Нагутни

Элентрондыхы хаххы арӕзтад санатори "Ныфс"-мӕ балхынцъ кӕндзысты фӕззӕджы

12
(ранӕуӕггонд 15:30 17.07.2020)
Хахх аразынц республикӕйы президенты фӕдзӕхстмӕ гӕсгӕ. Куыстытӕ бабӕрӕг кодта хицауады сӕрдары хӕдивӕг

ЦХИНВАЛ, 17 июл - Sputnik. Электрондыхы хахх Хуссар Ирыстоны Знауыры районы Нагутнийы хъӕуы хосгӕнӕндон "Ныфс"-мӕ ауадздзысты ацы аз фӕззӕджы, хъусын кӕны республикӕйы хицауады пресс-службӕ. Уагдоны информацимӕ гӕсгӕ, куыстытӕ бабӕрӕг кодта вице-премьер – экономикон райрӕзты министр Бекъойты Геннадий.

Электрондыхы хахх аразы Паддзахадон унитарон куыстуат "Энергоресурс", афтӕ ма куыстытӕм ӕрбаздахтой хъӕды хӕдзарад ӕмӕ Знауыры районы ЦКХ хайӕдтӕ, Куыстуаттӕ "Арӕзтадон ӕрмӕджыты завод" ӕмӕ "Югосетнефтепродукт".

Хосгӕнӕндоны разамонӕг 2011 азӕй фӕстӕмӕ бирӕ хатт бадзырдта республикӕйы къухдариуӕгадмӕ, цӕмӕй баххуыс кӕной уагдонӕн аскъуыддзаг кӕнын проблемон фарстытӕ, фӕлӕ хъуыддагыл ныры онг ничи куыста.

Строительство электролинии в водолечебницу Ныфс
Пресс-служба правительства РЮО
Элентрондыхы хаххы арӕзтад санатори "Ныфс"-мӕ

Вице-премьеры ныхӕстӕм гӕсгӕ, фарон президент Бибылты Анатолий бахӕс кодта республикӕйы хицауадӕн аскъуыддзаг кӕнын электроифтонгады проблемӕ Нагутнийы, ӕмӕ йыл ныр куыст цӕуы. Бекъойты Геннадий банысан кодта, хосгӕнӕндон кӕй у популярон санитарон-курортон уагдон ӕрмӕст Хуссар Ирыстоны цӕрджытӕн нӕ, фӕлӕ уазджытӕн дӕр Уӕрӕсейӕ – ӕрвылаз ам хос кӕнынц сӕхицӕн республикӕйы 200 фылдӕр цӕрӕджы, ӕрдӕг сӕдӕйӕ фылдӕр адӕймаджы ӕрцӕуынц Цӕгат Ирыстонӕй.

"Хосгӕнӕндоны сӕйраг проблемӕ уыд электроэнергийы цухдзинад, ацы фарст не скъуыддзаг кодтой дӕс азы дӕргъы. Электрондыхы хахх ауадзын фадат ратдзӕн фӕфылдӕр кӕнын улӕфӕндоны гъӕд. Уымӕй дарддӕр махӕн нӕ бон у дзурын бастдзинад ауадзыныл Нагутнимӕ, уый дӕр у уагдоны рагон проблемӕ. Санитарон-курортон ӕмӕ туризмы фадгуытӕ мах хъуамӕ райтынг кӕнӕм", - бахахх кодта Бекъойты Геннадий.

Хосгæнæндоны диссаджы æууæлты кой айхъуыст 1972 азæй фæстæмæ ӕмӕ ардæм адæм цæуын райдыдтой ваннæтæ исынмæ, фæлæ дзы арæзтæдтæ нæма уыд. 2002-2003 æзты санаторий "Ныфс" сарæзта Знауыры цæрæг амалиуæггæнæг Челæхсаты Владимир, хосгæнæндон скуыста куыд æцæг пансионат афтæ.

12
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

2
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

2
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3