Нагутни

Ӕнахуыр ӕнтӕф: куыд ӕндавынц тӕвд боныгъӕдтӕ Хуссар Иры цӕрджытыл

67
(ранӕуӕггонд 12:48 20.07.2020)
Ацы аз уӕлдӕфы температурӕ иууыл бӕрзонддӕр градусмӕ схызт хуыцаубоны. Къуырисӕры, синоптикты бӕрӕггӕнӕнтӕм гӕсгӕ, уыдзӕн ноджы тӕвддӕр

ЦХИНВАЛ, 20 июл — Sputnik, Плиты Фатимӕ. Хуссар Ирыстоны ацы бонты ныллӕуыд ӕнахуыр тӕвд боныгъӕдтӕ, уӕлдӕфы хъӕрмад хизы 37-39 градусы онг. Ӕнтӕфы фӕфылдӕр сты тагъд ӕххуысы службӕмӕ фӕсидтӕ дӕр, фехъусын кодта Sputnik РБМЦ хистӕры хӕдивӕг тагъд ӕххуысы службӕйы фӕдыл Хъуылымбегты Эмзар.

Йӕ ныхӕстӕм гӕсгӕ, ӕнахуыр ӕнтӕф зынӕй хӕссын лӕмӕгъ ӕнӕниздзинад кӕмӕн ис, уыцы адӕм. Тынгдӕр тыхсынц гипертониктӕ ӕмӕ нуӕртты низтӕй рынчын категоритӕ.

"Чысыл фӕфылдӕр сты тагъд ӕххуысы службӕмӕ фӕсидтӕ знон. Нӕ къордтӕ ацыдысты рынчынтӕм 55 хатт, ӕндӕр бонты вӕййынц 50 онг. Фондз адӕймаджы дзы схуыссын кодтой рынчындоны", - загъта дохтыр.

Хъуылымбегты Эмзар банысан кодта, тагъд архайды къордтӕ кӕй ӕххӕсынц сӕ куыстыл.

"Цыппар къорды нӕм кусы, сӕ хъусдарды бын ис столицӕ, афтӕ ма Цхинвалы ӕмӕ Знауыры районты горӕтгӕрон хъӕутӕ", - бафтыдта службӕйы хистӕр.

Ацы аз уӕлдӕфы температурӕ иууыл бӕрзонддӕр градусмӕ схызт хуыцаубоны. Къуырисӕры, синоптикты бӕрӕггӕнӕнтӕм гӕсгӕ, уыдзӕн ноджы тӕвддӕр.

67
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4