Цхинвайлы центры сараздзысты ног цӕрӕнуӕттӕ

Цхинвалы центры сараздзысты ног цӕрӕнуӕттӕ

286
(ранӕуӕггонд 09:39 22.07.2020)
Дыууӕ корпус самайдзысты 2021-2022 ӕзты, столицӕйы цӕрӕн фонд баххӕст уыдзӕн уӕлӕмхас ноджы 150 фатерӕй

ЦХИНВАЛ, 20 июл — Sputnik, Плиты Фатимӕ. Хуссар Ирыстоны столицӕйы центры сараздзысты ног цӕрӕнуӕттӕ. Дыууӕ корпусы фӕзындзысты Харебаты Исахъы уынгыл аварион хӕдзӕртты бынаты, фехъусын кодта Sputnik Арӕзтады министрады пресс-службӕйы.

Ног хӕдзӕртты арӕзтады райдайӕн нысан у 2021 азмӕ, йӕ фӕуыд та 2022 азмӕ. Дыууӕ  аварион корпусы ис 50 фатеры бӕрц.

"Столицӕйы тӕккӕ центры дыккӕгӕм скъолайы ныхмӕ уӕвӕг зӕронд бӕстыхай ӕмӕ йӕ фарсмӕ ӕвӕрд корпус дыууӕтӕ дӕр сты аварион. Уыдон бынаты самайдзысты дыууӕ бирӕуӕладзыгон хӕдзары алкӕцыйы дӕр фӕйнӕ 75 фатеры. Ӕмткӕй цӕрӕн фонд баххӕст уыдзӕн 150 фатерӕй. Уый у зынгӕ фылдӕр ам цас бинонтӕ цӕры, уыдонӕй", - загъта уагдоны пресс-секретарь.

Йӕ ныхӕстӕм гӕсгӕ, ацы дыууӕ корпус ӕмӕ Хъайтарты уынгыл 118 аварион хӕдзары бынаты ног бирӕуӕладзыгон хӕдзӕрттӕ арӕзтадӕй ӕлхынцъ цӕуы хӕсты ныппырхуӕвӕг бирӕуӕладзыгон бӕстыхӕйтты арӕзтад.

Харебаты Исахъхъы уынджы 36-ӕм ӕртӕуӕладзыгонд хӕдзар
© Sputnik / Ада Багиан

"Зӕгъӕн ис ацы ӕртӕ хӕдзары арӕзтадӕй айсдзысты столицӕйы корпустӕй хӕсты фӕд, дарддӕр арӕзтӕдтӕ цӕудзысты ног микрорайонты", - бафтыдта уый.

Харебаты Исахъхъы уынджы 36-ӕм ӕртӕуӕладзыгон хӕдзары ас цӕрджыты ӕвдисӕнтӕм гӕсгӕ, ацы бӕстыхай гъӕдджын ӕмӕ бындуронӕй сарӕзтой 1931 азы немыцӕгтӕ, уӕд дзы уыд цавӕрдӕр ӕнахуыр къазармӕтӕ.

Аннӕ бӕрӕггӕнӕнтӕм гӕсгӕ та, Стыр Фыдыбӕстӕйон хӕст куы райдыта, уӕд бӕстыхаййӕ сарӕзтой ӕфсӕддон рынчындон, уый фӕстӕ ам уыд ӕмдзӕрӕндон. Фӕстӕдӕр цадӕггай хатӕнтӕ иу кодтой ӕмӕ дзы сырӕзт 20 фатеры.

Бӕстыхай бавзӕрста рӕстӕджы ӕгъатыр ӕндӕвдад, хӕстытӕ ӕмӕ зӕххӕнкъуыстытӕ. Ӕрцыд ӕдзӕллаг уавӕрмӕ.

286
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдоны сифтонг кӕндзысты туаггуырӕй

3
(ранӕуӕггонд 17:09 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

3
Афтиаг

Хуссар Иры ӕхсӕнадон бынӕтты бакодтой маскӕйон режим

4
(ранӕуӕггонд 17:00 22.10.2020)
Профилактикон мадзӕлттӕ не ‘ххӕст кӕныны тыххӕй базарадон объекттӕ ӕмӕ ӕндӕр ӕхсӕнадон уагдӕтты къухдариуӕггӕнджытӕ цӕудзысты ивар, бафӕдзӕхстой Югосетпотребнадзоры

ЦХИНВАЛ, 22 окт – Sputnik, Козаты Диана. Хуссар Ирыстоны ӕхсӕнадон бынӕттӕм нал ис гӕнӕн цӕуын ӕнӕ хъахъхъӕнӕн медицинон маскӕтӕй. Ахӕм скъуыддзаг рахаста Югосетпотребнадзор, фехъусын кодта уагдоны сӕргълӕууӕг Коцты Марина.

Йӕ ныхӕстӕм гӕсгӕ, уагдоны кусджытӕ уадзынц рейдтӕ базарадон объекты, уыдон хицӕутты ӕмӕ кусджыты фӕдзӕхсынц маскӕйон режимы ӕнӕмӕнгхъӕуӕгдзинады тыххӕй.

"Фӕстаг хатт ма сӕ фӕдзӕхсӕм, сӕхӕдӕг дӕр маскӕты кӕй хъуамӕ кусой ӕмӕ ӕлхӕнджыты дӕр ӕнӕ маскӕтӕй кӕй ма уадзой, уый тыххӕй. Маскӕйы режим халыны тыххӕй уыдон хӕсдзысты бӕрндзинад", - загъта Коцты Марина.

Сӕйраг санитарон дохтыр ма банысан кодта социалон бӕрндзинады стыр нысаниуӕг дӕр, кӕцы хъуамӕ хӕсса алкӕцы адӕймаг дӕр.

"Мах ӕрмӕст уымӕй дӕр бирӕ фӕхуыздӕр кӕндзыстӕм уавӕр. Баххуыс кӕндзыстӕм нӕ дохтыртӕн, уымӕн ӕмӕ рекомендацитӕ ӕххӕстгӕнгӕйӕ къаддӕр адӕм рынчын кӕндзӕн", - бафтыдта уый.

Республикӕйы сӕхгӕдтой карантиныл скъолатӕ, ХИПУ ӕмӕ цалдӕр сабидоны, ӕдасдзинады мадзӕлттӕ райстой бюджетон организациты, кӕцыты ис коронавирусӕй рынчынтӕ.

4