Сквер Путины уынгыл

Сӕрд ӕнӕ аууонӕй: Цхинвалы администраци радзырдтой, кӕд ныссадздзысты ног скверы бӕлӕстӕ

35
(ранӕуӕггонд 16:25 17.07.2020)
Горӕты цӕрджыты зӕрдӕмӕ нӕ цӕуы, ног скверы бӕлӕстӕ кӕй нӕй, уый – Цхинвалы мэрийы банысан кодтой, проблемӕ баст кӕй у арӕны сӕрты хизыныл тобӕимӕ

ЦХИНВАЛ, 17 июл — Sputnik, Хъуылымбегты Азӕмӕт. Цхинвалы центры Путины уынгыл скверы ныссадздзысты бӕлӕстӕ, дидинтӕ ӕмӕ декоративон къутӕртӕ, фехъусын кодта Sputnik столицӕйы мэрийы дӕлбар хӕрзарӕзтады комбинаты зӕлдфӕлындӕны хайады ландшафтон дизайнер Пӕррӕстаты Ирина.

Амӕйразмӕ социалон хызӕгты Цхинвалы цӕрджытӕ хъаст кодтой, хур боны скверы кӕй нӕй гӕнӕн бадын – нӕ фаг кӕнынц бӕлӕстӕ, кӕцытӕ аразынц аууон.

"Ацы аз арӕны сӕхгӕды тыххӕй нӕ рауад ӕрласын талатӕ, фӕлӕ сӕрды дӕр нӕй гӕнӕн садзын бӕлӕстӕ, уый фӕдыл ацы фӕззӕджы ныссадздзыстӕм бӕлӕстӕ, дидинтӕ ӕмӕ къутӕртӕ", - загъта Пӕррӕстаты Ирина.

Уый банысан кодта, зайӕгойтӕ балхӕнынӕн кӕй хъуыд ацӕуын Уӕрӕсемӕ, цӕмӕй равзарой бӕлӕстӕ ӕмӕ дидинтӕ скверӕн, фӕлӕ коронавирусы фӕдыл арӕнӕвӕрдты тыххӕй уымӕн фадат нӕй.

Пӕррӕстаты Ирина бафтыдта, сквер территорийыл, кӕцы сарӕзтой раздӕры турбаза "Ирыстон"-ы цур, цы ран сарӕзтой сывӕллӕтты фӕзуат, уагъд цӕудзысты зӕлдфӕлындӕн куыстытӕ.

Уӕрӕсеимӕ арӕны сӕрты хизыныл тобӕ сӕвӕрдтой 5 апрелы ӕмӕ йӕ уый фӕстӕ цалдӕр хатт адарддӕр кодтой. Июны кӕрӕтты Хуссар Ирыстоны къухдариуӕгад аскъуыддзаг кодта адарддӕр кӕнын Уӕрӕсеимӕ арӕны сӕрты хизыныл тобӕ 31 июлы онг.

35
Цхинвалы райдайдзӕн авд уынджы капиталон цалцӕг

Цхинвалы райдайдзӕн авд уынджы капиталон цалцӕг

1
Республикӕйы столицӕйы ныридӕгӕн раивтой зӕххы бын коммуникациты 70 проценты, ӕввахс рӕстӕджы куыстытӕ райдайдзысты ноджы авд уынгыл

ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.

Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.

"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.

Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".

Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.

1
COVID-19

Хуссар Иры рабӕрӕг ис COVID-19-ы 21 ног цауы - "Югосетпотребнадзор"

3
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онг

ЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.

Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.

Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3