал ӕмӕ ӕппӕт зонындзинӕдтӕ, кӕцытӕ фадат дӕттынц актер суӕвынӕн. Семӕ кусдзысты Харебаты Жан-Жак, Бибылты Сослан, Тъехты Василий æмæ Дзудцаты Тамерлан.

Фӕсивӕдмӕ разӕй ӕнхъӕлмӕ кӕсы бацӕуӕн фӕлварӕнтӕ.

Творческий  конкурс для абитуриентов театрального факультета
Пресс-служба ЮОГУ
Хуссар Иры театралон факультетмӕ ацыд сфӕлдыстадон конкурс
40
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

3
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

3
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

3
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

3